लोमा छ्‍येतिवी लाका 2:41 - कोन्छ्‌योककी सुङ

⁴¹ तमा सु सुकी पत्रुसकी सिक्‍यावु सुङ थोवे, तिवी बप्‍तिस्‍मा लासुङ। ती छेर्मु तो मिसिन मी तोङ्‍डा सुम चोयी तिवी दला शुसुङ।

लोमा छ्‍येतिवी लाका 2:41 Iomraidhean Croise

यूहन्‍ना 14:12

वुतुङ के ङ ख्‍यिराङला सिरिन, सी ङला तेपा किवे, तीकी ङे क्‍यावु हलेवु लाकातिवा साङ किवी, तमा ती सिनाङ मङ लाका छ्‍ये साङ किवी, च्‍यिलासिसिन ङ पपी चाला डोयी वे।

यूहन्‍ना 21:11

ती पेला सिमोन पत्रुस ति येलुङ टुला जेनी ङ्‍या बङी क्‍येङ्‍गुप जाल ति ग्‍येम्‍छो गारीला थेन्‍सुङ। ती जालकी नाङ्‍ला ख्‍येलुप ङ्‍या ति तेरी क्‍यानी सयी च्‍यिक ताङ खाल ङ ताङ सुम चोके नोक। ती जालकी नाङ्‍ला तोजो ङ्‍या मङ्‍मु थोप्‍सिनाङ जाल ति माराल।

लोमा छ्‍येतिवी लाका 1:15

ती पेला ते तेपा कितुपतिवा मी मिरा सयी च्‍यिक ताङ खल ज्‍यिक चोयी जोम्‍नोक। तमा पत्रुसकी तिवी पर्ला टङी लानी सिक्‍यासुङ,

लोमा छ्‍येतिवी लाका 13:48

ती थोसिमा यहूदी मिन्‍दुप मिरिक यम्‍बाकी मीतिवा गा लानी कोन्‍छ्‍योककी सुङगी थोक्‍ला सोवा तेक्‍सुङ। तमा नाम्‍साङ मिशिवु मिजी थोपुपला कोन्‍छ्‍योककी पेतुप मीतिवा तेरीकी तेपा क्‍यासुङ।

लोमा छ्‍येतिवी लाका 2:37

पत्रुसकी सुङ ख्‍याप्‍टाक क्‍यावु थोसिमा ते वोतुप मीतिवी सेमला छासे दुङल लानी पत्रुस ताङ यम्‍बा लोमा छ्‍येतिवाला दुक सिक्‍यासुङ, “ओ अच्‍युनुपतिवा, त ङ्‍यिरा काङ कि गोकिवी?”

लोमा छ्‍येतिवी लाका 2:47

कोन्‍छ्‍योकला सोवा देकिनोक। तमा तेरी मीतिवी तिवाला ल्‍यामु सिनोक। दिक्‍पा ने थरुपतिवाला ति कोन्‍छ्‍योककी ङ्‍यिमी टेङ फेल्‍नी डो ज्‍यिकिनोक।

लोमा छ्‍येतिवी लाका 27:37

ती टी नाङ्‍ला ङ्‍यिराङ तेरी क्‍यासिन मिरा सयी ङ्‍यी ताङ खल दिन ताङ टुक वोतुप्‍जा।

लोमा छ्‍येतिवी लाका 3:23

तमा सी ती लुङ्‍तेम्‍बाकी सुङ्‍गुप ताम्‍ङे मेङ्‍येन्‍वे, तिवा तेरी तिवी पर नेमा ना तोङ्‍गिवी।’

लोमा छ्‍येतिवी लाका 4:4

यिने तिवी सुङ ख्‍याप्‍टाक क्‍यावु थोनी मी माङ्‍शोककी येशूला तेपा क्‍यासुङ। तमा तेपा कितुपतिवा तो मिसिन तोङ्‍डा ङ चोयी लेप्‍नोक।

लोमा छ्‍येतिवी लाका 7:14

ती ज्‍युक्‍ला योसेफकी पपा ताङ तेरी मिछाङतिवा मिरा खल दिन ताङ ङ तेरीला खोरो ते राङ कताङ्‍सुङ।

रोमी 13:1

तेरी मीतिवा लुङ्‍बाकी ओङ्‍ज्‍येन कितुपतिवी ओङला देशी। च्‍यिलासिसिन कोन्‍छ्‍योक नेमा वावु ओङ्‍ज्‍येन मिसिन यम्‍बा सी साङ ओङ्‍ज्‍येन कितुप मेङ्‍येवी। तिवा कोन्‍छ्‍योककी राङ पेन नङ्‍गुप यिन।

१ थेसलोनिकी 1:6

ख्‍यिराङला छेटाङ ताङ दुक्‍पा बङी च्‍युङ्‍सिनाङ कोन्‍छ्‍योककी थु चाङ्‍माकी लोदिमु नङ्‍गुप तप्‍की ख्‍यिरा कोन्‍छ्‍योककी सुङ ल्‍यामु क्‍यानी ङ्‍येन्‍सुङ। तुक क्‍यानी ख्‍यिरा ङ्‍यिराङ ताङ चोवो येशूकी दोके लुमु सेतुप च्‍युङ्‍सुङ।

१ पत्रुस 3:20

ती नम्‍शिङतिवी थल्‍माला नोआकी टु जोप पेला कोन्‍छ्‍योककी कला माङ्‍येन, यिन्‍सिनाङ कोन्‍छ्‍योककी तिवी थोक्‍ला हम क्‍यानी गुसुङ। तमा ती टी नाङ्‍ला शुवु मी मिरा ग्‍ये तिराङ छ्‍यु नेसुर र्‍होक्‍सुङ।

ज्‍यल्‍का 16:3

ती ज्‍युक्‍ला येलुङ देवाच्‍येनकी लेन क्‍योलुप थु ङ्‍यिवा तीकी खोरो कोरा ति ग्‍येम्‍छो नाङ्‍ला पुसुङ। तमा ती ग्‍येम्‍छो ति शेप मी ठक दोके गाल्‍सुङ। तमा ग्‍येम्‍छो नाङ्‍ला सेन्‍बु वोतुप सेम्‍ज्‍येनतिवा तेरी शिसुङ।