लोमा छ्‍येतिवी लाका 14:3 - कोन्छ्‌योककी सुङ

³ ती तप्‍की पावल ताङ बारनाबासकी ङाडेङ क्‍यानी चोवो येशूकी सुङ ख्‍याप्‍टाक कियी ङ्‍यिमा अलायी सेक ते राङ देसुङ। तमा चोवो येशूकी तिवाला हलेवु ततिवा ताङ येम्‍जेन लङ्‍गुप लाकातिवा कितुप ओङ नङ्‍नी तिवी ख्‍याप्‍टाक क्‍यावु सुङ ति टेङ्‍बु यिन सिनी पङ्‍बु छ्‍या तेन्‍सुङ।

लोमा छ्‍येतिवी लाका 14:3 Iomraidhean Croise

मर्कूस 16:20

ती ज्‍युक्‍ला लोमातिवा तेरी दासाला गल्‍नी लेन ल्‍यामु ख्‍याप्‍टाक क्‍यासुङ। चोवो तिवी मुला ज्‍युनी लाका क्‍या नाङ्‍सुङ, तमा तिवी क्‍यावु हलेवु ततिवा नेसुर खोकी सुङ्‍गुप सुङ ति टेङ्‍बु वे सिरुप ति हाक्‍को च्‍यिसुङ। आमिन।

यूहन्‍ना 4:48

तमा येशूकी तीला “ख्‍यिरा ततिवा ताङ हलेवु लाकातिवा माथोङा सेक्‍ला नाम्‍साङ तेपा मिकिवी।” सिनी सुङ्‍सुङ।

लोमा छ्‍येतिवी लाका 13:46

यिने पावल ताङ बारनाबासकी ङाडेङ क्‍यानी सिक्‍यासुङ, “कोन्‍छ्‍योककी सुङ ति थल्‍माला ख्‍यिराङ यहूदीतिवाला राङ ख्‍याप्‍टाक कि गोवु ति यिन्‍जा। यिने ख्‍यिरा दी सुङला माङ्‍येन्‍नी नाम्‍साङ मिशिवु मिजी ङ्‍ये छ्‍योवु मेतुप तप्‍की ङ्‍यिराङ यहूदी मिन्‍दुप मिरिक यम्‍बाकी मीतिवी ते डिवी।

लोमा छ्‍येतिवी लाका 2:22

ओ इस्राएलकी मीतिवा, ङे ताम्‍ङे ङ्‍येना! चोवो कोन्‍छ्‍योककी नासरतकी येशूला ख्‍यिरा चिप्‍ला तङ्‍नी ओङ छ्‍येवु लाकातिवा ताङ हलेवु लाकातिवा ताङ ततिवा छ्‍या तेन्‍सुङ। ती ताम्‍ङे याङ ख्‍यिराङला साङ छ्‍या राङ वोज्‍यिवी।

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

लोमा छ्‍येतिवी लाका 20:32

त याङ ङ ख्‍यिराङला कोन्‍छ्‍योककी लकला ज्‍योकिनो। कोन्‍छ्‍योककी कटिन वोतुप सुङगी ख्‍यिराङला र्‍होकिवी। तमा ती सुङगी राङ ख्‍यिराङला रम्‍बु जेवी। खोकी पेतुपतिवा तेरीला खोकी मोलाम नङ्‍गिवी।

लोमा छ्‍येतिवी लाका 4:31

तुक सिनी मोपोर क्‍यान सिन्‍सिमा तिवा देतुप दासाला सयी ग्‍यपुप दोके क्‍यानी योसुङ। तमा तिवा तेरी कोन्‍छ्‍योककी थु चाङ्‍माकी क्‍येङ्‍नी तिवी ङाडेङ क्‍यानी कोन्‍छ्‍योककी सुङ ख्‍याप्‍टाक क्‍यासुङ।

लोमा छ्‍येतिवी लाका 5:32

दीकी कोर्ला ङ्‍यिराङ तेरी पङ्‍बु वे। तमा कोन्‍छ्‍योककी सुङला युकुपतिवाला खोकी नङ्‍गुप थु चाङ्‍मा साङ दीकी कोर्ला पङ्‍बु वे।”

रोमी 1:16

ङ लेन ल्‍यामु ख्‍याप्‍टाक कितुपला सुला साङ ङोछा मिकी, च्‍यिलासिसिन कोन्‍छ्‍योककी लेन ल्‍यामु ति तेपा कितुपतिवा तेरीला दिक्‍पा ने थर ज्‍यितुप कोन्‍छ्‍योककी ओङ यिन। गोमाला यहूदीतिवी थोक्‍ला, तमा ज्‍युक्‍ला ति यहूदी मिन्‍दुप मिरिक यम्‍बाकी मीतिवी थोक्‍ला साङ यिन।

१ थेसलोनिकी 2:2

गोमाला ङ्‍यिराङ फिलिप्‍पीला वोतुप पेला छेटाङ खुरुप ताङ तेकी मीतिवी ङ्‍यिराङला ङ्‍यिङ्‍मर क्‍यावु ति ख्‍यिराङला छ्‍या वे। ङ्‍यिराङ थेसलोनिकेला वासिमा साङ तेकी मीतिवा ङ्‍यिरा तेन्‍दोकला लासुङ, यिन्‍सिनाङ कोन्‍छ्‍योककी ङ्‍यिराङला ङाडेङ नङ्‍गुप तप्‍की खोकी लेन ल्‍यामु ति ख्‍यिराङला ख्‍याप्‍टाक क्‍यायिन।

हिब्रू 2:4

दी थर्वा ति टेङ्‍बु यिन्‍दुप पङ्‍बु छ्‍या देन्‍दुपला कोन्‍छ्‍योककी साङ ततिवा छ्‍या देन्‍दुप ताङ हलेवु लाकातिवा ताङ नम्‍बा बङीकी ङार छ्‍येवु लाकातिवा क्‍या नाङ्‍सुङ। तमा खोकी नोवाला वोतुप दोके खोरे थु चाङ्‍माकी कटिनतिवा साङ नाङ्‍सुङ।