लोमा छ्‍येतिवी लाका 15:1 - कोन्छ्‌योककी सुङ

¹ ती पेला यहूदिया नेसुर मी ललाइ एन्‍टिओखियाला वानी तेकी तेपा कितुप मीतिवाला “मोशाकी ठिमला सिक्‍यावु दोके यहूदीतिवी च्‍येतुप लुक्‍सु माक्‍यासुङ सिसिन कोन्‍छ्‍योककी ख्‍यिराङला दिक्‍पा ने थर मिज्‍यिवी।” सिनी येन्‍देन बिन्‍सुङ।

लोमा छ्‍येतिवी लाका 15:1 Iomraidhean Croise

यूहन्‍ना 7:22

मोशाकी ख्‍यिराङला यहूदी च्‍येतुप लुक्‍सु कितुप ठिम बिन वे। वुतुङ के ती ठिम ति मोशाकी बिन्‍दुप मिन, यिने ख्‍यिरा पगावा हङ्‍गावातिवा नेसुर वावु यिन। तुक क्‍यानी ख्‍यिरा ङासोप ङ्‍यिमाला साङ ख्‍यिरा पुज्‍युङतिवाला यहूदी च्‍येतुप लुक्‍सु किनोक।

लोमा छ्‍येतिवी लाका 1:15

ती पेला ते तेपा कितुपतिवा मी मिरा सयी च्‍यिक ताङ खल ज्‍यिक चोयी जोम्‍नोक। तमा पत्रुसकी तिवी पर्ला टङी लानी सिक्‍यासुङ,

लोमा छ्‍येतिवी लाका 15:22

ती ज्‍युक्‍ला लोमा छ्‍येतिवा ताङ यहूदी गोमा कितुप मी छ्‍येतिवा ताङ तेपा कितुपतिवा तेरी डिक्‍नी तिवी पर नेमा ललाइ मीतिवाला पेनी पावल ताङ बारनाबासकी मुला एन्‍टिओखियाला तोङ्‍गुप नो क्‍यासुङ। तुक क्‍यानी तेपा कितुपतिवी पर नेमा बारसाबास सिरुप यहूदा ताङ सिलास मिरा ङ्‍यीला पेसुङ।

लोमा छ्‍येतिवी लाका 15:23

तमा तिवी लकला दुक सिनी यिकी ताङ्‍सुङ, “टसी देलेक, एन्‍टिओखिया ताङ सिरिया ताङ किलिकियाला वोतुप चोवोला तेपा कितुप यहूदी मिन्‍दुप मिरिक यम्‍बाकी अच्‍युनुपतिवाला दे वोतुप ख्‍यिरे अच्‍युनुप यिन्‍दुप लोमा छ्‍ये ताङ चर्चकी गोमा कितुप मी छ्‍येतिवी छ्‍योक नेसुर दी यिकी टिवु यिनो।

लोमा छ्‍येतिवी लाका 15:24

ङ्‍यिरा पर नेमा ललाइ मीतिवा ङ्‍यिराङला माटिवा क्‍यानी ख्‍यिरा ते गल्‍नी मेतुप ताम्‍ङेतिवा लाप्‍नी ख्‍यिराङला दुक्‍पा बिन्‍दुप ताङ सेम ना लङ्‍गुप ति ङ्‍यिरा हाक्‍कोसुङ।

लोमा छ्‍येतिवी लाका 15:3

तोङ्‍गुप पेला चर्चकी मीतिवी तिवाला ल्‍यामो क्‍यानी ताङ्‍सुङ। तमा तिवा यरूशलेम डोप पेला फोनिके ताङ सामरियाला लेप्‍सुङ। लेप्‍सिमा ते वोतुप तेपा कितुप मीतिवाला यहूदी मिन्‍दुप मिरिक यम्‍बाकी मीतिवी सेम ग्‍युर्नी कोन्‍छ्‍योकला तेपा क्‍यासुङ सिरुप ताम्‍ङे ति लाप्‍सुङ। तमा तेकी मीतिवा तेरी गा क्‍यासुङ।

लोमा छ्‍येतिवी लाका 15:32

तमा यहूदा ताङ सिलास साङ कोन्‍छ्‍योककी लुङ्‍तेम्‍बा यिन्‍दुप तप्‍की तेपा कितुप मीतिवाला कोन्‍छ्‍योककी सुङ नेमा टोङ्‍गु बिन्‍नी तिवाला तेपा रम्‍बु जोसुङ।

लोमा छ्‍येतिवी लाका 15:5

यिने तेपा क्‍यावु फरिसी छ्‍योक्‍पाकी मीतिवा ललाइकी लानी यहूदी मिन्‍दुप मिरिक यम्‍बातिवी साङ च्‍येतुप लुक्‍सु क्‍यानी मोशाकी ठिमला युक गोकिवी सिनी सिक्‍यासुङ।

लोमा छ्‍येतिवी लाका 21:20

ती थोसिमा तिवी कोन्‍छ्‍योकला सोवा तेक्‍नी पावलला सिक्‍यासुङ, “ओ नुप, ङ्‍येना! यहूदीतिवी पर्ला तेपा कितुपतिवा तोङ्‍डा च्‍यिथम्‍बा चोयी वे। तमा तिवा तेरी मोशाकी ठिम तेन्‍दुपला छासे ङाडेङ वे।

लोमा छ्‍येतिवी लाका 6:14

च्‍यिलासिसिन नासरतकी येशूकी दी दासाला ना तोङ्‍गिवी, तमा मोशाकी दाक्‍पुला बिन्‍दुप लुक्‍सुतिवा साङ पो गोकिवी सिनी तीकी सिक्‍यावु ति ङ्‍यिरा थोसुङ।”

गलाती 2:1

लो च्‍युप्‍ज्‍यी तिङ्‍ला बारनाबास ताङ तीतसला टिनी ङ येलुङ यरूशलेम गलिन।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

गलाती 6:12

खुरुङला टेङ्‍बु छ्‍या देन्‍दुप गा लङ्‍गुपतिवी ख्‍यिराङला यहूदी च्‍येतुप लुक्‍सु तेन गोकिवी सिवी। तीकी तेन्‍दोक ति तिवा येशू ख्रीष्‍टकी ग्‍यङ्‍शिङकी तेन्‍दोकला वुङ्‍गुप छेटाङ दुङल नेसुर र्‍होकुपकी थोक्‍ला यिन।

कलस्सी 2:16

तुक क्‍यानी सी साङ ख्‍यिराङला साप थुङ्‍गुप ताङ चाङ्‍मा वोतुप ङ्‍यिमा तेन्‍दुप ताङ छेवा च्‍यिक तेन्‍दुप ताङ ङासोप ङ्‍यिमा तेन्‍दुप ताम्‍ङेकी कोर्ला क्‍येन मग्‍यक्‍शी।

कलस्सी 2:8

ख्‍यिराङ च्‍याङ्‍से देता! सी साङ खोप्‍रे च्‍यु ताङ रिक्‍पा नेसुर जिनोक जोवु ताम्‍ङेतिवा लाप्‍नी ख्‍यिराङला मुलुशिता। तुका ताम्‍ङेतिवा ख्रीष्‍ट नेमा वावु मिन, यिने मीतिवी लुक्‍सु ताङ जम्‍बुलिङला वोतुप ङार नेसुर वावु यिन।