लोमा छ्‍येतिवी लाका 22:3 - कोन्छ्‌योककी सुङ

³ तमा पावलकी तिवाला सिक्‍यासुङ, “ङ किलिकिया लुङ्‍बाकी टार्सस ग्‍येसाला क्‍येवु यहूदी मी यिन। तमा दी यरूशलेम ग्‍येसाला राङ गमलिएल गेकेनकी वोक्‍ला देनी ङ्‍यिरा पगावा हङ्‍गावाकी छ्‍योकी ठिमकी कोर्ला ल्‍यामो क्‍यान लापिन। हारिङ ख्‍यिराङ कोन्‍छ्‍योकला चो गा लान वे, ङला साङ तोजो राङ गा लान वोतुप्‍जा।

लोमा छ्‍येतिवी लाका 22:3 Iomraidhean Croise

लूका 10:39

तीकी ति मरियम सिरुप नुम यी नोक। ती मरियम ति चोवोकी शापकी चाला देनी खोकी सुङ ङ्‍येनिन नोक।

लूका 2:46

तमा ङ्‍यिमा सुमकी तिङ्‍ला राङ तिवी येशूला यहूदी ल्‍हङाङला ठेसुङ। ती पेला खो ति यहूदी छ्‍योकी गेकेनतिवी पर्ला देनी तिवी ताम्‍ङे ङ्‍येनिन ताङ तिवाला ताम्‍ङे टिवा कियी नोक।

लूका 8:35

तमा मीतिवा ते च्‍युङ्‍गुप ताम्‍ङे ति ल्‍हापला थेन वासुङ। तिवा येशूकी चाला वासिमा ती डे थेन गलुप मी ति मज्‍या कोन्‍नी येशूकी शापकी चाला देन वोतुप थोङ्‍नी तिवा ज्‍यिवा क्‍यासुङ।

लोमा छ्‍येतिवी लाका 11:25

ती ज्‍युक्‍ला शाऊलला छोलुपला बारनाबास ति टार्ससला गल्‍नी

लोमा छ्‍येतिवी लाका 15:23

तमा तिवी लकला दुक सिनी यिकी ताङ्‍सुङ, “टसी देलेक, एन्‍टिओखिया ताङ सिरिया ताङ किलिकियाला वोतुप चोवोला तेपा कितुप यहूदी मिन्‍दुप मिरिक यम्‍बाकी अच्‍युनुपतिवाला दे वोतुप ख्‍यिरे अच्‍युनुप यिन्‍दुप लोमा छ्‍ये ताङ चर्चकी गोमा कितुप मी छ्‍येतिवी छ्‍योक नेसुर दी यिकी टिवु यिनो।

लोमा छ्‍येतिवी लाका 15:41

तमा पावल ताङ सिलास सिरिया ताङ किलिकियाला कोरा ग्‍यकिन चर्चतिवाला तेपा रम्‍बु जोसुङ।

लोमा छ्‍येतिवी लाका 21:20

ती थोसिमा तिवी कोन्‍छ्‍योकला सोवा तेक्‍नी पावलला सिक्‍यासुङ, “ओ नुप, ङ्‍येना! यहूदीतिवी पर्ला तेपा कितुपतिवा तोङ्‍डा च्‍यिथम्‍बा चोयी वे। तमा तिवा तेरी मोशाकी ठिम तेन्‍दुपला छासे ङाडेङ वे।

लोमा छ्‍येतिवी लाका 21:39

यिने पावलकी सिक्‍यासुङ, “ङ याङ किलिकिया लुङ्‍बाकी ग्‍येसा ग्‍येर्पु टार्सस ने वावु यहूदी यिन। ङ गोङ्‍बा शोयी। ङला दी मीतिवाला ताम्‍ङे चेयी लपुप ओङ नाङ।” सिनी सिक्‍यासुङ।

लोमा छ्‍येतिवी लाका 23:34

रोम ने वावु ती मी छ्‍ये तीकी यिकी ति रासिमा पावलला चुका दासाकी मी यिनोक सिनी टिसुङ। तमा पावल किलिकियाकी यिनोक सिरुप हाक्‍कोसिमा खोकी तीला

लोमा छ्‍येतिवी लाका 23:6

तमा ते जोम्‍बुप मीतिवी नाङ ने छो च्‍यिक ति सदुकी ताङ छो यम्‍बा ति फरिसीतिवा नोक सिरुप ति हाक्‍कोनी पावलकी थोर ग्‍यप्‍नी दुक सिक्‍यासुङ, “ओ अच्‍युनुपतिवा, ङ फरिसी यिन, ङे पपाआमा साङ फरिसी यिन। कोन्‍छ्‍योककी शेपतिवा सेन्‍बु लङ्‍गुप रेवाकी थोक्‍ला राङ ख्‍यिरा ङला दे ठिम कियी वे।”

लोमा छ्‍येतिवी लाका 26:5

तिवी ङला तोङ नेज्‍युनी छ्‍या वे। ङ ति छ्‍योकी ठिमला छासे तम्‍बु वोतुप फरिसीकी मी यिन्‍दुप ति तिवी नोवा वोसिन पङ्‍बु तेर थुप्‍किवी।

लोमा छ्‍येतिवी लाका 26:9

गोमाला याङ ङे साङ नासरतकी येशूला तेपा कितुपतिवाला क्‍येन तेरुप सिनी नासाम ताङ्‍यिन।

लोमा छ्‍येतिवी लाका 5:34

यिने ते मीतिवा तेरीकी ताङ्‍देन क्‍यानी चिवु गमलिएल सिरुप यहूदी छ्‍योकी गेकेन फरिसी मिरा च्‍यिक नोक। ती ति ठिम्‍खाङला खोक लानी लोमा छ्‍येतिवाला उकुर च्‍यिक पाङ्‍ला ग्‍युक सिक्‍यासुङ।

लोमा छ्‍येतिवी लाका 6:9

यिने ती पेला कुरेनी ताङ अलेक्‍जेन्‍ड्रिया ताङ किलिकिया ताङ एशियाकी लुङ्‍बा नेसुर वावु मीतिवा ललाइ वानी स्‍तिफनस ताङ मुला खाँदा कितुप छाल्‍सुङ।

लोमा छ्‍येतिवी लाका 9:1

यिने शाऊल ति चोवो येशूला तेपा कितुप लोमातिवाला सेन क्‍युरिन सिनी ज्‍यिवा कुयिन नोक। तमा ती ति तेरी सिनाङ कोङ्‍यार छ्‍येकी चाला गल्‍नी

लोमा छ्‍येतिवी लाका 9:11

तमा चोवोकी तीला सुङ्‍सुङ, “ख्‍युरुङ थेकाङ सिरुप लामला वोतुप यहूदाकी खाङ्‍बा ग्‍युक! तमा ते लेप्‍सिमा टार्ससकी शाऊल कनी वे सिनी टी! तन्‍दा ती मी ति तेराङ कोन्‍छ्‍योकला मोपोर क्‍यानी देन वे।

लोमा छ्‍येतिवी लाका 9:30

ती ताम्‍ङे थोसिमा तेपा कितुपतिवी शाऊलला कैसरियाला टि वानी तेसुर तीला टार्ससला ताङ्‍सुङ।

रोमी 11:1

तुक क्‍यानी ङ ख्‍यिराङला टेयिन, “काङ कोन्‍छ्‍योककी खोरो पेतुप मीतिवाला क्‍युर्नी ज्‍याक्‍सुङ रो?” मिन, वुतुङ के खोकी तिवाला नाम्‍साङ क्‍युर्नी माज्‍याक। ङ साङ अब्राहामकी गिपा यिन, तमा बेन्‍यामीन मिछाङकी मी यिन।

२ कोरिन्थी 11:22

तिवा हिब्रू यिन सिसिन ङ साङ हिब्रू यिन। तिवा इस्राएलकी मीतिवा यिन्‍सिन ङ साङ इस्राएलकी मी यिन। तिवा अब्राहामकी गिपा यिन्‍सिन ङ साङ अब्राहामकी गिपा राङ यिन।

गलाती 1:14

ती पेला ङ ताङ दुरिम वोतुप यहूदी मी बङी नाङ ने ङ ति यहूदी छ्‍योला तेन्‍दुप खामु वोतुप मी यिन। तमा पगावा हङ्‍गावी तेन्‍दुप लुक्‍सु तेरी ङार छ्‍येवु क्‍यानी तेन्‍दुप मी साङ यिन।

गलाती 1:21

ती ज्‍युक्‍ला ङ सिरिया ताङ किलिकिया लुङ्‍बाला गलिन।