लोमा छ्‍येतिवी लाका 21:10 - कोन्छ्‌योककी सुङ

¹⁰ तमा ङ्‍यिराङ ते ङ्‍यिमा चेयी देतुप पेला यहूदिया नेसुर अगाबस सिरुप नम्‍दर शेतुप मी मिरा च्‍यिक ते वासुङ।

लोमा छ्‍येतिवी लाका 21:10 Iomraidhean Croise

मत्ती 2:1

ग्‍येल्‍वु हेरोदकी ग्‍येला कितुप पेला येशू यहूदिया लुङ्‍बाकी बेथलेहेम युलला क्‍येनोक। ती पेला शरकी थाका नेमा कर्मा ल्‍हानी ची कोरुपतिवा यरूशलेमला वानी मीतिवाला दुक सिनी टिसुङ,

लोमा छ्‍येतिवी लाका 11:28

तिवी पर्ला अगाबस सिरुप कोन्‍छ्‍योककी लुङ्‍तेम्‍बा मिरा च्‍यिककी रोमकी लुङ्‍बा तेरीला छासे ङ्‍यिमा मर्वु शर्कितो सिनी कोन्‍छ्‍योककी थु चाङ्‍मा नेमा नम्‍दर शेसुङ। ती ति रोमकी ग्‍येल्‍वु क्‍लौडियसकी ङोला च्‍युङ्‍गिनोक।

लोमा छ्‍येतिवी लाका 20:16

पावल एशियाला अला देतुप नो माक्‍यावु तप्‍की एफिससला माशुवा क्‍यानी डोप नो क्‍यासुङ। च्‍यिलासिसिन लेप थुप्‍सिन पेन्‍तिकोसकी तुछ्‍येनला यरूशलेमला राङ लेपुप नोनी रिवा क्‍यासुङ।

लोमा छ्‍येतिवी लाका 21:4

ते ङ्‍यिरा लोमातिवाला छल्‍नी ठेसिमा तिवा ताङ मुला ङ्‍यिमा दिन सेक ते राङ देतिन। तिवी पावलला यरूशलेमला माडो सिनी कोन्‍छ्‍योककी थु चाङ्‍मा नेमा सिक्‍यानोक।

लोमा छ्‍येतिवी लाका 21:7

तेसुर ङ्‍यिराङ टुरोस नेसुर गल्‍सिमा टोलेमाइसला लेप्‍नी टु नेसुर पापिन। तमा तेकी तेपा कितुप मीतिवाला ठेनी तिवी मुला ङ्‍यिम्‍ज्‍यिक देतिन।