लोमा छ्‍येतिवी लाका 26:7 - कोन्छ्‌योककी सुङ

⁷ दाक्‍पी गिपा च्‍यिङ्‍ङीकी मीतिवी ङ्‍यी ताङ नुप्‍ज्‍या सेम च्‍यिक राङ च्‍युङ्‍नी ती कोन्‍छ्‍योककी थाक्‍छ्‍येन नङ्‍गुप ति ङ्‍येतुपला सोवा तेक्‍नी रेवा क्‍यासुङ। ओ ग्‍येल्‍वु, दी रेवाकी थोक्‍ला यहूदीतिवी ङला क्‍येन ग्‍यम वे।

लोमा छ्‍येतिवी लाका 26:7 Iomraidhean Croise

मत्ती 19:28

तमा येशूकी तिवाला “वुतुङ के ङ ख्‍यिराङला सिरिन, दी जम्‍बुलिङ तेरी सम्‍बा फोनी ङ मी पुज्‍युङ खोरो मोवा वोतुप ग्‍येल्‍ठिकला देनी ग्‍येला कितुप पेला ख्‍यिराङ ङे तिङ्‍ला तिङ्‍योकुपतिवा साङ ग्‍येल्‍ठिक च्‍यिङ्‍ङीला देनी इस्राएलकी मिरिक च्‍यिङ्‍ङीकी खला ठिम कितो।

लूका 2:25

तमा ती पेला यरूशलेमला शिमियोन सिरुप मी यी नोक। ती ति कोन्‍छ्‍योककी थोङ्‍दाङला टेङ्‍बु वोतुप ताङ कोन्‍छ्‍योकला मोवा कितुप मी यिनोक। तीकी कोन्‍छ्‍योककी इस्राएलकी मीतिवाला थर ज्‍यितुप तीला गुनी देनोक, तमा तीला कोन्‍छ्‍योककी थु चाङ्‍मा थोप्‍नी नोक।

लूका 22:30

तुक क्‍यानी ख्‍यिराङ ङे ग्‍येल्‍खापला ङ ताङ मुला देनी साप ताङ थुङ्‍गुप ङ्‍येकितो, तमा ग्‍येल्‍ठिकला देनी इस्राएलकी मिरिक च्‍यिङ्‍ङीतिवी खला ठिम कितो।”

लोमा छ्‍येतिवी लाका 20:31

तुक क्‍यानी ख्‍यिराङ च्‍याङ्‍से देता! लो सुम सेक ङ्‍यी ताङ नुप्‍ज्‍या ङुयी सिरा ङे ख्‍यिराङला टोङ्‍गु बिन्‍दुप ति नासाम तोङा।

लोमा छ्‍येतिवी लाका 24:15

टेङ्‍बु वोतुपतिवा ताङ मेटेङ्‍बुतिवा तेरीला कोन्‍छ्‍योककी शेप ने सेन्‍बु लोङ्‍गिवी सिरुप ताम्‍ङे ति दिवी खोप्‍रे सेमला लावु दोके ङ साङ कोन्‍छ्‍योकला रेवा कितिन।

लोमा छ्‍येतिवी लाका 26:2

“ओ ग्‍येल्‍वु अग्रिपास, यहूदीतिवी ङला क्‍येन ग्‍यपुप तेरी ताम्‍ङेकी कोर्ला हारिङ ङ ग्‍येल्‍वुकी चिप्‍ला लपुप ङ्‍येतुप तप्‍की ङला छासे गा लानी वे।

लोमा छ्‍येतिवी लाका 26:3

च्‍यिलासिसिन यहूदीतिवी तेरी लुक्‍सु ताङ छ्‍योला तेपा कितुप ताम्‍ङेला कुतुक कुतुक वोतुप ति ग्‍येल्‍वुला राङ छ्‍या वोतुप तप्‍की ङे ताम्‍ङे ल्‍यामो क्‍यानी सेन सिनी ङ गोङ्‍बा शोयी।

लोमा छ्‍येतिवी लाका 28:20

ती तप्‍की ख्‍यिराङला ठेनी अरा उरा सिरुप नोनी ङे ख्‍यिराङला कतङ्‍गुप यिन। च्‍यिलासिसिन इस्राएलकी मीतिवी रेवा क्‍यानी गुन देतुप शेप ने ङोसु लावु ख्रीष्‍टकी थोक्‍ला राङ ङला च्‍याटोक ग्‍यपुप यिन।”

फिलिप्पी 3:11

तमा च्‍युङ्‍सिन ङ शिसिमा शेप ने सेन्‍बु लङ थुप्‍शी।

१ थेसलोनिकी 3:10

ख्‍यिराङला येलुङ ठेनी ख्‍यिरा तेपा ति मङ रम्‍बु जोपला ङ्‍यी ताङ नुप्‍ज्‍या ङ्‍यिराङ कोन्‍छ्‍योकला मोपोर कितिन।

१ तिमोथी 5:5

यिने खोरो ति सु साङ मेतुप युक्‍सिमतिवी वुतुङ के कोन्‍छ्‍योकला तिराङ रेवा क्‍यावु गिवी। तमा ङ्‍यी ताङ नुप्‍ज्‍या खोला राङ गोङ्‍बा शु शुवा देकिवी।

याकूब 1:1

टसी देलेक! कोन्‍छ्‍योक ताङ चोवो येशू ख्रीष्‍टला शब्‍ज्‍यी बुलुप ङ याकूबकी छ्‍योक नेमा जम्‍बुलिङकी दासा दासाला टम्‍नी देतुप कोन्‍छ्‍योकला तेपा कितुप मीतिवा तेरीला दी यिकी ति टिवु यिनो।