लोमा छ्‍येतिवी लाका 2:9 - कोन्छ्‌योककी सुङ

⁹ दे याङ दाक्‍पु पार्थीतिवा ताङ मादीतिवा ताङ एलामीतिवा ताङ मेसोपोटामिया ताङ यहूदिया ताङ कापाडोकिया ताङ पोन्‍टस ताङ एशियाकी मीतिवा ताङ

लोमा छ्‍येतिवी लाका 2:9 Iomraidhean Croise

लोमा छ्‍येतिवी लाका 16:6

ती पेला एशियाकी लुङ्‍बाला कोन्‍छ्‍योककी थु चाङ्‍मा नेमा खोकी सुङ ख्‍याप्‍टाक कि माच्‍यिवु तप्‍की तिवा फ्रिगिया ताङ गलातिया नेवा गाल्‍सुङ।

लोमा छ्‍येतिवी लाका 18:2

ते लेप्‍सिमा पोन्‍टसला क्‍येवु अकिलास सिरुप यहूदी मिरा च्‍यिकला ठेनोक। ती ति खोरो पेर्मी प्रिस्‍किलाला साङ मुला राङ टिनी इटालिया लुङ्‍बा नेसुर कोरिन्‍थला वानोक। च्‍यिलासिसिन रोमी ग्‍येल्‍वु क्‍लौडियसकी तेरी यहूदीतिवाला रोम नेसुर थेन ग्‍युक सिनी क बिन्‍नोक। तुक क्‍यानी पावल तिवाला ठेतुपला गाल्‍नोक।

लोमा छ्‍येतिवी लाका 19:10

पावलकी तिवाला लो ङ्‍यी सेक लाप्‍सिमा ते एशियाला देतुप यहूदी ताङ ग्रीककी मीतिवा तेरीकी येशूकी सुङ ङ्‍येन्‍सुङ।

लोमा छ्‍येतिवी लाका 19:27

ती तप्‍की दाक्‍पी छोङला कुन फोकुप तिराङ मिन, दाक्‍पी ओङ छ्‍येन्‍मु आर्तेमिस ल्‍हमुकी ल्‍हङाङला साङ मेतेन्‍वी, तेरी एशियाकी लुङ्‍बा ताङ जम्‍बुलिङ तेरीकी मीतिवी तेन्‍दुप ल्‍हमुकी मोवा साङ तोर्नी डिवी।” सिनी सिक्‍यासुङ।

लोमा छ्‍येतिवी लाका 19:31

ते वोतुप पावलकी दाल्‍जा एशियाकी मी छ्‍ये ललाइतिवी पावलला ती ल्‍हेर्मु ल्‍हाप दिङ्‍माला माडो सिनी लेन ताङ्‍नी गोङ्‍बा शुसुङ।

लोमा छ्‍येतिवी लाका 2:8

तुकै यिन्‍सिन दिवी चुक क्‍यानी दाक्‍पु तेरीकी ग्‍येतामला ताम्‍ङे लप थुप्‍किवी?

लोमा छ्‍येतिवी लाका 20:16

पावल एशियाला अला देतुप नो माक्‍यावु तप्‍की एफिससला माशुवा क्‍यानी डोप नो क्‍यासुङ। च्‍यिलासिसिन लेप थुप्‍सिन पेन्‍तिकोसकी तुछ्‍येनला यरूशलेमला राङ लेपुप नोनी रिवा क्‍यासुङ।

लोमा छ्‍येतिवी लाका 20:18

तमा ती गोमा कितुप मी छ्‍येतिवा ते वासिमा पावलकी तिवाला दुक सिनी सिक्‍यासुङ, “ङ एशियाला वावु छेर्मु नेज्‍युनी ख्‍यिरा पर्ला चुक क्‍यानी देतिन सिरुप ताम्‍ङे याङ ख्‍यिराङला छ्‍या वे।

लोमा छ्‍येतिवी लाका 20:4

ती पेला पावलकी मुला डोप मीतिवा ति बेरियाला क्‍येवु पुरासकी पुज्‍युङ सेपोत्रस ताङ थेसलोनिकेकी अरिस्‍तार्खस ताङ सिकन्‍दस ताङ डर्बीकी गायस ताङ तिमोथी ताङ एशियाकी तुखिकस ताङ त्रोफिमस नोक।

लोमा छ्‍येतिवी लाका 21:27

तमा लावा लावु ङ्‍यिमा दिन लेप्‍तुछ्‍येप पेला एशिया ने वावु ललाइ यहूदीतिवी पावलला ल्‍हङाङ नाङ्‍ला वोतुप थोङ्‍नोक। तमा तिवी मी माङ्‍छ्‍योकला चेन्‍नी पावलला जिम्‍नी

लोमा छ्‍येतिवी लाका 24:18

ङ ल्‍हङाङ नाङ्‍ला गल्‍नी ठिमला वोतुप दोके चाङ्‍मा कितुप लुक्‍सु कियी वोतुप ति दिवी थोङ्‍सुङ। ती पेला मी मङ्‍मु साङ मे, हराङ हुरुङ साङ मे। यिने ते एशिया ने वावु ललाइ यहूदीतिवा तिराङ वोतुप्‍जा।

लोमा छ्‍येतिवी लाका 27:2

तमा एड्रामिटेनोस नेसुर एशियाकी दासा दासा नेवा क्‍यानी डोप टुला जेनी ङ्‍यिराङ गलिन। डोप पेला माकेडोनियाला क्‍येवु थेसलोनिकेकी मी अरिस्‍तार्खस साङ ङ्‍यिरा मुला गलिन।

लोमा छ्‍येतिवी लाका 6:9

यिने ती पेला कुरेनी ताङ अलेक्‍जेन्‍ड्रिया ताङ किलिकिया ताङ एशियाकी लुङ्‍बा नेसुर वावु मीतिवा ललाइ वानी स्‍तिफनस ताङ मुला खाँदा कितुप छाल्‍सुङ।

लोमा छ्‍येतिवी लाका 7:2

तमा स्‍तिफनसकी सिक्‍यासुङ, “ओ अच्‍युनुपतिवा ताङ पालुतिवा, ङे ताम्‍ङे ल्‍यामो क्‍यानी ङ्‍येना! दाक्‍पी हङ्‍गावा अब्राहाम हारानला डोप सिनाङ गोमाला मेसोपोटामियाला वोतुप पेला मोवा वोतुप कोन्‍छ्‍योककी ज्‍यल्‍का नाङ्‍नी

रोमी 16:5

तिवी खाङ्‍बाला जोम्‍बुप चर्चकी तेपा कितुपतिवा तेरीला ङे टसी देलेक वोतो सिनी सिसा। ङे ङ्‍यिङ्‍ज्‍येवु दाल्‍जा इपेनितसला साङ टसी देलेक वोतो सिनी सिसा। ती ति एशिया लुङ्‍बाला तेरी सिनाङ गोमाला येशू ख्रीष्‍टला तेपा कितुप मी यिन।

१ कोरिन्‍थी 16:19

एशियाला वोतुप चर्चतिवाकी मीतिवी साङ ख्‍यिराङला टसी देलेक सिनी ताङ्‍नी वोतो। तमा अकिलास ताङ प्रिस्‍काले ताङ तिवी खाङ्‍बाला वोतुप कोन्‍छ्‍योकला तेपा कितुपतिवा तेरीकी साङ ख्‍यिराङला टसी देलेक सिनी ताङ्‍नी वोतो।

२ कोरिन्थी 1:8

अच्‍युनुपतिवा, ङ्‍यिरा एशिया लुङ्‍बाला दुक्‍पा खुरुप ति ख्‍यिराङला ल्‍यामु क्‍यानी हाक्‍कोशी सिरुप नोवा वे। ते ङ्‍यिराङला छासे दुक्‍पा ङ्‍येतुप तप्‍की सेन्‍बु लुकिते सिरुप रेवा साङ मेतुप्‍जा।

२ तिमोथी 1:15

ख्‍युरुङला छ्‍या राङ वे, एशिया लुङ्‍बाला देतुपतिवा तेरीकी ङला क्‍युर ज्‍याक्‍नी गाल्‍सुङ। तिवी पर्ला फुगेलस ताङ हर्मोगेनस साङ यिन।

१ पत्रुस 1:1

टसी देलेक! ङ येशूकी लोमा छ्‍ये पत्रुसकी छ्‍योक नेसुर पोन्‍टस ताङ गलातिया ताङ कापाडोकिया ताङ एशिया ताङ बिथिनिया लुङ्‍बातिवा नेवा थरा थुरा गल्‍नी छ्‍यिग्‍यपकी मी दोके टम देतुप कोन्‍छ्‍योककी पेन नङ्‍गुप मीतिवाला दी यिकी ति टिवु यिनो।

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।