लोमा छ्‍येतिवी लाका 26:8 - कोन्छ्‌योककी सुङ

⁸ कोन्‍छ्‍योककी शेपतिवाला सेन्‍बु लोङ मुथुपी सिनी ख्‍यिराङ च्‍यिला नासाम तोङ्‍गिवी?

लोमा छ्‍येतिवी लाका 26:8 Iomraidhean Croise

लूका 1:37

च्‍यिलासिसिन कोन्‍छ्‍योककी कि मुथुपु ति काङ साङ मे।”

लूका 18:27

येशूकी सुङ्‍सुङ, “मीकी कि मुथुपुप लाका ति कोन्‍छ्‍योककी कि थुप्‍किवी।”

लोमा छ्‍येतिवी लाका 23:6

तमा ते जोम्‍बुप मीतिवी नाङ ने छो च्‍यिक ति सदुकी ताङ छो यम्‍बा ति फरिसीतिवा नोक सिरुप ति हाक्‍कोनी पावलकी थोर ग्‍यप्‍नी दुक सिक्‍यासुङ, “ओ अच्‍युनुपतिवा, ङ फरिसी यिन, ङे पपाआमा साङ फरिसी यिन। कोन्‍छ्‍योककी शेपतिवा सेन्‍बु लङ्‍गुप रेवाकी थोक्‍ला राङ ख्‍यिरा ङला दे ठिम कियी वे।”

लोमा छ्‍येतिवी लाका 25:19

यिने तिवा नक लक्‍लोका गलुप तेन्‍दोक ति तिवी छ्‍योकी थोक्‍ला ताङ येशू सिरुप शेप मी च्‍यिककी कोर्ला नोक। ती येशूला पावलकी तरोङ साङ ङोसु राङ वे सिनी सिनोक।

लोमा छ्‍येतिवी लाका 4:2

पत्रुस ताङ यूहन्‍नाकी येशू टुङ्‍नी ङोसु लावु यिन सिरुप ताम्‍ङे ति मीतिवाला लोपिन ताङ ख्‍याप्‍टाक क्‍यावु थोनी तिवाला ङ्‍यिर्मु लानोक।

१ कोरिन्‍थी 15:34

च्‍याङ्‍से देता! तफेन्‍ला ख्‍यिराङ दिक्‍पा कितुप क्‍युर। च्‍यिलासिसिन मिरा चोला याङ कोन्‍छ्‍योककी कोर्ला छ्‍या राङ मे। दी ताम्‍ङे ति ङे ख्‍यिराङला ङोछा लोङ्‍गुपला सिक्‍यावु यिन।

फिलिप्पी 3:21

खोकी ङारकी राङ जम्‍बुलिङला वोतुप तेरी च्‍यालकतिवा खोकी ओङला ज्‍योक थुप्‍किवी। तमा खोकी ओङ नेमा राङ दाक्‍पी रुलुप जु ति खोकी मोवाला वोतुप जु दोके सम्‍बा फो ज्‍यिकिवी।