लोमा छ्‍येतिवी लाका 2:7 - कोन्छ्‌योककी सुङ

⁷ तमा तिवा हलेवा लानी च्‍यिककी च्‍यिकला सिक्‍यासुङ, “काङ दी दाक्‍पी ग्‍येतामला ताम्‍ङे लपुपतिवा याङ गालीलकी मीतिवा मिन?

लोमा छ्‍येतिवी लाका 2:7 Iomraidhean Croise

मत्ती 21:11

तमा मी माङ्‍छ्‍योककी खो गालीलकी नासरत नेसुर फेवु कोन्‍छ्‍योककी लुङ्‍तेम्‍बा येशू यिन सिनी सिक्‍यासुङ।

मत्ती 26:73

चेयी ज्‍युक्‍ला ते लानी देतुप मीतिवी पत्रुसकी चाला वानी, “वुतुङ के ख्‍युरुङ तिवी परकी मी राङ यिन, च्‍यिलासिसिन ख्‍योरो ताम्‍ङे लाप्‍ताङ ल्‍हासिन ख्‍युरुङ गालीलकी मी राङ यिन।” सिनी सिक्‍यासुङ।

मत्ती 8:10

ती थोनी येशू छासे हलेवा क्‍यासुङ। तमा खोकी तिङ्‍ला तिङ्‍योकुप मीतिवी थाकाला ग्‍युर्नी दुक सुङ्‍सुङ, “वुतुङ के ङ ख्‍यिराङला सिरिन, इस्राएलकी मीतिवी पर्ला साङ दुका तेपा रम्‍बु याङ तन्‍दा सेक ङे माथोङ वे।

मर्कूस 1:27

ती थोङ्‍सिमा मी तेरी हलेवा लानी, “ओए! दी काङ यिन? दी याङ ओङ छ्‍येवु येन्‍देन सम्‍बा के नोक। दी मी तीकी खोरो ओङ्‍ज्‍येन नेमा डेतिवाला क नङ्‍सिमा तिवी ती कला ङ्‍येन्‍गिनोक।” सिनी सिक्‍यासुङ।

मर्कूस 2:12

खोकी तुक सुङ्‍लुङ्‍मे ती लाक्‍पा काङ्‍बा शोरुप मी ति खोक लानी शार्क्येक तेरी मीतिवी थोङ्दाङला खोरो सप्‍तेन खुर्नी गाल्‍सुङ। तमा ते वोतुप मीतिवा तेरी छासे हलेवा क्‍यानी, “दुका लाका याङ ङ्‍यिरा नाम्‍साङ माथोङ!” सिनी कोन्‍छ्‍योकला सोवा तेक्‍सुङ।

यूहन्‍ना 7:52

तमा तिवी निकोदेमसला “काङ ख्‍युरुङ साङ गालीलकी मी यिन? ख्‍युरुङ कोन्‍छ्‍योककी सुङ ल्‍यामो क्‍यानी लोप। तुक क्‍यासिन गालील लुङ्‍बा नेसुर कोन्‍छ्‍योककी लुङ्‍तेम्‍बा मेङ्‍गिवी सिरुप ति हाक्‍कोकिवी।” सिनी सिक्‍यासुङ।

लोमा छ्‍येतिवी लाका 1:11

तिवाला सिक्‍यासुङ, “ओ गालीलकी मीतिवा, ख्‍यिराङ च्‍यिला दे लानी नामला ल्‍हानी देकिवी? तन्‍दा ख्‍यिरा पर नेमा येर देवाच्‍येनला टि फेवु येशू ति तन्‍दा चुक क्‍यानी ख्‍यिरा ल्‍हयी ल्‍हयी देवाच्‍येन ने टि फेप्‍वे, तुक राङ क्‍यानी खो येलुङ दी जम्‍बुलिङला लोक्‍नी फेप्‍किवी।”

लोमा छ्‍येतिवी लाका 2:12

तमा तिवा तेरी हलेवा लानी काङ कितुप काङ कितुप गल्‍नी दीकी तेन्‍दोक ति काङ यिनाङ सिनी च्‍यिककी च्‍यिकला टिसुङ।

लोमा छ्‍येतिवी लाका 2:8

तुकै यिन्‍सिन दिवी चुक क्‍यानी दाक्‍पु तेरीकी ग्‍येतामला ताम्‍ङे लप थुप्‍किवी?

लोमा छ्‍येतिवी लाका 3:10

ती थोङ्‍सिमा “गो डछ्‍यावु” चाला देनी नरी लोङ्‍गुप मी थेङ्‍बा ति दी राङ यिन सिनी ङो शेसुङ। तमा ती मी ति ल्‍यामो क्‍यानी लानी युकुप थोङ्‍सिमा तिवा तेरी हलेवा क्‍यासुङ।