लोमा छ्‍येतिवी लाका 16:3 - कोन्छ्‌योककी सुङ

³ पावलकी तीला मुला राङ टिनी डोप नो क्‍यानोक। तमा ते देतुप यहूदीतिवी खोकी पपा ति ग्रीक यिन सिरुप ति तिवा तेरीला छ्‍या वोतुप तप्‍की पावलकी तीला यहूदीतिवी च्‍येतुप लुक्‍सु क्‍यानोक।

लोमा छ्‍येतिवी लाका 16:3 Iomraidhean Croise

लोमा छ्‍येतिवी लाका 15:20

यिने तिवाला ‘ल्‍हलुतिवाला पुलुप समातिवा मासा! शम्‍डेन माकी! ज्‍यिङ्‍बा बाक्‍यम तङ्‍नी सेतुप सेम्‍ज्‍येनकी श ताङ ठक मासा।’ सिरुप ताम्‍ङे ति यिकी टिनी तोङ्‍गुप।

लोमा छ्‍येतिवी लाका 15:37

ती पेला बारनाबासकी मर्कूस सिरुप यूहन्‍नाला साङ मुला राङ टिनी डोप नो क्‍यासुङ।

लोमा छ्‍येतिवी लाका 15:40

यिने पावलकी सिलासला पेनी ङ्‍यिकर मुला राङ डोप पेला ते तेपा कितुप मीतिवी तिवाला कोन्‍छ्‍योककी कटिनला दे थुप्‍शी सिनी मोलाम बिन्‍नी ताङ्‍सुङ।

१ कोरिन्‍थी 7:19

च्‍येतुप लुक्‍सु क्‍यावु ताङ माक्‍यावु ति खक्‍छ्‍येवु मिन, यिने कोन्‍छ्‍योककी कला ङ्‍येन्‍दुप ति खक्‍छ्‍येवु यिन।

१ कोरिन्‍थी 9:20

यहूदीतिवाला सुङ ख्‍याप्‍टाक कितुप सिनी ङ यहूदी दोके च्‍युङ्‍यिन। कोन्‍छ्‍योककी ठिमकी ओङला देतुपतिवाला सुङ ख्‍याप्‍टाक कितुप सिनी ङ ठिमकी ओङला मेसिनाङ वोतुप दोके च्‍युङ्‍यिन।

गलाती 2:3

यिने ङे मुला वोतुप तीतस ति ग्रीककी मी यिन्‍सिनाङ तीला सी साङ यहूदीतिवी च्‍येतुप लुक्‍सु कि राङ गोकिवी सिनी माक्‍या।

गलाती 2:8

च्‍यिलासिसिन कोन्‍छ्‍योककी पत्रुसला यहूदीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जो नङ्‍गुप दोके ङला ति यहूदी मिन्‍दुप मिरिक यम्‍बाकी मीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जोनी ताङ्‍सुङ।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

फिलिप्पी 2:22

यिने तिमोथी खोङ्‍तेर्मु वोतुप ति ख्‍यिराङला साङ छ्‍या वे। तीकी चुक क्‍यानी पुज्‍युङकी पपाला शब्‍ज्‍यी किवे, तुक राङ क्‍यानी ङ ताङ मुला लेन ल्‍यामु ख्‍याप्‍टाक कितुपला दाल्‍जा क्‍यासुङ।