लोमा छ्‍येतिवी लाका 17:2 - कोन्छ्‌योककी सुङ

² तमा नरी दोके क्‍यानी पावल यहूदी छ्‍योखाङ नाङ्‍ला गल्‍नी ङासोप ङ्‍यिमा ङ्‍यिमाला थेङ्‍मा सुम सेक कोन्‍छ्‍योककी सुङ नेसुर केवुल कियी देसुङ।

लोमा छ्‍येतिवी लाका 17:2 Iomraidhean Croise

मत्ती 26:24

ङ मी पुज्‍युङ याङ खोरो थोक्‍ला कोन्‍छ्‍योककी सुङला टि वोतुप दोके शि राङ गोकिवी, यिने ङ मी पुज्‍युङला जिम तेरुप तीला याङ मोताप सुकिवी। ती याङ क्‍येप तिरुङ माक्‍येसिन तीकी थोक्‍ला मङ ल्‍यामु वुङ्‍गुप्‍जा।”

लूका 4:16

तमा येशू खुरुङ र्‍होलुप नासरतला फेप्‍नी नरी दोके क्‍यानी ङासोप ङ्‍यिमाला यहूदी छ्‍योखाङला फेप्‍सुङ। तमा खो कोन्‍छ्‍योककी सुङ लोपुपला खोक लानी

यूहन्‍ना 18:20

येशूकी “ङे मी तेरीकी मिङ्‍गाला राङ सिक्यायिन। ङे तेरी यहूदीतिवा जोम्बुप यहूदी छ्‍योखाङतिवा ताङ यहूदी ल्‍हङाङला नरी येन्‍देन लापिन। ङे काङ ताम्‍ङे साङ छ्‍याकला सि माक्‍या वे।

लोमा छ्‍येतिवी लाका 13:14

तिवा पर्गा नेसुर थेन्‍नी पिसिदियाकी एन्‍टिओखियाला वासुङ। तमा ङासोप ङ्‍यिमाला यहूदी छ्‍योखाङला गल्‍नी देसुङ।

लोमा छ्‍येतिवी लाका 13:5

गल्‍सिमा तिवा सलामिस सिरुप ग्‍येसाला लेप्‍नी यहूदी छ्‍योखाङतिवी नाङ्‍ला कोन्‍छ्‍योककी सुङ ख्‍याप्‍टाक क्‍यासुङ। ती पेला तिवाला दाल्‍जा कितुपला यूहन्‍ना साङ तिवी मुला राङ नोक।

लोमा छ्‍येतिवी लाका 14:1

पावल ताङ बारनाबास नरी दोके क्‍यानी आइकोनियनला वोतुप यहूदी छ्‍योखाङला गल्‍नी कोन्‍छ्‍योककी सुङ ख्‍याप्‍टाक क्‍यासुङ। तिवी सुङ ख्‍याप्‍टाक क्‍यावु थोनी यहूदीतिवा ताङ यहूदी मिन्‍दुप मिरिक यम्‍बाकी मीतिवा बङीकी येशूला तेपा क्‍यासुङ।

लोमा छ्‍येतिवी लाका 17:10

ती नुपला राङ तेपा कितुपतिवी पावल ताङ सिलासला बेरिया सिरुप दासाला ताङ्‍सुङ। तिवा ते लेप्‍सिमा यहूदी छ्‍योखाङ नाङ्‍ला गाल।

लोमा छ्‍येतिवी लाका 17:17

ती तप्‍की पावलकी यहूदीतिवा ताङ कोन्‍छ्‍योकला शब्‍ज्‍यी बुलुप यहूदी मिन्‍दुप मिरिक यम्‍बातिवी मुला छ्‍योखाङ नाङ्‍ला येशूकी कोर्ला केवुल क्‍यासुङ। तमा यम्‍बा मीतिवाला साङ हाला ठेनी ङ्‍यिमी टेङ केवुल क्‍यासुङ।

लोमा छ्‍येतिवी लाका 18:4

ङासोप ङ्‍यिमाला नरी पावल यहूदी छ्‍योखाङला गल्‍नी केवुल किनोक, तमा यहूदी ताङ ग्रीककी मीतिवाला ल्‍यामो क्‍यानी हाक्‍को ज्‍यितुप छाल्‍सुङ।

लोमा छ्‍येतिवी लाका 19:8

ती ज्‍युक्‍ला पावल यहूदी छ्‍योखाङला गल्‍नी ल सुम सेक ङाडेङ क्‍यानी मीतिवाला कोन्‍छ्‍योककी ग्‍येल्‍खापकी कोर्ला लाप्‍नी तिवाला तेपा कि ज्‍यितुप छाल्‍सुङ।

लोमा छ्‍येतिवी लाका 24:25

पावलकी टेङ्‍बु वोतुप ताङ खोरुङला डेकला ज्‍योकुप ताङ ज्‍युक्‍थमाला कोन्‍छ्‍योककी जम्‍बुलिङकी मीतिवाला ठिम क्‍या नङ्‍गुप कोर्ला ताम्‍ङे किसालेन्‍सिन फेलिक्‍स ति ज्‍यिवा क्‍यानी पावलला “तन्‍दा ति ख्‍युरुङ ग्‍युक, खोम वोतुप पेला ङ ख्‍युरुङला लोङ कतोङ्‍गुप्‍नो।” सिनी सिक्‍यासुङ।

लोमा छ्‍येतिवी लाका 28:23

तुक क्‍यानी तिवी ङ्‍यिमा च्‍यिक पावलला ठेतुप तुजे जोसुङ। तमा मीतिवा बङी पावल देतुप खाङ्‍बा वासुङ। पावलकी टोप नेज्‍युनी सोर्‍हिप सेक तिवाला कोन्‍छ्‍योककी ग्‍येल्‍खापकी कोर्ला लाप्‍सुङ। तमा मोशाकी ठिम ताङ कोन्‍छ्‍योककी लुङ्‍तेम्‍बाकी थेप नेसुर येशूकी कोर्ला तिवाला पङ्‍बु बिन्‍सुङ।

लोमा छ्‍येतिवी लाका 8:35

तमा फिलिपकी ती कोन्‍छ्‍योककी लुङ्‍तेम्‍बाकी थेप नेसुर राङ येशूकी कोर्ला लेन ल्‍यामु ख्‍याप्‍टाक क्‍यासुङ।

लोमा छ्‍येतिवी लाका 9:20

ते शार्क्येक तीकी येशू ति कोन्‍छ्‍योककी सेवु राङ यिन सिनी यहूदी छ्‍योखाङतिवी नाङ्‍ला ख्‍याप्‍टाक कितुप छाल्‍सुङ।

१ कोरिन्‍थी 15:3

ङला थोपुप तेरी सिनाङ खक्‍छ्‍येवु सुङ ति ङे ख्‍यिराङला ख्‍याप्‍टाक क्‍यावु यिन। ती सुङगी तेन्‍दोक ति कोन्‍छ्‍योककी सुङला सुङ्‍गुप दोके ख्रीष्‍ट दाक्‍पी दिक्‍पी थोक्‍ला टुङ्‍गुप यिन।