8 ती ज्युक्ला पावल यहूदी छ्योखाङला गल्नी ल सुम सेक ङाडेङ क्यानी मीतिवाला कोन्छ्योककी ग्येल्खापकी कोर्ला लाप्नी तिवाला तेपा कि ज्यितुप छाल्सुङ।
खोकी दुक्पा खुर्नी ङोसु लासिमा तिवाला खो ङोसु लावु ति हाक्को ज्यितुपला पङ्बु बङी छ्या तेन्सुङ। तमा ङ्यिमा खल ङ्यी सेक थेङ्मा अलायी खोरो लोमा छ्येतिवी पर्ला राङ छ्यर्नी तिवाला कोन्छ्योककी ग्येल्खापकी कोर्ला सुङ्सुङ।
तिवा पर्गा नेसुर थेन्नी पिसिदियाकी एन्टिओखियाला वासुङ। तमा ङासोप ङ्यिमाला यहूदी छ्योखाङला गल्नी देसुङ।
यिने पावल ताङ बारनाबासकी ङाडेङ क्यानी सिक्यासुङ, “कोन्छ्योककी सुङ ति थल्माला ख्यिराङ यहूदीतिवाला राङ ख्याप्टाक कि गोवु ति यिन्जा। यिने ख्यिरा दी सुङला माङ्येन्नी नाम्साङ मिशिवु मिजी ङ्ये छ्योवु मेतुप तप्की ङ्यिराङ यहूदी मिन्दुप मिरिक यम्बाकी मीतिवी ते डिवी।
पावल ताङ बारनाबास नरी दोके क्यानी आइकोनियनला वोतुप यहूदी छ्योखाङला गल्नी कोन्छ्योककी सुङ ख्याप्टाक क्यासुङ। तिवी सुङ ख्याप्टाक क्यावु थोनी यहूदीतिवा ताङ यहूदी मिन्दुप मिरिक यम्बाकी मीतिवा बङीकी येशूला तेपा क्यासुङ।
ती तप्की पावलकी यहूदीतिवा ताङ कोन्छ्योकला शब्ज्यी बुलुप यहूदी मिन्दुप मिरिक यम्बातिवी मुला छ्योखाङ नाङ्ला येशूकी कोर्ला केवुल क्यासुङ। तमा यम्बा मीतिवाला साङ हाला ठेनी ङ्यिमी टेङ केवुल क्यासुङ।
तेसुर तिवा एफिससला लेप्सिमा पावलकी प्रिस्किला ताङ अकिलासला तेराङ क्युर ज्याक्नी खोरुङ ति यहूदी छ्योखाङ नाङ्ला शुनी यहूदीतिवी मुला येशूकी कोर्ला केवुल क्यासुङ।
ती ति यहूदी छ्योखाङ नाङ्ला गल्नी ङाडेङ क्यानी सुङ लप्किनोक। यिने तीकी लापुप सुङ थोनी प्रिस्किला ताङ अकिलासकी ती अपोल्लोस तीला येशूकी कोर्ला ल्यामु क्यानी हाक्माकोवु थोङ्नी तीला खोप्रे खाङ्बा टि वानी येशूकी सुङ टेङ्बुकी तेन्दोक ति ल्यामो क्यानी लाप्सुङ।
ङासोप ङ्यिमाला नरी पावल यहूदी छ्योखाङला गल्नी केवुल किनोक, तमा यहूदी ताङ ग्रीककी मीतिवाला ल्यामो क्यानी हाक्को ज्यितुप छाल्सुङ।
पावलकी तिवाला लो ङ्यी सेक लाप्सिमा ते एशियाला देतुप यहूदी ताङ ग्रीककी मीतिवा तेरीकी येशूकी सुङ ङ्येन्सुङ।
ते तिवा तो मिसिन मिरा च्यिङ्ङी चोयी नोक।
यिने मी ललाइकी सेम क्योङ्बु वोतुप तप्की पावलकी ताम्ङेला तेपा माक्यानी मीतिवी मिङ्गाला पावलकी ताम्ङेकी तेन्दोकला लासुङ। तुक क्यानी पावलकी ती ताम्ङे मेलोक्पा कितुपतिवाला क्युर ज्याक्नी लोमातिवाला टिनी टुरान्नस सिरुप लोपुप दासाला देनी ङ्यिमी टेङ तिवाला येशूकी कोर्ला लाप्सुङ।
तुक क्यानी ख्यिराङ च्याङ्से देता! लो सुम सेक ङ्यी ताङ नुप्ज्या ङुयी सिरा ङे ख्यिराङला टोङ्गु बिन्दुप ति नासाम तोङा।
तुक क्यानी तिवी ङ्यिमा च्यिक पावलला ठेतुप तुजे जोसुङ। तमा मीतिवा बङी पावल देतुप खाङ्बा वासुङ। पावलकी टोप नेज्युनी सोर्हिप सेक तिवाला कोन्छ्योककी ग्येल्खापकी कोर्ला लाप्सुङ। तमा मोशाकी ठिम ताङ कोन्छ्योककी लुङ्तेम्बाकी थेप नेसुर येशूकी कोर्ला तिवाला पङ्बु बिन्सुङ।
ङे ङ्यिङ्ज्येवु अच्युनुपतिवा, दाक्पु तेरीला थोपुप थर्वाकी कोर्ला ङ ख्यिराङला टिकुपला छासे नो लासुङ। यिने त याङ कोन्छ्योककी खोरे मीतिवाला थेङ्मा च्यिक नङ्सिमा नरीकी नरी लुवु तेपा ति ख्यिरा छासे रम्बु क्यानी र्होक सिनी ङाडेङ तेरुपला ङे दी यिकी टिकुप ति ल्यामु यिन सिनी नोसुङ।