लोमा छ्‍येतिवी लाका 16:1 - कोन्छ्‌योककी सुङ

¹ तेसुर पावलतिवा डर्बी ताङ लुस्‍त्राला साङ गाल। तमा लुस्‍त्राला तीकी तिमोथी सिरुप लोमाला ठेसुङ। ती तिमोथीकी आमा ति येशूला तेपा कितुप ताङ यहूदी गिपा यिनोक, पपा ति ग्रीककी मी यिनोक।

लोमा छ्‍येतिवी लाका 16:1 Iomraidhean Croise

लोमा छ्‍येतिवी लाका 14:1

पावल ताङ बारनाबास नरी दोके क्‍यानी आइकोनियनला वोतुप यहूदी छ्‍योखाङला गल्‍नी कोन्‍छ्‍योककी सुङ ख्‍याप्‍टाक क्‍यासुङ। तिवी सुङ ख्‍याप्‍टाक क्‍यावु थोनी यहूदीतिवा ताङ यहूदी मिन्‍दुप मिरिक यम्‍बाकी मीतिवा बङीकी येशूला तेपा क्‍यासुङ।

लोमा छ्‍येतिवी लाका 14:21

तमा पावल ताङ बारनाबासकी डर्बीला साङ लेन ल्‍यामु ख्‍याप्‍टाक क्‍यानी येशूला तेपा कितुप लोमातिवा बङी जोसुङ। ती ज्‍युक्‍ला तिवा लुस्‍त्रा ताङ आइकोनियन ताङ एन्‍टिओखियाला लोक्‍सुङ।

लोमा छ्‍येतिवी लाका 14:6

ती ताम्‍ङे थोनी पावल ताङ बारनाबास लुकोनियाकी दासाला वोतुप लुस्‍त्रा ताङ डर्बी ताङ ती गारी गुरीला वोतुप लुङ्‍बाला टो गल्‍नी

लोमा छ्‍येतिवी लाका 17:14

ती तप्‍की तेपा कितुपतिवी पावलला शार्क्येक ग्‍येम्‍छोकी गारीला ताङ्‍सुङ। यिने सिलास ताङ तिमोथी ति तेराङ देसुङ।

लोमा छ्‍येतिवी लाका 18:5

ती पेला सिलास ताङ तिमोथी माकेडोनिया नेसुर वानोक। तुक क्‍यानी पावल ति कुर जोप लाका क्‍युर ज्‍याक्‍नी सुङ ख्‍याप्‍टाक कितुप ताङ यहूदीतिवाला येशू ति ख्रीष्‍ट यिन सिनी पङ्‍बु तेरिन नोक।

लोमा छ्‍येतिवी लाका 19:22

तमा खोरुङला दाल्‍जा कितुप तिमोथी ताङ इरास्‍तसला ति माकेडोनियाला ताङ्‍नी खोरुङ ति ङ्‍यिमा चेयी पर सेक एशिया लुङ्‍बाला देसुङ।

रोमी 16:21

ङे मुला राङ कोन्‍छ्‍योकला शब्‍ज्‍यी बुलुप तिमोथी ताङ ङे छेङ्‍गा लुकियस ताङ यासोन ताङ सोसिपात्रोसकी साङ ख्‍यिराङला टसी देलेक सिनी ताङ वोतो।

१ कोरिन्‍थी 16:10

दोजो तिमोथी ख्‍यिरा ते वासिन ख्‍यिरा ते देतुप पर सेक ति तीला ख्‍यिरा मुला राङ जोल्‍हमु क्‍यानी दे च्‍यिता। च्‍यिलासिसिन ती साङ ङ दोके कोन्‍छ्‍योककी थोक्‍ला लाका कितुप मी यिन।

१ कोरिन्‍थी 4:17

ती तप्‍की तिमोथीला ङ ख्‍यिरा ते तोङ्‍यिन वोतो। ती ति येशू ख्रीष्‍टला तेपा कितुप छासे ङ्‍यिङ्‍ज्‍येवु ङे पुज्‍युङ यिन। दासा तेरीला वोतुप चर्चकी मीतिवाला ङे लापुप दोके ङ चुक क्‍यानी येशू ख्रीष्‍टकी कला युनी मिजी क्‍याङ्‍सुङ सिरुप ताम्‍ङे ति तीकी ख्‍यिराङला टेन्‍सो कि ज्‍यिकितो।

१ कोरिन्‍थी 7:14

च्‍यिलासिसिन तेपा मिकिवु ख्‍योवा ति तेपा कितुप पेर्मीकी जोसालेन्‍सिन कोन्‍छ्‍योककी थोङ्‍दाङला टेङ्‍बु च्‍युङ्‍गिवी। तेपा मिकिवु पेर्मी साङ तेपा कितुप ख्‍योवी जोसालेन्‍सिन कोन्‍छ्‍योककी थोङ्‍दाङला टेङ्‍बु च्‍युङ्‍गिवी। मिसियाङ तिवी क्‍येवु पेजातिवा साङ टेङ्‍बु मुच्‍युङ्‍गिवी, यिने त याङ तिवा टेङ्‍बु राङ च्‍युङ वे।

२ कोरिन्थी 1:1

टसी देलेक! दी यिकी ति कोन्‍छ्‍योककी नोवा नेमा ख्रीष्‍ट येशूकी लोमा छ्‍ये च्‍युङ्‍गुप ङ पावल ताङ दाक्‍पी नुप तिमोथी नेसुर कोरिन्‍थीला वोतुप कोन्‍छ्‍योककी चर्चकी मीतिवा ताङ अखैया लुङ्‍बाला वोतुप तेरी कोन्‍छ्‍योकला तेपा कितुप मीतिवाला टिवु यिनो।

२ कोरिन्थी 1:19

च्‍यिलासिसिन सिलास ताङ तिमोथी ताङ ङे ख्‍यिराङला ख्‍याप्‍टाक क्‍यावु कोन्‍छ्‍योककी सेवु येशू ख्रीष्‍ट साङ पर्साला “यिन”, पर्साला “मिन” सिनी ताम्‍ङे ङ्‍यी कितुप मिन। यिने खो ति नरी “यिन” सिरुप तिराङ वे।

फिलिप्पी 1:1

टसी देलेक! दी यिकी ति ख्रीष्‍ट येशूकी थोक्‍ला शब्‍ज्‍यी कितुप ङ पावल ताङ तिमोथी नेसुर फिलिप्‍पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो।

फिलिप्पी 2:19

येशू ख्रीष्‍टकी नोवा वोसिन तिमोथीला ङमु राङ ख्‍यिरा ते तोङ्‍गुप्‍नो। तुक क्‍यासिन ख्‍यिरा लेन थोनी ङला गा लङ्‍गिवी।

कलस्सी 1:1

टसी देलेक! दी यिकी ति कोन्‍छ्‍योककी नोवा नेसुर ख्रीष्‍ट येशूकी लोमा छ्‍ये ङ पावल ताङ नुप तिमोथी नेसुर

१ थेसलोनिकी 1:1

टसी देलेक! पावल ताङ सिलास ताङ तिमोथी नेसुर पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेला वोतुप चर्चकी मीतिवाला दी यिकी ति टिवु यिनो। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ थेसलोनिकी 3:2

कोन्‍छ्‍योककी सुङ ख्‍याप्‍टाक कितुप दाक्‍पी नुप तिमोथीला ख्‍यिरा ते तङ्‍यिन। च्‍यिलासिसिन तीकी ख्‍यिराङला तेपा रम्‍बु क्‍यानी दे ज्‍यितुपला ताङ टोङ्‍गु तेरुपला ताङ

१ थेसलोनिकी 3:6

यिने तन्‍दा तिमोथी ख्‍यिरा तेसुर ङ्‍यिरा चाला वानी ख्‍यिरा तेपा ताङ ङ्‍यिङ्‍ज्‍ये क्‍यावु लेन ल्‍यामु ति ङ्‍यिराङला लाप्‍सुङ। तोजो तिराङ मिन, ख्‍यिरा ङ्‍यिराङला ङ्‍यिङ्‍ज्‍ये लानी नरी टेन्‍गिनोक। तमा ङ्‍यिरा ख्‍यिराङला ठेतुप नो क्‍यावु दोके ख्‍यिरा साङ ङ्‍यिराङला छासे ठेतुप नो क्‍या वे सिरुप ति तीकी ङ्‍यिराङला लाप्‍सुङ।

२ थेसलोनिकी 1:1

टसी देलेक! दी यिकी ति ङ पावलकी सिलास ताङ तिमोथी मुला राङ दाक्‍पी पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेकी चर्चकी मीतिवाला टिवु यिनो।

१ तिमोथी 1:18

ङे ङ्‍यिङ्‍ज्‍येवु आङ तिमोथी, गोमाला के कोन्‍छ्‍योककी लुङ्‍तेम्‍बातिवी ख्‍योरो थोक्‍ला नम्‍दर शेतुप ताम्‍ङे दोके ङ येलुङ क तेरिन। मक्‍मीतिवी ङाडेङ क्‍यानी थमु ग्‍यकुप दोके क्‍यानी चोवो कोन्‍छ्‍योककी थोक्‍ला लाका ल्‍यामु की।

१ तिमोथी 1:2

वुतुङ के तेपा कितुप आङ तिमोथीला टिवु यिनो। पपा कोन्‍छ्‍योक ताङ दाक्‍पी चोवो येशू ख्रीष्‍ट नेमा ख्‍युरुङला कटिन ताङ च्‍यम्‍बा ताङ लोदिमु वुङ्‍शी।

२ तिमोथी 1:2

आङ तिमोथीला दी यिकी ति टिवु यिनो। पपा कोन्‍छ्‍योक ताङ दाक्‍पी चोवो ख्रीष्‍ट येशू नेमा ख्‍युरुङला कटिन ताङ च्‍यम्‍बा ताङ लोदिमु वुङ्‍शी।

२ तिमोथी 1:5

ख्‍योरो सेम टेङ्‍बु क्‍यानी तेपा क्‍यावु ति ङला नासाम शर्किनोक। ती तेपा ति तोङ्‍ला ख्‍योरो गाका लोइसला ताङ ख्‍योरो आमा युनिसला साङ वे, तमा तन्‍दा ख्‍योरो मिजीला साङ वोतुप ति ङला तेन्‍तेन वे।

२ तिमोथी 3:11

एन्‍टिओखिया ताङ आइकोनियन ताङ लुस्‍त्राला ङे चो छेटाङ ताङ दुक्‍पा खुर्सुङ सिरुप ति ख्‍युरुङला साङ छ्‍या वे। ङला चो छेटाङतिवा ख्‍येल्‍सिनाङ ती तेरी छेटाङ नेसुर कोन्‍छ्‍योककी ङला र्‍होक्‍सुङ।

फिलेमोन 1:1

टसी देलेक! येशू ख्रीष्‍टकी थोक्‍ला चोन्‍खाङला शोरुप ङ पावल ताङ दाक्‍पी नुप तिमोथी नेसुर मुला राङ लाका कितुप दाक्‍पी ङ्‍यिङ्‍ज्‍येवु दाल्‍जा फिलेमोन ताङ

हिब्रू 13:23

ङ ख्‍यिराङला दी ताम्‍ङे ति हाक्‍को ज्‍यितिन, दाक्‍पी नुप तिमोथी साङ चोन्‍खाङ ने थेन वोतो। दोजो ती ङमु राङ वासिन ङ तीकी मुला ख्‍यिराङला ठेतुपला वुङ्‍गुप्‍नो।