लोमा छ्‍येतिवी लाका 26:2 - कोन्छ्‌योककी सुङ

² “ओ ग्‍येल्‍वु अग्रिपास, यहूदीतिवी ङला क्‍येन ग्‍यपुप तेरी ताम्‍ङेकी कोर्ला हारिङ ङ ग्‍येल्‍वुकी चिप्‍ला लपुप ङ्‍येतुप तप्‍की ङला छासे गा लानी वे।

लोमा छ्‍येतिवी लाका 26:2 Iomraidhean Croise

मत्ती 10:19

मीतिवी ख्‍यिराङला जिम्‍नी ठिम्‍खाङला क्‍योलुप पेला ख्‍यिराङ चुक सि गोकिवी याङ्‍ना काङ सि गोकिवी सिनी पप माकी, च्‍यिलासिसिन ख्‍यिरा काङ सि गोवु ति ती पेला राङ ख्‍यिराङला लप्‍कितो।

लूका 12:11

चो पेला मीतिवी ख्‍यिराङला यहूदी छ्‍योखाङ ताङ ग्‍येला कितुपतिवा ताङ ओङ्‍ज्‍येन कितुपतिवी दोङ्‍ला क्‍योल्‍गिवे, ती पेला ख्‍यिरा चुक सि गोकिवी, याङ्‍ना काङ सि गोकिवी सिनी पप माकी।

लूका 21:12

यिने दी तेरी ताम्‍ङेतिवा च्‍युङ्‍गुप सिनाङ गोमाला मीतिवी ख्‍यिराङला जिम्‍गितो, छेटाङ तेर्कितो, तमा ख्‍यिराङला यहूदी छ्‍योखाङ ताङ चोन्‍खाङला चेक तेकितो। तमा ख्‍यिरा ङला तेपा क्‍यावु तप्‍की तिवी ख्‍यिराङला ग्‍येल्‍वुतिवा ताङ रोमी ग्‍येला कितुप मी छ्‍येतिवी चिप्‍ला क्‍योल्‍गितो।

लोमा छ्‍येतिवी लाका 25:26

दी मी तीकी कोर्ला ङे रोमी ग्‍येल्‍वुला टि गोवु ताम्‍ङे काङ साङ मे। तुक क्‍यानी दी मीला ख्‍यिराङ ताङ खक्‍छ्‍येवु ग्‍येल्‍वु अग्रिपासकी चिप्‍ला टिन वायी। तमा ङ्‍यिरा दीला ल्‍यामो क्‍यानी टिसिमा ङे काङ रे च्‍यिक रे ताम्‍ङे टिकुप ङ्‍येकिवी।

लोमा छ्‍येतिवी लाका 26:1

तमा अग्रिपासकी पावलला ख्‍युरुङ ख्‍योरो थोक्‍ला लप थुप्‍किवी सिनी सिक्‍यासुङ। तमा पावलकी खोरो थोक्‍ला ताम्‍ङे लापुपला लाक्‍पी छ्‍याक्‍के क्‍यानी दुक सिक्‍यासुङ।

लोमा छ्‍येतिवी लाका 26:19

ती तप्‍की ओ ग्‍येल्‍वु अग्रिपास, देवाच्‍येन नेमा सुङ्‍गुप ताम्‍ङेला ङे ङ्‍येनिन।

लोमा छ्‍येतिवी लाका 26:26

दी ताम्‍ङेकी कोर्ला ग्‍येल्‍वुकी हाक्‍को वे। तुक क्‍यानी ती ताम्‍ङे ति ङ ङाडेङ क्‍यानी लपिन वे। च्‍यिलासिसिन दी तेरी ताम्‍ङे ति छ्‍याकला मेतुप तप्‍की ग्‍येल्‍वुकी साङ बानी माज्‍याक वे।

लोमा छ्‍येतिवी लाका 26:3

च्‍यिलासिसिन यहूदीतिवी तेरी लुक्‍सु ताङ छ्‍योला तेपा कितुप ताम्‍ङेला कुतुक कुतुक वोतुप ति ग्‍येल्‍वुला राङ छ्‍या वोतुप तप्‍की ङे ताम्‍ङे ल्‍यामो क्‍यानी सेन सिनी ङ गोङ्‍बा शोयी।

लोमा छ्‍येतिवी लाका 26:7

दाक्‍पी गिपा च्‍यिङ्‍ङीकी मीतिवी ङ्‍यी ताङ नुप्‍ज्‍या सेम च्‍यिक राङ च्‍युङ्‍नी ती कोन्‍छ्‍योककी थाक्‍छ्‍येन नङ्‍गुप ति ङ्‍येतुपला सोवा तेक्‍नी रेवा क्‍यासुङ। ओ ग्‍येल्‍वु, दी रेवाकी थोक्‍ला यहूदीतिवी ङला क्‍येन ग्‍यम वे।