लोमा छ्‍येतिवी लाका 21:3 - कोन्छ्‌योककी सुङ

³ डोप पेला ङ्‍यिरा ग्‍येम्‍छो परकी स कम्‍बु वोतुप साइप्रस थोङ्‍सुङ। तमा साइप्रसकी ल्‍होकी थाका नेमा क्‍यानी सिरियाला गल्‍नी टुरोसला पापिन। च्‍यिलासिसिन टी नङगी च्‍यालकतिवा ते बेप गोसुङ।

लोमा छ्‍येतिवी लाका 21:3 Iomraidhean Croise

मत्ती 11:21

“ओ, खोराजीनकी मीतिवा, ख्‍यिराङला मोताप सुकितो! ओ बेथसेदाकी मीतिवा, ख्‍यिराङला मोताप सुकितो! ख्‍यिरा पर्ला क्‍यावु हलेवु लाकातिवा टुरोस ताङ सीदोनला क्‍यावु यिन्‍सिन तेकी मीतिवा गोमाला के रा र्‍होक्‍पुकी मज्‍या कोन्‍नी खोरो गोला थल्‍जाम लुक्‍नी दिक्‍पा ने सेम ग्‍युरुप्‍जा।

मत्ती 4:24

तुक क्‍यानी सिरियाकी लुङ्‍बा तेरीला येशूकी कोर्ला ताम्‍ङे टाम्‍सुङ। तमा मीतिवी नेर्पु नम्‍बा बङीतिवा ताङ छासे सुक कितुपतिवा ताङ डे ग्‍यपुपतिवा ताङ जा लावुतिवा ताङ काङ्‍बा लाक्‍पा शोरुपतिवा तेरीला खोकी चाला टि वासुङ। तमा खोकी तिवा तेरीला टेक च्‍यिसुङ।

लूका 10:13

“ओ खोराजीनकी मीतिवा, ख्‍यिराङला मोताप सुकितो! ओ बेथसेदाकी मीतिवा, ख्‍यिराङला मोताप सुकितो! ख्‍यिरा पर्ला ङे क्‍यावु हलेवु लाका ति टुरोस ताङ सीदोनला क्‍यावु यिन्‍सिन तेकी मीतिवी गोमाला के रा र्‍होक्‍पुकी मज्‍या कोन्‍नी खोरो गोला थल्‍जाम लुक्‍नी खोप्‍रे दिक्‍पा ने सेम ग्‍युरुप्‍जा।

लूका 2:2

दी मिङ थो ग्‍यकुप ति कुरेनियसकी सिरिया लुङ्‍बाला ओङ्‍ज्‍येन कितुप पेला थल्‍माला क्‍यावु यिन।

लोमा छ्‍येतिवी लाका 11:19

तमा मीतिवी स्‍तिफनसला सेसिमा तेपा कितुप मीतिवाला साङ छेटाङ बिन्‍दुप तप्‍की तेपा कितुप मीतिवा यरूशलेम नेवा थरा थुरा गल्‍नी फोनिके ताङ साइप्रस ताङ सिरियाकी एन्‍टिओखिया लुङ्‍बा सेक लेप्‍सुङ। तमा तिवा ते राङ देनी यहूदीतिवाला तिराङ येशूकी कोर्ला सुङ ख्‍याप्‍टाक क्‍यासुङ।

लोमा छ्‍येतिवी लाका 12:20

तमा टुरोस ताङ सीदोनकी मीतिवाला ग्‍येल्‍वु हेरोद छासे ङ्‍यिर्मु कियिनोक। तुक क्‍यानी टुरोस ताङ सीदोनकी मीतिवा ख च्‍यिक क्‍यानी हेरोदकी ग्‍येल्‍खाङला लाका कितुप बलस्‍तस सिरुप मी छ्‍ये तीकी चाला गल्‍नी ग्‍येल्‍वु हेरोद ताङ मुला डिङ नाङ सिनी गोङ्‍बा शुनोक। च्‍यिलासिसिन टुरोस ताङ सीदोनकी मीतिवा ति ग्‍येल्‍वु हेरोदकी लुङ्‍बा नेमा राङ साप डुतिवा खुर्नी वुङ गोकिनोक।

लोमा छ्‍येतिवी लाका 13:4

तमा कोन्‍छ्‍योककी थु चाङ्‍माकी तङ्‍गुप तप्‍की बारनाबास ताङ शाऊल ति मर सिलुकियाला गल्‍नी तेसुर टु जेनी ग्‍येम्‍छोकी पर्ला वोतुप साइप्रस सिरुप ग्‍येम्‍छो परकी स कम्‍बु च्‍यिकला गाल।

लोमा छ्‍येतिवी लाका 15:23

तमा तिवी लकला दुक सिनी यिकी ताङ्‍सुङ, “टसी देलेक, एन्‍टिओखिया ताङ सिरिया ताङ किलिकियाला वोतुप चोवोला तेपा कितुप यहूदी मिन्‍दुप मिरिक यम्‍बाकी अच्‍युनुपतिवाला दे वोतुप ख्‍यिरे अच्‍युनुप यिन्‍दुप लोमा छ्‍ये ताङ चर्चकी गोमा कितुप मी छ्‍येतिवी छ्‍योक नेसुर दी यिकी टिवु यिनो।

लोमा छ्‍येतिवी लाका 15:39

तुक क्‍यानी तिवी पर्ला कशेन खाँदा शोरुप तप्‍की तिवा पेसुङ। तमा बारनाबास ति मर्कूस ताङ क्‍यानी टुला जेनी साइप्रस लुङ्‍बाला गाल।

लोमा छ्‍येतिवी लाका 15:41

तमा पावल ताङ सिलास सिरिया ताङ किलिकियाला कोरा ग्‍यकिन चर्चतिवाला तेपा रम्‍बु जोसुङ।

लोमा छ्‍येतिवी लाका 18:18

ती ज्‍युक्‍ला पावल ङ्‍यिमा अलायी सेक ते राङ देसुङ। तमा कोन्‍छ्‍योकला तेपा कितुप मीतिवी मुला क्‍येनी प्रिस्‍किला ताङ अकिलास साङ मुला राङ टिनी टुला जेनी सिरिया लुङ्‍बाला डोप छाल्‍सुङ। यिने गोमाला कोन्‍छ्‍योकला थाक्‍छ्‍येनी लावा लावु ति नासाम शर्नी किंक्रियाला गल्‍नी खोरो र्‍ह टेसुङ।

लोमा छ्‍येतिवी लाका 21:16

डोप पेला कैसरियाकी लोमातिवा साङ ललाइ ङ्‍यिरा मुला राङ गलिन। तिवी ङ्‍यिराङला मनासोन सिरुप मीकी खाङ्‍बा देतुपला टि गाल। ती मी ति साइप्रस ने वावु गोमाला तेपा क्‍यानी लोमा च्‍युङ्‍गुप मी यिनोक।

लोमा छ्‍येतिवी लाका 21:2

तेसुर फोनिकेला डोप टु यी थेप्‍नी ती टुला राङ जेनी गलिन।

लोमा छ्‍येतिवी लाका 21:7

तेसुर ङ्‍यिराङ टुरोस नेसुर गल्‍सिमा टोलेमाइसला लेप्‍नी टु नेसुर पापिन। तमा तेकी तेपा कितुप मीतिवाला ठेनी तिवी मुला ङ्‍यिम्‍ज्‍यिक देतिन।

लोमा छ्‍येतिवी लाका 27:4

तेसुर ङ्‍यिराङ येलुङ टुला जेनी गलिन। यिने लुङ कशेन ग्‍यपुप तप्‍की ग्‍येम्‍छो परकी स कम्‍बु वोतुप साइप्रसकी ग्‍यप ने क्‍यानी गलिन।

लोमा छ्‍येतिवी लाका 4:36

तिवी पर्ला साइप्रस लुङ्‍बाला क्‍येवु लेवी गिपाकी योसेफ सिरुप मी यी साङ नोक। तीला लोमातिवी बारनाबास साङ सिनोक। (बारनाबासकी तेन्‍दोक ति यम्‍बाला टोङ्‍गु तेरुप यिन।)