लोमा छ्‍येतिवी लाका 26:10 - कोन्छ्‌योककी सुङ

¹⁰ तमा यरूशलेमला वोतुप नासरतकी येशूला तेपा कितुप मीतिवा बङीला छ्‍येर्पा बिनिन। कोङ्‍यार छ्‍येतिवा नेसुर ओङ्‍ज्‍येन थोप्‍नी तेपा कितुप मी बङीला चोन्‍खाङला उपिन। तोजो तिराङ मिन, तिवाला सेतुप पेला ङ साङ तिवी मुला ख च्‍यिक क्‍यायिन।

लोमा छ्‍येतिवी लाका 26:10 Iomraidhean Croise

लोमा छ्‍येतिवी लाका 7:58

तमा तीला टितिन सिरा ग्‍येसाकी फिला क्‍यल्‍नी दो थ्‍वोनी पोप्‍सुङ। ती पेला ते च्‍युङ्‍गुप ताम्‍ङेकी पङ्‍बु देतुपतिवी खोप्‍रे मज्‍यातिवा पिनी शाऊल सिरुप ख्‍योक्‍पेजा यीकी चाला ज्‍याक्‍नोक।

लोमा छ्‍येतिवी लाका 8:1

स्‍तिफनसला सेतुप मीतिवी पर्ला शाऊल साङ ख च्‍यिक नोक। ती छेर्मु राङ यरूशलेमकी तेपा कितुप मीतिवाला यहूदी गोमा कितुपतिवी जिम्‍नी छेटाङ तेरुप छाल्‍सुङ। तमा लोमा छ्‍येतिवा मिसिन यम्‍बा तेपा कितुप मीतिवा तेरी यहूदिया ताङ सामरियाकी दासा दासा नेवा थरा थुरा गाल्‍सुङ।

लोमा छ्‍येतिवी लाका 8:3

यिने शाऊलकी ते वोतुप चर्चतिवा ना तोङ्‍गुप छाल्‍सुङ। तमा खाङ्‍बा खाङ्‍बाला शुनी तेपा कितुप ख्‍योक्‍पेजा ताङ पुम्‍पेजातिवा तेरीला टिनी वुङ्‍यिन ताङ चोन्‍खाङला उपिन क्‍यासुङ।

लोमा छ्‍येतिवी लाका 9:21

तीकी सुङ ख्‍याप्‍टाक क्‍यावु थोनी मीतिवा तेरी हलेवा लानी, “काङ दी मी ति याङ यरूशलेमला वोतुप येशूकी तिङ्‍ला तिङ्‍योकुपतिवाला छेटाङ तेरुप ति मिन? तोजो तिराङ मिन, दीकी याङ देकी तेपा कितुपतिवाला साङ जिम्‍नी कोङ्‍यार छ्‍येतिवाला चेक तेतुपला वावु यिन।” सिनी सिक्‍यासुङ।

लोमा छ्‍येतिवी लाका 9:26

तेसुर शाऊल यरूशलेमला लेप्‍सिमा तेकी लोमातिवा ताङ मुला थिन्‍दुप छाल्‍सुङ। यिने तिवा तेरी ती ताङ मुला ज्‍यिवा क्‍यासुङ। च्‍यिलासिसिन शाऊल ति वुतुङ के येशूकी लोमा यिन सिरुप ति तिवी तेपा कि माथुप।

लोमा छ्‍येतिवी लाका 9:32

ती पेला पत्रुस ति फार छुर तेरी दासाला कोरा ग्‍यकिन ग्‍यकिन लुड्‍डाला वोतुप तेपा कितुपतिवी चाला लेप्‍सुङ।

लोमा छ्‍येतिवी लाका 9:41

तमा पत्रुसकी तीकी लाक्‍पाला जिम्‍नी खोक लाङ्‍सुङ। ती ज्‍युक्‍ला तेकी युक्‍सिमतिवा ताङ तेपा कितुपतिवाला नाङ्‍ला कताङ्‍नी ती शेप ने सेन्‍बु लावु ति तेरीला छ्‍या तेन्‍सुङ।

१ कोरिन्‍थी 15:9

ङ ति लोमा छ्‍येतिवी पर्ला छासे छ्‍युङा यिन। ङ ति लोमा छ्‍ये वुङ छ्‍योवु साङ मे, च्‍यिलासिसिन कोन्‍छ्‍योकला तेपा कितुप खोकी चर्चकी मीतिवाला ङे कशेन छेटाङ बिन्‍दुप यिन।

गलाती 1:13

गोमाला ङ यहूदी छ्‌योला तेन्‍दुप पेला येशूला तेपा कितुपतिवाला छेटाङ दुङल तेरुप मी यिन सिरुप ति ख्‍यिरा थोनी राङ वे।

एफिसी 1:1

टसी देलेक! दी यिकी ति कोन्‍छ्‌योककी नोवा नेसुर ख्रीष्‍ट येशूकी लोमा छ्‌ये च्‍युङ्‍गुप ङ पावलकी छ्‍योक नेसुर येशू ख्रीष्‍टला तेपा क्‍यानी खोङ्‍तेर्मु वोतुप एफिससकी मीतिवाला टिवु यिनो।

ज्‍यल्‍का 17:6

ती पुम्‍पेजा ति येशूला तेपा कितुप मीतिवा ताङ खोकी थोक्‍ला पङ्‍बु तेरुप मीतिवाला सेतुप ठक थुनी जिन वोतुप ति ङे थोङ्‍सुङ। तीला थोङ्‍सिमा ङला छासे हलेवा लासुङ।