लोमा छ्‍येतिवी लाका 21:8 - कोन्छ्‌योककी सुङ

⁸ ती सला तीला ङ्‍यिराङ कैसरियाला वानी सुङ ख्‍याप्‍टाक कितुप फिलिपकी खाङ्‍बा देतिन। ती फिलिप ति यरूशलेम चर्चकी सुङ ख्‍याप्‍टाक कितुपला पेतुप मिरा दिनकी नाङ्‍ला मिरा च्‍यिक यिनोक।

लोमा छ्‍येतिवी लाका 21:8 Iomraidhean Croise

लोमा छ्‍येतिवी लाका 10:1

ती पेला कैसरिया ग्‍येसाला कर्नेलियस सिरुप रोमी मी यी नोक। ती ति इटालिया सिरुप रोमी मक्‍मी सयी च्‍यिककी खकी छ्‍ये यिनोक।

लोमा छ्‍येतिवी लाका 16:10

ती थोङ्‍सिमा पावल ताङ ङ्‍यिराङ शार्क्येक माकेडोनियाला डोप नो क्‍यायिन। च्‍यिलासिसिन कोन्‍छ्‍योककी तेकी मीतिवाला लेन ल्‍यामु ख्‍याप्‍टाक कितुपला ङ्‍यिराङला कताङ नङ्‍गुप यिन सिरुप ति ङ्‍यिरा हाक्‍कोसुङ।

लोमा छ्‍येतिवी लाका 16:13

तमा ङासोपकी ङ्‍यिमाला ङ्‍यिराङ ग्‍येसाकी गोकी फिला वोतुप चङ्‍बी गारीला यहूदीतिवा मोपोर कितुप दासा वोते सिनी गलिन। ते जोम्‍बुप पुम्‍पेजातिवी मुला ताम्‍ङे अरा उरा सिक्‍यायिन।

लोमा छ्‍येतिवी लाका 16:16

ङ्‍यिम्‍ज्‍यिक ङ्‍यिराङ यहूदीतिवा मोपोर कितुप दासाला डोयी वोतुप पेला ते ल्‍हलुतिवा रेन्‍नी मो ल्‍हाप पुम्‍पेजा लावाम यीला ठेसुङ। ती पुम्‍पेजा लावाम तीकी मो ल्‍हाप लाका क्‍यानी खोरो ज्‍यिन्‍दाकतिवी थोक्‍ला टङ्‍गा बङी शम्‍नी तेर्किनोक।

लोमा छ्‍येतिवी लाका 18:22

तमा कैसरियाला पाप्‍सिमा केन जेनी यरूशलेमकी चर्चला गल्‍नी तेकी तेपा कितुप मीतिवाला ठेनी मर एन्‍टिओखियाला गाल।

लोमा छ्‍येतिवी लाका 20:13

तेसुर पावल ति काङ्‍बी राङ अस्‍सोस सेक डोप नो क्‍यावु तप्‍की ङ्‍यिराङ टुला जेनी गोमाला राङ अस्‍सोसला गलिन।

लोमा छ्‍येतिवी लाका 20:6

ङ्‍यिराङ ति खमीर मालुकुप शुब्‍ज्‍याङ साप तुछ्‍येन सिन्‍सिमा फिलिप्‍पी नेवा टुला जेनी गलिन। तमा ङ्‍यिमा ङकी छेर्मु त्रोआसला तिवी चाला लेप्‍सुङ। ते लेप्‍सिमा ङ्‍यिमा दिन सेक तिवी मुला राङ देतिन।

लोमा छ्‍येतिवी लाका 21:16

डोप पेला कैसरियाकी लोमातिवा साङ ललाइ ङ्‍यिरा मुला राङ गलिन। तिवी ङ्‍यिराङला मनासोन सिरुप मीकी खाङ्‍बा देतुपला टि गाल। ती मी ति साइप्रस ने वावु गोमाला तेपा क्‍यानी लोमा च्‍युङ्‍गुप मी यिनोक।

लोमा छ्‍येतिवी लाका 23:23

ती ज्‍युक्‍ला मक्‍मी तोङ्‍डा च्‍यिककी खकी छ्‍ये तीकी मक्‍मी सयी च्‍यिककी खकी छ्‍ये मिरा ङ्‍यीला कताङ्‍नी, “हारिङ नुपला छ्‍युजी गु चोयीला मक्‍मी सयी ङ्‍यी ताङ त शेन्‍दुप मिरा खाल दिन तमा दुङ खुरुप मी सयी ङ्‍यी चोयीला कैसरियाला तोङ्‍गुपला टडिक क्‍या ज्‍योक।

लोमा छ्‍येतिवी लाका 27:1

तेसुर ङ्‍यिराङ टुला जेनी इटालिया लुङ्‍बाला डोप ताम्‍ङे तेन्‍तेन क्‍यासिमा तिवी पावल ताङ यम्‍बा चोन्‍खाङला शोरुप मी ललाइतिवाला ग्‍येल्‍वु अगस्‍टसकी मक्‍मी नाङ्‍ला युलियस सिरुप मक्‍मी सयी च्‍यिककी खकी छ्‍ये यीला चेक तेसुङ।

लोमा छ्‍येतिवी लाका 28:11

तमा ल सुम ज्‍युक्‍ला ङ्‍यिराङ माल्‍टा नेसुर टुला जेनी गलिन। ती टु ति अलेक्‍जेन्‍ड्रिया नेसुर वानी गुन्‍बी लला ते राङ ज्‍योकिनोक। ती टुकी गोमाला ल्‍ह छेमाकी कु क्‍वोनी जोवु नोक।

लोमा छ्‍येतिवी लाका 28:16

तमा ङ्‍यिराङ रोमला लेप्‍सिमा पावलला र्‍हेन्‍दुपला मक्‍मी मिरा च्‍यिककी मुला खोप्‍रे लावु खाङ्‍बा यीला दे च्‍यिसुङ।

लोमा छ्‍येतिवी लाका 6:5

लोमा छ्‍येतिवी तुक सिक्‍यावु ताम्‍ङे ति तेरीकी सेमला गाल। तमा तिवी तेपा रम्‍बु वोतुप ताङ कोन्‍छ्‍योककी थु चाङ्‍माकी क्‍येङ्‍गुप स्‍तिफनस ताङ फिलिप ताङ प्रखरस ताङ निकनोर ताङ तिमोन ताङ पर्मिनास ताङ एन्‍टिओखिया नेसुर वानी यहूदी छ्‍योला शुकुप निकोलाउस तीला पेसुङ।

लोमा छ्‍येतिवी लाका 9:30

ती ताम्‍ङे थोसिमा तेपा कितुपतिवी शाऊलला कैसरियाला टि वानी तेसुर तीला टार्ससला ताङ्‍सुङ।

एफिसी 4:11

तमा खोकी मी ललाइला ति लोमा छ्‌ये, ललाइला ति खोरे लुङ्‍तेम्‍बा, ललाइला ति ख्‍याप्‍टाक कितुप मी, ललाइला ति चर्चला गोमा कितुप गेकेन, ललाइला ति खोकी सुङ लोपुप गेकेन जो नाङ्‍सुङ।

२ तिमोथी 4:5

यिने ख्‍युरुङ ति चो पेला साङ सेम थिला ज्‍याक्‍नी चो दुक्‍पा वोसिनाङ लेन ल्‍यामु ख्‍याप्‍टाक कितुप ताङ खोला शब्‍ज्‍यी कितुप लाका ति तेरी किसा।