लोमा छ्‍येतिवी लाका 20:1 - कोन्छ्‌योककी सुङ

¹ ती हराङ हुरुङ क्‍यावु ज्‍युक्‍ला पावलकी लोमातिवाला कताङ्‍नी तिवाला टोङ्‍गु बिन्‍नी तिवी मुला क्‍येनी खुरुङ ति माकेडोनिया थाकाला गाल।

लोमा छ्‍येतिवी लाका 20:1 Iomraidhean Croise

लोमा छ्‍येतिवी लाका 11:26

शाऊलला ठेसिमा एन्‍टिओखियाला टिनी वासुङ। तमा तिवी मुला लो खोर्मा यी सेक देनी चर्चला वोतुप तेपा कितुप मीतिवा बङीला नरी ठेनी येन्‍देन बिन्‍सुङ। ती पेला नेज्‍युनी एन्‍टिओखियाला वोतुप लोमातिवाला थल्‍माला ख्रीष्‍टियान सिनी सिक्‍यावु यिन।

लोमा छ्‍येतिवी लाका 16:12

तेसुर ङ्‍यिराङ काङ्‍बी राङ युनी फिलिप्‍पीला वायिन। फिलिप्‍पी ति माकेडोनियाकी ग्‍येसा नाङ ने छासे ग्‍येर्पु ताङ रोमी लुङ्‍बाकी ओङला वोतुप दासा यिनोक। तमा ङ्‍यिराङ ती ग्‍येसाला ङ्‍यिमा चेयी पर सेक देतिन।

लोमा छ्‍येतिवी लाका 16:9

ती नुपला माकेडोनियाकी मी यी पावलकी चाला वानी, “माकेडोनियाला वानी ङ्‍यिराङला दाल्‍जा किटे की!” सिनी गोङ्‍बा शुवु ति पावलकी ज्‍यल्‍का थोङ्‍नोक।

लोमा छ्‍येतिवी लाका 19:21

ती ज्‍युक्‍ला पावल कोन्‍छ्‍योककी थु चाङ्‍माकी ओङला माकेडोनिया ताङ अखैयाकी लाम नेवा क्‍यानी यरूशलेमला डोपला नासाम तङ्‍नी, “ते गल्‍सिमा ङ रोमला साङ डो गोकिवी” सिनी सिक्‍यासुङ।

लोमा छ्‍येतिवी लाका 20:10

तमा पावल मर पाम वानी पुमुङ सला चुनी तीला पाङ्‍बा तप्‍नी “ख्‍यिराङ सेम्‍दुक माकी, दी याङ माशि वे।” सिनी सिक्‍यासुङ।

लोमा छ्‍येतिवी लाका 20:2

ते वोतुप दासा दासाला गल्‍सिमा तेकी तेपा कितुप मीतिवाला टोङ्‍गु बङी बिन्‍नी ग्रीसला गाल।

लोमा छ्‍येतिवी लाका 20:3

तमा ते ल सुम देसिमा टुला जेनी सिरियाला डोप नासाम ताङ्‍सुङ। यिने यहूदीतिवी पावलला सेतुपला च्‍यु क्‍यावु हाक्‍कोनी पावल काङ्‍बी राङ माकेडोनिया नेवा राङ डोप नो क्‍यासुङ।

लोमा छ्‍येतिवी लाका 20:37

तमा तिवा तेरी ङुयी सिरा पावलला पाङ्‍बा ताप्‍सुङ।

रोमी 15:19

ततिवा ताङ हलेवु लाकाकी ओङ ताङ, कोन्‍छ्‍योककी थु चाङ्‍माकी ओङ नेसुर क्‍यावु यिन। तुक क्‍यानी येशू ख्रीष्‍टकी लेन ल्‍यामु ति यरूशलेम नेज्‍युनी इल्‍लुरिकन सेक तेरी दासाला ङे ख्‍याप्‍टाक क्‍यायी।

रोमी 16:16

ख्‍यिराङ च्‍यिककी च्‍यिकला येशू ख्रीष्‍टकी ङ्‍यिङ्‍ज्‍ये ताङ मुला टसी देलेक सिनी सिसा। ख्रीष्‍ट येशूला तेपा कितुप चर्चकी मीतिवा तेरीकी ख्‍यिराङला टसी देलेक सिनी ताङ वोते।

१ कोरिन्‍थी 16:20

दे वोतुप तेरी तेपा कितुप अच्‍युनुपतिवी साङ ख्‍यिराङला टसी देलेक सिनी ताङ्‍नी वोतो। ख्‍यिराङ च्‍यिककी च्‍यिकला ङ्‍यिङ्‍ज्‍ये ताङ मुला टसी देलेक सिसा।

१ कोरिन्‍थी 16:5

ङ माकेडोनियाला गल्‍नी ते नेसुर ख्‍यिराङला ठेतुपला वुङ्‍गुप्‍नो।

२ कोरिन्थी 13:12

च्‍यिककी च्‍यिकला ङ्‍यिङ्‍ज्‍ये ताङ मुला टसी देलेक सिसा।

२ कोरिन्थी 7:5

ङ्‍यिराङ माकेडोनियाला लेपुप पेला ङ्‍यिराङला उ तोङ्‍गुप साङ माङ्‍ये, यिने छो ज्‍यिकर नेसुर छेटाङ ख्‍येल्‍नी लेसुङ। तमा पङगी मीतिवी ङ्‍यिराङला नरी थमु ग्‍यकुप ताङ सेमला ति ङ्‍यिराङला ज्‍यिवा लासुङ।

१ थेसलोनिकी 5:26

तेरी अच्‍युनुपतिवाला ङ्‍यिङ्‍ज्‍ये ताङ मुला टसी देलेक सिसा।

१ तिमोथी 1:3

ङ माकेडोनिया डोप पेला ख्‍युरुङला ङे एफिससला राङ दे सिक्‍यावु तेन्‍दोक ति तेकी येन्‍देन मेटेङ्‍बु लोपुप मीतिवाला तुक माकी सिनी क तेरुपला यिन।