लोमा छ्‍येतिवी लाका 15:2 - कोन्छ्‌योककी सुङ

² तुक क्‍यानी पावल ताङ बारनाबास यहूदी मिन्‍दुप मिरिक यम्‍बाकी मीतिवी साङ यहूदीतिवी दोके च्‍येतुप लुक्‍सु कि गोकिवी सिरुप कोर्ला ताम्‍ङे माडिक्‍नी च्‍यिककी च्‍यिकला लप्‍सिर ग्‍यक्‍टी चेसुङ। तमा तेकी तेपा कितुप मीतिवी पावल ताङ बारनाबास ताङ यम्‍बा तेपा कितुप मीतिवाला पेनी ती ताम्‍ङेकी केवुल कितुपला यरूशलेमला लोमा छ्‍येतिवा ताङ गोमा कितुप मी छ्‍येतिवी ते तोङ्‍सा क्‍यासुङ।

लोमा छ्‍येतिवी लाका 15:2 Iomraidhean Croise

लोमा छ्‍येतिवी लाका 10:23

ती ताम्‍ङे थोनी पत्रुसकी ती मीतिवाला गासो शुनी खोरो खाङ्‍बाला शासा दे च्‍यिसुङ। ती सला तीला कर्नेलियसकी तङ्‍गुप मिरा सुमतिवा ताङ मुला पत्रुस गाल्‍सुङ। तिवी मुला योप्‍पाकी यम्‍बा तेपा कितुप मीतिवा साङ गाल्‍सुङ।

लोमा छ्‍येतिवी लाका 11:12

तमा कोन्‍छ्‍योककी थु चाङ्‍माकी ङला ‘नाम्‍दोक माक्‍यानी तिवी मुला ग्‍युक!’ सिनी सुङ्‍सुङ। तेसुर तन्‍दा ङे मुला वोतुप योप्‍पा नेसुर वावु तेपा कितुप मिरा टुक साङ ङे मुला राङ कैसरियाला गलिन। तमा ती ङ्‍यिराङला कतोङ तोङ्‍गुप मी तीकी खाङ्‍बा टिम्‍बु राङ लेप्‍सुङ।

लोमा छ्‍येतिवी लाका 11:30

तमा तिवी दुवु टङ्‍गा ति बारनाबास ताङ शाऊलकी लक नेवा क्‍यानी यरूशलेमला वोतुप चर्चकी गोमा कितुप मी छ्‍येतिवाला कल्‍नी ताङ्‍सुङ।

लोमा छ्‍येतिवी लाका 15:25

ती तप्‍की ङ्‍यिराङ तेरी डिक्‍नी मी ललाइला पेनी तिवाला ङ्‍यिङ्‍ज्‍येवु बारनाबास ताङ पावलकी मुला ख्‍यिरा ते तङ्‍सिन ल्‍यामु गिते नोसुङ।

लोमा छ्‍येतिवी लाका 15:27

तमा ङ्‍यिरा यहूदा ताङ सिलासला साङ ख्‍यिरा ते तङ्‍गुप यिनो। तिवी ख्‍यिराङला ङ्‍यिरा यिकी टिन तङ्‍गुप ताम्‍ङेकी कोर्ला शेकितो।

लोमा छ्‍येतिवी लाका 15:4

तेसुर तिवा यरूशलेमला लेप्‍सिमा तेकी चर्चकी तेपा कितुपतिवा ताङ लोमा छ्‍येतिवा ताङ गोमा कितुप मी छ्‍येतिवी तिवाला गासो शुसुङ। तमा पावल ताङ बारनाबासकी कोन्‍छ्‍योककी तिवी मुला यहूदी मिन्‍दुप मिरिक यम्‍बातिवाला क्‍या नङ्‍गुप तेरी ताम्‍ङेकी शुवा ति तिवाला तेसुङ।

लोमा छ्‍येतिवी लाका 16:4

तमा तिवा ग्‍येसा ग्‍येसाला डोप पेला यरूशलेमकी लोमा छ्‍येतिवा ताङ यहूदी गोमा कितुप मी छ्‍येतिवी जोवु ठिम ति तिवाला बिन्‍नी ती ठिमला ल्‍यामो क्‍यानी यु सिनी तेकी तेपा कितुपतिवाला सिक्‍यासुङ।

लोमा छ्‍येतिवी लाका 21:18

ती सला तीला पावल ङ्‍यिराङ ताङ क्‍यानी याकूबकी खाङ्‍बा गलिन। ते यरूशलेम चर्चला गोमा कितुप मी छ्‍येतिवा साङ तेरी जोम्‍नोक।

१ कोरिन्‍थी 1:1

टसी देलेक! दी यिकी ति कोन्‍छ्‍योककी नोवा नेमा ख्रीष्‍ट येशूकी लोमा छ्‍ये च्‍युङ्‍गुपला खोकी कताङ नङ्‍गुप ङ पावल ताङ दाक्‍पी नुप सोस्‍थेनेसकी छ्‍योक नेसुर

२ कोरिन्थी 11:5

ती मीतिवा खोप्‍राङ ति चोछ्‍येवु लोमा छ्‍ये यिन सिनी सिवी, यिने ङ ति चेयी साङ ती मीतिवा सिनाङ छ्‍युङा मे।

गलाती 2:5

तुक क्‍यानी ख्‍यिराङ नरी ख्रीष्‍टकी टेङ्‍बु वोतुप लेन ल्‍यामुला देशी सिनी तिवी सिक्‍यावु ताम्‍ङेला उकुर च्‍यिक साङ ङ्‍यिरा माङ्‍येन।

यहूदा 1:3

ङे ङ्‍यिङ्‍ज्‍येवु अच्‍युनुपतिवा, दाक्‍पु तेरीला थोपुप थर्वाकी कोर्ला ङ ख्‍यिराङला टिकुपला छासे नो लासुङ। यिने त याङ कोन्‍छ्‍योककी खोरे मीतिवाला थेङ्‍मा च्‍यिक नङ्‍सिमा नरीकी नरी लुवु तेपा ति ख्‍यिरा छासे रम्‍बु क्‍यानी र्‍होक सिनी ङाडेङ तेरुपला ङे दी यिकी टिकुप ति ल्‍यामु यिन सिनी नोसुङ।