लोमा छ्‍येतिवी लाका 23:1 - कोन्छ्‌योककी सुङ

¹ तमा पावलकी ते जोम्‍बुप यहूदी छ्‍योकी ठिम्‍खाङकी मीतिवी थाकाला ल्‍हानी दुक सिक्‍यासुङ, “ओ अच्‍युनुपतिवा, हारिङ ङ्‍यिमा सेक कोन्‍छ्‍योककी थोङ्‍दाङला ङे सेम टेङ्‍बु क्‍यानी मिजी क्‍याङ्‍यिन।”

लोमा छ्‍येतिवी लाका 23:1 Iomraidhean Croise

मत्ती 5:22

यिने ङ ख्‍यिराङला सिरिन, चुका मी तीकी अच्‍युनुपतिवाला ङ्‍यिर्मु किवे, तीला कोन्‍छ्‍योककी पर्च्या फोकिवी। तमा चुका मी तीकी अच्‍युनुपतिवाला ताम्‍ङे मेलोक्‍पा सिवे, तीला ठिम्‍खाङला क्‍योल्‍गिवी। तुक राङ क्‍यानी चुका मी तीकी अच्‍युनुपतिवाला अम्‍बारङ्‍शिङ सिवे, ती ति ङ्‍येलाकी मे नाङ्‍ला ख्‍येल्‍गिवी।

लोमा छ्‍येतिवी लाका 22:1

पावलकी “ओ अच्‍युनुपतिवा, ख्‍यिरा दोङ्‍ला ङे कोर्ला ताम्‍ङे यी सि गोवु वे। ती ति तेरीकी ङ्‍येना!” सिनी सिक्‍यासुङ।

लोमा छ्‍येतिवी लाका 22:30

ती सला तीला यहूदीतिवी पावलला काङगी तेन्‍दोकला क्‍येन बिन्‍दुप यिनाङ सिनी हाक्‍कोवुला मक्‍मी तोङ्‍डा च्‍यिककी खकी छ्‍ये तीकी पावलला टावु नेसुर पि ताङ्‍सुङ। तमा तेरी कोङ्‍यार छ्‍येतिवा ताङ यहूदी छ्‍योकी ठिम्‍खाङकी तेरी मीतिवाला जोम सिनी क बिन्‍नी पावलला मर टि वानी तिवी दोङ्‍ला लाङ्‍सुङ।

लोमा छ्‍येतिवी लाका 22:5

तीकी कोर्ला कोङ्‍यार छ्‍येतिवा ताङ यम्‍बा मी छ्‍येतिवी साङ ङे कोर्ला पङ्‍बु तेर्किवी। तिवी राङ दमस्‍कसला वोतुप खोरो यहूदी मीतिवाला जिम्‍बुप यिकी ङला बिन्‍दुप तप्‍की येशूला तेपा कितुपतिवाला टानी यरूशलेम टि वानी छ्‍येर्पा तेरुपला ङ दमस्‍कसला गलिन।

लोमा छ्‍येतिवी लाका 23:15

ती तप्‍की ख्‍यिराङ ताङ यहूदी छ्‍योकी ठिम्‍खाङकी मीतिवा डिक्‍नी मक्‍मी छ्‍येला गोङ्‍बा शुनी पावलला यम्‍बा ताम्‍ङे टि गोकिवी सिनी टिनी शोक। तमा ती दे वुङ्‍गुप पेला ङ्‍यिराङ लामला राङ तीला सेतिन।” सिनी सिक्‍यासुङ।

लोमा छ्‍येतिवी लाका 23:20

तमा तीकी सिक्‍यासुङ, “यहूदीतिवी ङे च्‍येच्‍याङ पावलकी कोर्ला तरोङ साङ यम्‍बा ताम्‍ङे टि गोकिवी सिनी सला येलुङ यहूदी छ्‍योकी ठिम्‍खाङला टिनी वुङ्‍गुपला ख्‍युरुङला गोङ्‍बा शोप सिनी तिवी ताम्‍ङे थाक्‍छ्‍येन नोक।

लोमा छ्‍येतिवी लाका 23:28

काङगी तेन्‍दोककी तिवी दीला मेलोक्‍पा सिनी क्‍येन बिन्‍दुप नोक ल्‍हापला ङे तीला यहूदी छ्‍योकी ठिम्‍खाङकी मी छ्‍येतिवी ते टिनी गलिन।

लोमा छ्‍येतिवी लाका 23:6

तमा ते जोम्‍बुप मीतिवी नाङ ने छो च्‍यिक ति सदुकी ताङ छो यम्‍बा ति फरिसीतिवा नोक सिरुप ति हाक्‍कोनी पावलकी थोर ग्‍यप्‍नी दुक सिक्‍यासुङ, “ओ अच्‍युनुपतिवा, ङ फरिसी यिन, ङे पपाआमा साङ फरिसी यिन। कोन्‍छ्‍योककी शेपतिवा सेन्‍बु लङ्‍गुप रेवाकी थोक्‍ला राङ ख्‍यिरा ङला दे ठिम कियी वे।”

लोमा छ्‍येतिवी लाका 24:16

ती तप्‍की कोन्‍छ्‍योककी थोङ्‍दाङला ताङ मीतिवी थोक्‍ला साङ ङ नरी टेङ्‍बु कितुप छोलिन।

लोमा छ्‍येतिवी लाका 6:15

तमा ठिम्‍खाङला जोम्‍बुपतिवा तेरीकी स्‍तिफनसला छ्‍योर छ्‍योर्मे ल्‍हासालेन्‍सिन तीकी ङो ति देवाच्‍येनकी लेन क्‍योलुप थुकी ङो दोके ठछ्‍येली थोङ्‍सुङ।

१ कोरिन्‍थी 4:4

ङ टेङ्‍बु वे सिरुप ति ङला छ्‍या वे, यिन्‍सिनाङ कोन्‍छ्‍योककी थोङ्‍दाङला ति ङ टेङ्‍बु मे। ङला ठिम क्‍या नङ्‍गुप याङ कोन्‍छ्‍योक राङ यिन।

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

२ कोरिन्थी 4:2

ङ्‍यिराङ तेरी परकी छ्‍याकला वोतुप ताङ ङोछा लङ्‍गुप लाका मेलोवातिवा नाम्‍साङ मिकिवी। तमा जिनोक जोप ताङ कोन्‍छ्‍योककी सुङ ति कुतुक जोप साङ मिकिवी। यिने टेङ्‍बु वोतुप सुङ तिराङ ख्‍याप्‍टाक क्‍यानी कोन्‍छ्‍योककी थोङ्‍दाङला तेरी मीतिवी सेमला ङ्‍यिराङ टेङ्‍बु यिन सिरुप तेन्‍तेन किवी।

२ तिमोथी 1:3

ङ ङ्‍यी ताङ नुप्‍ज्‍या मोपोर कितुप पेला ख्‍युरुङला नासाम तङ्‍नी चोवो कोन्‍छ्‍योकला थुचिछे बुलिन। ती कोन्‍छ्‍योकला ङे पगावा हङ्‍गावातिवी शब्‍ज्‍यी पुलुप दोके ङ साङ सेम टेङ्‍बु क्‍यानी शब्‍ज्‍यी बुलिन।

हिब्रू 13:18

ङ्‍यिरा थोक्‍ला साङ नरी मोपोर किसा। ङ्‍यिरा सेम टेङ्‍बु वे सिरुप ति तेन्‍तेन वे। ङ्‍यिराङ ति नरी खोङ्‍तेर्मु क्‍यानी मिजी क्‍योङ्‍गुप नो वे।

१ पत्रुस 3:16

तमा ख्‍यिराङ सेम टेङ्‍बु क्‍यानी दे, तुक क्‍यासिन ख्‍यिरा ख्रीष्‍टला ताङ्‍देन क्‍यानी क्‍यावु लाकाकी तेन्‍दोकला लङ्‍गुपतिवा तिवी क्‍यावु लाका मेलोवाकी थोक्‍ला ङोछा लङ्‍शी।