लोमा छ्‍येतिवी लाका 17:1 - कोन्छ्‌योककी सुङ

¹ ती ज्‍युक्‍ला पावल ताङ सिलास अम्‍फिपोलिस ताङ अपोल्‍लोनियाकी लाम नेवा क्‍यानी थेसलोनिकेला वासुङ। ते यहूदी छ्‍योखाङ यी नोक।

लोमा छ्‍येतिवी लाका 17:1 Iomraidhean Croise

लोमा छ्‍येतिवी लाका 14:1

पावल ताङ बारनाबास नरी दोके क्‍यानी आइकोनियनला वोतुप यहूदी छ्‍योखाङला गल्‍नी कोन्‍छ्‍योककी सुङ ख्‍याप्‍टाक क्‍यासुङ। तिवी सुङ ख्‍याप्‍टाक क्‍यावु थोनी यहूदीतिवा ताङ यहूदी मिन्‍दुप मिरिक यम्‍बाकी मीतिवा बङीकी येशूला तेपा क्‍यासुङ।

लोमा छ्‍येतिवी लाका 15:21

च्‍यिलासिसिन ताङ्‍बो नेज्‍युनी ग्‍येसा ग्‍येसाला वोतुप यहूदी छ्‍योखाङला ज्‍यिङ्‍बा बाक्‍यम तङ्‍नी सेतुप सेम्‍ज्‍येनकी कोर्ला मोशाकी ठिम ति ङासोप ङ्‍यिमाला नरी रोकिनोक।”

लोमा छ्‍येतिवी लाका 16:13

तमा ङासोपकी ङ्‍यिमाला ङ्‍यिराङ ग्‍येसाकी गोकी फिला वोतुप चङ्‍बी गारीला यहूदीतिवा मोपोर कितुप दासा वोते सिनी गलिन। ते जोम्‍बुप पुम्‍पेजातिवी मुला ताम्‍ङे अरा उरा सिक्‍यायिन।

लोमा छ्‍येतिवी लाका 17:10

ती नुपला राङ तेपा कितुपतिवी पावल ताङ सिलासला बेरिया सिरुप दासाला ताङ्‍सुङ। तिवा ते लेप्‍सिमा यहूदी छ्‍योखाङ नाङ्‍ला गाल।

लोमा छ्‍येतिवी लाका 17:11

तेकी यहूदीतिवा ति थेसलोनिके यहूदीतिवा सिनाङ हाक्‍कोमु नोक। तुक क्‍यानी तिवा पावलकी ख्‍याप्‍टाक कितुप पेला सेम गा क्‍यानी ङ्‍येन्‍गिनोक। तमा येशूकी कोर्ला तिवी बिन्‍दुप येन्‍देन ति टेङ्‍बु यिन्‍ताङ मिन्‍ताङ सिनी ङ्‍यिमी टेङ कोन्‍छ्‍योककी सुङ लोप्‍किनोक।

लोमा छ्‍येतिवी लाका 17:13

पावलकी बेरियाला साङ कोन्‍छ्‍योककी सुङ ख्‍याप्‍टाक कियी नोक सिरुप ति थेसलोनिकेकी यहूदीतिवी हाक्‍कोनी तिवा ते साङ वानी मी माङ्‍छ्‍योकला ठका ठुका जोसुङ।

लोमा छ्‍येतिवी लाका 20:4

ती पेला पावलकी मुला डोप मीतिवा ति बेरियाला क्‍येवु पुरासकी पुज्‍युङ सेपोत्रस ताङ थेसलोनिकेकी अरिस्‍तार्खस ताङ सिकन्‍दस ताङ डर्बीकी गायस ताङ तिमोथी ताङ एशियाकी तुखिकस ताङ त्रोफिमस नोक।

लोमा छ्‍येतिवी लाका 27:2

तमा एड्रामिटेनोस नेसुर एशियाकी दासा दासा नेवा क्‍यानी डोप टुला जेनी ङ्‍यिराङ गलिन। डोप पेला माकेडोनियाला क्‍येवु थेसलोनिकेकी मी अरिस्‍तार्खस साङ ङ्‍यिरा मुला गलिन।

फिलिप्पी 4:16

ख्‍यिरा याङ ङ थेसलोनिकेला वोतुप पेला साङ थेङ्‍मा च्‍यिक चोयी ङ्‍यी चोयी ङे थोक्‍ला दाल्‍जा किटे क्‍यासुङ।

१ थेसलोनिकी 1:1

टसी देलेक! पावल ताङ सिलास ताङ तिमोथी नेसुर पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेला वोतुप चर्चकी मीतिवाला दी यिकी ति टिवु यिनो। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ थेसलोनिकी 2:2

गोमाला ङ्‍यिराङ फिलिप्‍पीला वोतुप पेला छेटाङ खुरुप ताङ तेकी मीतिवी ङ्‍यिराङला ङ्‍यिङ्‍मर क्‍यावु ति ख्‍यिराङला छ्‍या वे। ङ्‍यिराङ थेसलोनिकेला वासिमा साङ तेकी मीतिवा ङ्‍यिरा तेन्‍दोकला लासुङ, यिन्‍सिनाङ कोन्‍छ्‍योककी ङ्‍यिराङला ङाडेङ नङ्‍गुप तप्‍की खोकी लेन ल्‍यामु ति ख्‍यिराङला ख्‍याप्‍टाक क्‍यायिन।

२ थेसलोनिकी 1:1

टसी देलेक! दी यिकी ति ङ पावलकी सिलास ताङ तिमोथी मुला राङ दाक्‍पी पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेकी चर्चकी मीतिवाला टिवु यिनो।

२ तिमोथी 4:10

च्‍यिलासिसिन डेमासकी दी जम्‍बुलिङकी ताम्‍ङेला नासाम तङ्‍नी ङला क्‍युर ज्‍याक्‍नी थेसलोनिकेला गाल्‍सुङ। क्रेसेन्‍स साङ गलातियाला गाल्‍सुङ। तमा तीतस ति दलमातियाला गाल्‍सुङ।