लोमा छ्‍येतिवी लाका 22:4 - कोन्छ्‌योककी सुङ

⁴ ती पेला ङे येशूला ल्‍यामो क्‍यानी हाक्‍माकोवु तप्‍की खोला तेपा कितुप मीतिवाला छेटाङ बिन्‍नी सेतिन। तमा ख्‍योक्‍पेजा पुम्‍पेजातिवाला टानी चोन्‍खाङला उपिन।

लोमा छ्‍येतिवी लाका 22:4 Iomraidhean Croise

लोमा छ्‍येतिवी लाका 16:17

तमा ती पुम्‍पेजा तीकी च्‍यार ग्‍यकिन सिरा “दी मीतिवा चोछ्‍येवु कोन्‍छ्‍योकला शब्‍ज्‍यी बुलुप मी यिन। दिवी याङ दिक्‍पा ने थर ज्‍यितुप लामकी कोर्ला ख्‍याप्‍टाक किवी।” सियी पावल ताङ ङ्‍यिरा तिङ्‍ला तिङ्‍यानी लेसुङ।

लोमा छ्‍येतिवी लाका 18:26

ती ति यहूदी छ्‍योखाङ नाङ्‍ला गल्‍नी ङाडेङ क्‍यानी सुङ लप्‍किनोक। यिने तीकी लापुप सुङ थोनी प्रिस्‍किला ताङ अकिलासकी ती अपोल्‍लोस तीला येशूकी कोर्ला ल्‍यामु क्‍यानी हाक्‍माकोवु थोङ्‍नी तीला खोप्‍रे खाङ्‍बा टि वानी येशूकी सुङ टेङ्‍बुकी तेन्‍दोक ति ल्‍यामो क्‍यानी लाप्‍सुङ।

लोमा छ्‍येतिवी लाका 19:23

ती पेला ते पावलकी ख्‍याप्‍टाक क्‍यावु येशूकी सुङगी कोर्ला मीतिवा छासे हराङ हुरुङ क्‍यासुङ।

लोमा छ्‍येतिवी लाका 19:9

यिने मी ललाइकी सेम क्‍योङ्‍बु वोतुप तप्‍की पावलकी ताम्‍ङेला तेपा माक्‍यानी मीतिवी मिङ्‍गाला पावलकी ताम्‍ङेकी तेन्‍दोकला लासुङ। तुक क्‍यानी पावलकी ती ताम्‍ङे मेलोक्‍पा कितुपतिवाला क्‍युर ज्‍याक्‍नी लोमातिवाला टिनी टुरान्‍नस सिरुप लोपुप दासाला देनी ङ्‍यिमी टेङ तिवाला येशूकी कोर्ला लाप्‍सुङ।

लोमा छ्‍येतिवी लाका 24:14

यिने ख्‍युरुङला ती ताम्‍ङे ति ङ टेङ्‍बो सिरिन। ङ तिवी यम्‍बा छोक्‍पा सिरुप येशूला तेपा क्‍यानी दाक्‍पी गिपाकी कोन्‍छ्‍योकला सोवा देकिन। तमा ठिमला वोतुप ताम्‍ङे ताङ कोन्‍छ्‍योककी लुङ्‍तेम्‍बाकी थेपला वोतुप तेरी ताम्‍ङेला तेपा कितिन।

लोमा छ्‍येतिवी लाका 7:58

तमा तीला टितिन सिरा ग्‍येसाकी फिला क्‍यल्‍नी दो थ्‍वोनी पोप्‍सुङ। ती पेला ते च्‍युङ्‍गुप ताम्‍ङेकी पङ्‍बु देतुपतिवी खोप्‍रे मज्‍यातिवा पिनी शाऊल सिरुप ख्‍योक्‍पेजा यीकी चाला ज्‍याक्‍नोक।

लोमा छ्‍येतिवी लाका 9:21

तीकी सुङ ख्‍याप्‍टाक क्‍यावु थोनी मीतिवा तेरी हलेवा लानी, “काङ दी मी ति याङ यरूशलेमला वोतुप येशूकी तिङ्‍ला तिङ्‍योकुपतिवाला छेटाङ तेरुप ति मिन? तोजो तिराङ मिन, दीकी याङ देकी तेपा कितुपतिवाला साङ जिम्‍नी कोङ्‍यार छ्‍येतिवाला चेक तेतुपला वावु यिन।” सिनी सिक्‍यासुङ।

१ कोरिन्‍थी 15:9

ङ ति लोमा छ्‍येतिवी पर्ला छासे छ्‍युङा यिन। ङ ति लोमा छ्‍ये वुङ छ्‍योवु साङ मे, च्‍यिलासिसिन कोन्‍छ्‍योकला तेपा कितुप खोकी चर्चकी मीतिवाला ङे कशेन छेटाङ बिन्‍दुप यिन।

गलाती 1:13

गोमाला ङ यहूदी छ्‌योला तेन्‍दुप पेला येशूला तेपा कितुपतिवाला छेटाङ दुङल तेरुप मी यिन सिरुप ति ख्‍यिरा थोनी राङ वे।

फिलिप्पी 3:6

तमा टेमुकी कोर्ला सि गोवु यिन्‍सिन येशूला तेपा कितुप मीतिवाला ङे छेटाङ बिन्‍दुप यिन, तमा यहूदी ठिमला वोतुप टेङ्‍बुकी कोर्ला सि गोवु यिन्‍सिन ङ ति क्‍येन मेतुप मी यिन।

२ पत्रुस 2:2

तमा मी बङीकी तिवी लापुप येन्‍देन मेटेङ्‍बु ङ्‍येन्‍नी दुक्‍टा किवी। तीकी जोसालेन्‍सिन मी यम्‍बातिवी साङ कोन्‍छ्‍योककी सुङ टेङ्‍बुला मारे तोङ्‍गिवी।