लोमा छ्‍येतिवी लाका 26:11 - कोन्छ्‌योककी सुङ

¹¹ छ्‍योखाङ छ्‍योखाङला गल्‍नी तिवाला थेङ्‍मा बङी छ्‍येर्पा बिन्‍नी तेपा कितुप क्‍युर ज्‍यितुप ताङ येशूला मारे तोङ्‍गुप नो क्‍यायिन। तमा तिवाला ङ्‍यिर्मु लानी लुङ्‍बा ज्‍येनकी ग्‍येसातिवाला साङ गल्‍नी छेटाङ बिनिन।”

लोमा छ्‍येतिवी लाका 26:11 Iomraidhean Croise

मत्ती 10:17

ख्‍यिराङ मीतिवा नेसुर च्‍याङ्‍से देता। च्‍यिलासिसिन तिवी ख्‍यिराङला ठिम्‍खाङला क्‍योल्‍गितो, तमा यहूदी छ्‍योखाङला टिनी पाङ्‍शर तोङ्‍गितो।

मर्कूस 13:9

तुक क्‍यानी ख्‍यिराङ त वुङ्‍गुप दुक्‍पी थोक्‍ला च्‍याङ्‍से क्‍यानी दे। मीतिवी ख्‍यिराङला ठिम्‍खाङला चेक तेकितो, तमा यहूदी छ्‍योखाङला ख्‍यिराङला दुङ्‍गितो। ख्‍यिरा ङला तेपा क्‍यावु तप्‍की ठिम कितुप मी छ्‍येतिवा ताङ ग्‍येल्‍वुतिवी दोङ्‍ला लानी ङे थोक्‍ला पङ्‍बु तेर्कितो।

मर्कूस 3:28

ङ ख्‍यिराङला टेङ्‍बो सिरिन, मीतिवी क्‍यावु तेरी दिक्‍पातिवा ताङ मारे तोङ्‍गुप ताम्‍ङेतिवा ति माफ ङ्‍येकिवी,

लूका 15:17

ती पेला के तीकी टेन्‍बा ङ्‍येनी दुक सिक्‍यासुङ, ‘ङे पाली खाङ्‍बा याङ लावातिवा बङीकी सुप दुन दुन सोनी साङ ल्‍हकिवी। यिने ङ ति दे ल्‍होतुङ्‍बा राङ शेप छाल्‍सुङ।

लूका 21:12

यिने दी तेरी ताम्‍ङेतिवा च्‍युङ्‍गुप सिनाङ गोमाला मीतिवी ख्‍यिराङला जिम्‍गितो, छेटाङ तेर्कितो, तमा ख्‍यिराङला यहूदी छ्‍योखाङ ताङ चोन्‍खाङला चेक तेकितो। तमा ख्‍यिरा ङला तेपा क्‍यावु तप्‍की तिवी ख्‍यिराङला ग्‍येल्‍वुतिवा ताङ रोमी ग्‍येला कितुप मी छ्‍येतिवी चिप्‍ला क्‍योल्‍गितो।

लूका 6:11

ती थोङ्‍नी तिवा छासे ङ्‍यिर्मु लानी येशूला चुक कितुप सिनी खोप्‍राङ पर्ला केवुल क्‍यासुङ।

लोमा छ्‍येतिवी लाका 13:45

मी माङ्‍छ्‍योक वुङ्‍गुप थोङ्‍नी यहूदीतिवा ठतोक लानी पावलकी मीतिवाला लापुप ताम्‍ङे ति टेङ्‍बु मिन सिनी पावलकी तेन्‍दोकला लासुङ।

लोमा छ्‍येतिवी लाका 18:6

यिने यहूदीतिवा पावलकी तेन्‍दोकला लानी मर्च्या क्‍यासुङ। तमा पावलकी ख्‍युर ग्‍युर्नी तिवाला “ख्‍यिराङला कोन्‍छ्‍योक नेमा ख्‍येलुप पर्च्या ति ख्‍यिरा क्‍येन यिन, ङे ति मिन। त याङ ङ यहूदी मिन्‍दुप मिरिक यम्‍बाकी मीतिवी ते डोयी।” सिनी खोरो मज्‍यी लोकी थल्‍दुक र्‍हुन ज्‍याक्‍नी गाल्‍सुङ।

लोमा छ्‍येतिवी लाका 22:19

यिने ङे सिक्‍यायिन, ‘ओ चोवो, तेरी छ्‍योखाङतिवाला ङ गल्‍नी चोवोला तेपा कितुपतिवाला चोन्‍खाङला उपुप ताङ तिवाला दुवु ति तिवा तेरीला छ्‍या वे।

लोमा छ्‍येतिवी लाका 22:5

तीकी कोर्ला कोङ्‍यार छ्‍येतिवा ताङ यम्‍बा मी छ्‍येतिवी साङ ङे कोर्ला पङ्‍बु तेर्किवी। तिवी राङ दमस्‍कसला वोतुप खोरो यहूदी मीतिवाला जिम्‍बुप यिकी ङला बिन्‍दुप तप्‍की येशूला तेपा कितुपतिवाला टानी यरूशलेम टि वानी छ्‍येर्पा तेरुपला ङ दमस्‍कसला गलिन।

लोमा छ्‍येतिवी लाका 9:1

यिने शाऊल ति चोवो येशूला तेपा कितुप लोमातिवाला सेन क्‍युरिन सिनी ज्‍यिवा कुयिन नोक। तमा ती ति तेरी सिनाङ कोङ्‍यार छ्‍येकी चाला गल्‍नी

याकूब 2:7

काङ तिवी ख्‍यिरा तेपा क्‍यावु चोवो येशू ख्रीष्‍टला साङ मारे तङ्‍गुप मिन रो?

२ पत्रुस 2:16

यिने तीकी क्‍यावु दुक्‍चे क्‍येनकी थोक्‍ला लप्‍सिर सोसुङ। ताम्‍ङे लप मुथुपुप तीकी पुङ्‍गोककी साङ मी दोके क्‍यानी तीकी कितुप लाका मेलोवा ति क्‍येक्‍सुङ।