लोमा छ्‍येतिवी लाका 21:4 - कोन्छ्‌योककी सुङ

⁴ ते ङ्‍यिरा लोमातिवाला छल्‍नी ठेसिमा तिवा ताङ मुला ङ्‍यिमा दिन सेक ते राङ देतिन। तिवी पावलला यरूशलेमला माडो सिनी कोन्‍छ्‍योककी थु चाङ्‍मा नेमा सिक्‍यानोक।

लोमा छ्‍येतिवी लाका 21:4 Iomraidhean Croise

मत्ती 10:11

ख्‍यिराङ चुका ग्‍येसा याङ्‍ना युलला डिवे, ते ख्‍यिराङला ल्‍यामु क्‍यानी गासो शोप मी छोल। तमा तेसुर मागल्‍वा सेक ती मी तीकी खाङ्‍बाला दे।

लोमा छ्‍येतिवी लाका 11:26

शाऊलला ठेसिमा एन्‍टिओखियाला टिनी वासुङ। तमा तिवी मुला लो खोर्मा यी सेक देनी चर्चला वोतुप तेपा कितुप मीतिवा बङीला नरी ठेनी येन्‍देन बिन्‍सुङ। ती पेला नेज्‍युनी एन्‍टिओखियाला वोतुप लोमातिवाला थल्‍माला ख्रीष्‍टियान सिनी सिक्‍यावु यिन।

लोमा छ्‍येतिवी लाका 19:1

अपोल्‍लोस ति कोरिन्‍थला वोतुप पेला पावल ति गलातिया ताङ फ्रिगियाकी दासा नेवा क्‍यानी एफिससला वासुङ। तमा ते ललाइ तेपा कितुप मीतिवा ताङ मुला ठेनी,

लोमा छ्‍येतिवी लाका 21:16

डोप पेला कैसरियाकी लोमातिवा साङ ललाइ ङ्‍यिरा मुला राङ गलिन। तिवी ङ्‍यिराङला मनासोन सिरुप मीकी खाङ्‍बा देतुपला टि गाल। ती मी ति साइप्रस ने वावु गोमाला तेपा क्‍यानी लोमा च्‍युङ्‍गुप मी यिनोक।

लोमा छ्‍येतिवी लाका 28:14

ते ङ्‍यिरा ललाइ तेपा कितुप मीतिवा ताङ मुला ठेसुङ। तमा तिवी ङ्‍यिराङला ते राङ दे सिनी गोङ्‍बा शुवु तप्‍की ङ्‍यिराङ ङ्‍यिमा दिन सेक ते राङ देतिन, तमा तेसुर रोमला गलिन।

लोमा छ्‍येतिवी लाका 9:16

तमा तीकी ङे थोक्‍ला चो दुक्‍पा खुर गोकिनोक सिरुप ति ङ तीला छ्‍या देनिन।”

२ तिमोथी 1:17

रोमला वासिमा कोरा ख्‍यर ख्‍यिर ग्‍यप्‍नी ङला छाल्‍नोक। तमा ङ ताङ मुला ठेसुङ।

ज्‍यल्‍का 1:10

ते चोवोकी ङ्‍यिमाला कोन्‍छ्‍योककी थु चाङ्‍मा ङला फेप्‍नी ङ खोकी ओङला वोतुप पेला कशेन क्‍यानी ग्‍येलिङ पुवु दोके वोरु ग्‍येर्पु ग्‍यप्‍सुङ। तमा ङे तिङ्‍ला दुक सिरुप वोरु यी थोसुङ।