लोमा छ्‍येतिवी लाका 20:2 - कोन्छ्‌योककी सुङ

² ते वोतुप दासा दासाला गल्‍सिमा तेकी तेपा कितुप मीतिवाला टोङ्‍गु बङी बिन्‍नी ग्रीसला गाल।

लोमा छ्‍येतिवी लाका 20:2 Iomraidhean Croise

लूका 3:18

यूहन्‍नाकी यम्‍बा टोङ्‍गुतिवा साङ बङी बिन्‍नी मीतिवाला लेन ल्‍यामु ख्‍याप्‍टाक क्‍यासुङ।

लोमा छ्‍येतिवी लाका 14:22

तमा लोकुप पेला तेकी लोमातिवाला “ख्‍यिराङ हम क्‍या दे गोकिवी, तेपा रम्‍बु क्‍या दे गोकिवी, तमा कोन्‍छ्‍योककी ग्‍येल्‍खापला लेपुपला ङ्‍यिराङ दुक्‍पा बङी खुर गोकिवी।” सिनी टोङ्‍गु बिन्‍सुङ।

लोमा छ्‍येतिवी लाका 15:41

तमा पावल ताङ सिलास सिरिया ताङ किलिकियाला कोरा ग्‍यकिन चर्चतिवाला तेपा रम्‍बु जोसुङ।

लोमा छ्‍येतिवी लाका 16:12

तेसुर ङ्‍यिराङ काङ्‍बी राङ युनी फिलिप्‍पीला वायिन। फिलिप्‍पी ति माकेडोनियाकी ग्‍येसा नाङ ने छासे ग्‍येर्पु ताङ रोमी लुङ्‍बाकी ओङला वोतुप दासा यिनोक। तमा ङ्‍यिराङ ती ग्‍येसाला ङ्‍यिमा चेयी पर सेक देतिन।

लोमा छ्‍येतिवी लाका 17:1

ती ज्‍युक्‍ला पावल ताङ सिलास अम्‍फिपोलिस ताङ अपोल्‍लोनियाकी लाम नेवा क्‍यानी थेसलोनिकेला वासुङ। ते यहूदी छ्‍योखाङ यी नोक।

लोमा छ्‍येतिवी लाका 17:10

ती नुपला राङ तेपा कितुपतिवी पावल ताङ सिलासला बेरिया सिरुप दासाला ताङ्‍सुङ। तिवा ते लेप्‍सिमा यहूदी छ्‍योखाङ नाङ्‍ला गाल।

लोमा छ्‍येतिवी लाका 2:40

पत्रुसकी यम्‍बा ताम्‍ङेतिवा साङ बङी सिक्‍यासुङ। तमा तिङ्‍ला तिवाला दुक सिनी टोङ्‍गु बिन्‍सुङ, “ख्‍यिराङ दी दुक्‍टाकी गिपा ने र्‍होकुप लाका किसा।”

लोमा छ्‍येतिवी लाका 20:1

ती हराङ हुरुङ क्‍यावु ज्‍युक्‍ला पावलकी लोमातिवाला कताङ्‍नी तिवाला टोङ्‍गु बिन्‍नी तिवी मुला क्‍येनी खुरुङ ति माकेडोनिया थाकाला गाल।

लोमा छ्‍येतिवी लाका 20:11

ती ख्‍योक्‍पेजा ति सेन्‍बु लावु थोङ्‍सिमा तिवा येर तेला गल्‍नी चोवो येशूकी मिङला च्‍योकुप शुब्‍ज्‍याङ सोसुङ। तमा पावल ति नाम लाङ्‍दा सेक तिवी मुला अरा उरा सिनी देसुङ। नाम लासिमा तिवी मु नेसुर क्‍येसुङ।

लोमा छ्‍येतिवी लाका 20:3

तमा ते ल सुम देसिमा टुला जेनी सिरियाला डोप नासाम ताङ्‍सुङ। यिने यहूदीतिवी पावलला सेतुपला च्‍यु क्‍यावु हाक्‍कोनी पावल काङ्‍बी राङ माकेडोनिया नेवा राङ डोप नो क्‍यासुङ।

१ कोरिन्‍थी 4:19

यिने कोन्‍छ्‍योककी नोवा वोसिन, ङ ख्‍यिरा ते टिम्‍बु राङ वुङ्‍गुप्‍नो। तमा छ्‍येजु कितुपतिवी ताम्‍ङे ति कोन्‍छ्‍योककी ङार नेमा वावु यिनोक मिनोक सिनी ङ हाक्‍कोवा कितिन।

कलस्सी 1:28

ङ्‍यिराङ दी ख्रीष्‍टकी कोर्ला मीतिवा तेरीला ख्‍याप्‍टाक कितिन। तमा तेरीकी ख्रीष्‍टला तेपा रम्‍बु क्‍यानी कोन्‍छ्‍योककी थोङ्‍दाङला ल्‍यामु वोतुप जोपला ङ्‍यिराङला वोतुप तेरी रिक्‍पा नेसुर तिवा रे रेला टोङ्‍गु ताङ येन्‍देन तेर्किवी।

१ थेसलोनिकी 2:11

पपी खोरो पुज्‍युङपुमला क्‍यावु दोके ङ्‍यिरा ख्‍यिराङ रे रेला टोङ्‍गु ताङ ङाडेङ बिन्‍दुप ति ख्‍यिराङला राङ छ्‍या वे। तुका टोङ्‍गु बिन्‍दुप ति ख्‍यिरा किताङ नालु ति कोन्‍छ्‍योककी सेमला डो छ्‍योवु च्‍युङ्‍गुपला यिन। ती कोन्‍छ्‍योककी ख्‍यिराङला खोकी ग्‍येल्‍खाप ताङ खोकी मोवाला कताङ नाङ्‍सुङ।

१ थेसलोनिकी 2:3

ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु ति ङ्‍यिरा नासाम मेलोवा ताङ्‍नी क्‍यावु मिन, सेम मेटेङ्‍बु क्‍यानी क्‍यावु साङ मिन, ताम्‍ङे जोनी ख्‍यिराङला केन्‍दुपला साङ मिन।

१ थेसलोनिकी 4:1

तेरी सिनाङ तिङ्‍ला अच्‍युनुपतिवा, चोवो येशूकी मिङला ङ्‍यिराङ ठाकुरे सिनी ख्‍यिराङला गोङ्‍बा शुनी टोङ्‍गु तेरिनो। ख्‍यिरा मिजी चुक क्‍यानी क्‍योङ गोकिवी, चुक क्‍यानी कोन्‍छ्‍योकला गा लोङ गोकिवी सिनी ख्‍यिरा ङ्‍यिरा नेसुर लाप्‍सुङ। तमा तन्‍दा सेक ती दोके कियी वे, तरोङ साङ ख्‍यिराङ मङ मङ फरिन ग्‍युक।