लोमा छ्‍येतिवी लाका 24:10 - कोन्छ्‌योककी सुङ

¹⁰ ती ज्‍युक्‍ला फेलिक्‍सकी पावलला ताम्‍ङे लपुपला लाक्‍पी लातुक क्‍यासिमा पावलकी दुक सिक्‍यासुङ, “ख्‍युरुङ लो अलायी गोमा नेज्‍युन यहूदी गिपातिवाला ग्‍येला कितुप मी यिन्‍दुप ति ङे हाक्‍कोसुङ। ती तप्‍की मीतिवी ङला क्‍येन बिन्‍दुप कोर्ला गा ताङ क्‍यानी दी ताम्‍ङे सिरिन।

लोमा छ्‍येतिवी लाका 24:10 Iomraidhean Croise

लूका 12:11

चो पेला मीतिवी ख्‍यिराङला यहूदी छ्‍योखाङ ताङ ग्‍येला कितुपतिवा ताङ ओङ्‍ज्‍येन कितुपतिवी दोङ्‍ला क्‍योल्‍गिवे, ती पेला ख्‍यिरा चुक सि गोकिवी, याङ्‍ना काङ सि गोकिवी सिनी पप माकी।

लूका 12:14

येशूकी तीला सुङ्‍सुङ, “ओए, सी ङला पेनी ख्‍यिराङ ङ्‍यिवु पर्ला ठिम कितुप याङ्‍ना अंश ग्‍यम तेरुप मी जोसुङ?”

लूका 18:2

“ग्‍येसा यीला कोन्‍छ्‍योकला साङ ज्‍यिवा मिकिवु ताङ मीला साङ ङ्‍याम मिकिवु ठिम कितुप मी यी नोक।

लोमा छ्‍येतिवी लाका 12:17

तमा पत्रुसकी तिवाला खरक्‍पा दे सिनी लाक्‍पी छ्‍याक के क्‍यानी कोन्‍छ्‍योककी खोरुङला चुक क्‍यानी चोन्‍खाङ नेमा तेन्‍सुङ सिरुप ताम्‍ङे ति तिवाला लाप्‍सुङ। तमा ती ताम्‍ङे ति याकूब ताङ यम्‍बा तेपा कितुपतिवाला साङ लोपा सिनी खोरुङ ति दासा यम्‍बाला गाल।

लोमा छ्‍येतिवी लाका 13:16

तमा पावल खोक लानी लाक्‍पी छ्‍याक्‍के क्‍यानी मीतिवाला सिक्‍यासुङ, “इस्राएलकी मीतिवा ताङ कोन्‍छ्‍योकला ज्‍यिवा कितुप यहूदी मिन्‍दुप मिरिक यम्‍बाकी मीतिवा, सेना!

लोमा छ्‍येतिवी लाका 18:15

यिने दी ताम्‍ङे ति ख्‍यिरा ग्‍येताम ताङ मिङतिवा ताङ रङगी ठिमकी कोर्ला यिन्‍सिन ख्‍यिराङ ल्‍हानी नासाम तोङा! दुका ताम्‍ङेकी ठिम कितुप ति ङला गा मलङ्‍गिवी।”

लोमा छ्‍येतिवी लाका 19:33

तमा ते वोतुप यहूदीतिवी अलेक्‍जेन्‍डरला दी हराङ हुरुङ क्‍यावु तेन्‍दोकला ताम्‍ङे की सिनी मीतिवी दोङ्‍ला पुल्‍नी ताङ्‍सिमा तीकी मीतिवाला खरक्‍पा दे सिनी लाक्‍पी छ्‍याक्‍के क्‍यानी मीतिवाला ताम्‍ङे सिरुप छाल्‍सुङ।

लोमा छ्‍येतिवी लाका 21:40

पावलकी तुक सिक्‍यासिमा मक्‍मी छ्‍ये तीकी पावलला ताम्‍ङे लप च्‍यिसुङ। तमा पावल टापी खला खोक लानी मीतिवाला लाक्‍पी लातुक क्‍यासुङ। ती थोङ्‍सिमा मीतिवा कुशिमी देसुङ। तमा पावलकी हिब्रूकी ताम्‍ङे नाङ्‍ला दुक सिक्‍यासुङ।

लोमा छ्‍येतिवी लाका 23:24

तमा पावलकी थोक्‍ला साङ ततिवा दा शोक। तमा तीला काङ मेलोवा कि माच्‍यिवा क्‍यानी यहूदिया लुङ्‍बाला ग्‍येला कितुपला रोम ने वावु मी छ्‍ये फेलिक्‍सकी ते क्‍योल।” सिनी क बिन्‍सुङ।

लोमा छ्‍येतिवी लाका 26:1

तमा अग्रिपासकी पावलला ख्‍युरुङ ख्‍योरो थोक्‍ला लप थुप्‍किवी सिनी सिक्‍यासुङ। तमा पावलकी खोरो थोक्‍ला ताम्‍ङे लापुपला लाक्‍पी छ्‍याक्‍के क्‍यानी दुक सिक्‍यासुङ।

१ पत्रुस 3:15

यिने येशू ख्रीष्‍टला चोवो सिनी सेमगी दिङ नेज्‍यु मोवा की। तमा ख्‍यिरा क्‍यावु रेवाकी कोर्ला ललाइकी ख्‍यिराङला टिसिन तीकी टिलेन तेरुपला नरी टडिक क्‍यानी दे। यिने ख्‍यिराङ कुसु ज्‍यम्‍बु कितुप ताङ ताङ्‍देन क्‍यानी किसा।