लोमा छ्‍येतिवी लाका 13:6 - कोन्छ्‌योककी सुङ

⁶ तमा तिवा तल्‍ग्‍येक साइप्रस गोम्‍नी पाफोस सिरुप ग्‍येसाला लेप्‍सुङ। ते बार येशू सिरुप जिम्‍डुल छ्‍या देन्‍दुप यहूदी लुङ्‍तेम्‍बा मेटेङ्‍बु यीला ठेसुङ।

लोमा छ्‍येतिवी लाका 13:6 Iomraidhean Croise

मत्ती 16:17

तमा येशूकी तीला सुङ्‍सुङ, “योनाकी पुज्‍युङ सिमोन, ख्‍युरुङला मोलाम थोपुप यिनो। दी ताम्‍ङे ख्‍युरुङला हाक्‍को च्‍यितुप ति मीकी क्‍यावु मिन, यिने देवाच्‍येनला ज्‍यु वोतुप ङे पपी क्‍यावु यिन।

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मत्ती 7:15

“लुङ्‍तेम्‍बा मेटेङ्‍बुतिवा नेसुर च्‍याङ्‍से देता। तिवा फिला ल्‍हासिन लुक दोके ल्‍यामु थोङ्‍गिवी, यिने सेम ति ज्‍यिवा लङ्‍गुप खटमु दोके गिवी।

मर्कूस 10:46

तमा येशू लोमातिवी मुला यरीहो ग्‍येसाला फेप्‍सुङ। खोतिवा मी मङ्‍मु ताङ मुला ती ग्‍येसा क्‍युर ज्‍याक्‍नी फेप्‍सालेन्‍सिन तिमैकी पुज्‍युङ बारतिमै सिरुप मिक मोथोङ्‍गुप ति लामला लोङ्‍यिन सिरा देन्‍नोक।

लोमा छ्‍येतिवी लाका 13:13

तमा पावल ताङ खोकी दाल्‍जातिवा पाफोस नेवा टुला जेनी पामफिलियाकी लुङ्‍बाला वोतुप पर्गा सिरुप दासाला लेप्‍सुङ। यिने यूहन्‍ना ति तिवी मु नेसुर केनी यरूशलेमला राङ लोक्‍सुङ।

लोमा छ्‍येतिवी लाका 13:8

यिने एलुमास सिरुप ती जिम्‍डुल छ्‍या देन्‍दुप मी ति बारनाबास ताङ शाऊलकी तेन्‍दोकला लानी सर्गियस पौलसला कोन्‍छ्‍योकला तेपा कि मिज्‍यिवु छाल्‍सुङ। एलुमासकी तेन्‍दोक ति ग्रीक ताम्‍ङेला जिम्‍डुल छ्‍या देन्‍दुप मी यिन।

२ कोरिन्थी 11:13

तुका मीतिवा ति लोमा छ्‍ये जुमा यिन। तिवी येन्‍देन मेटेङ्‍बु लोपुप लाका किवी। तिवा ति ख्रीष्‍टकी लोमा छ्‌ये दोके जोनी युकिवी।

२ तिमोथी 3:8

यान्‍नेस ताङ याम्‍ब्रेस मोशाकी तेन्‍दोकला लावु दोके ती मीतिवा साङ टेङ्‍बु वोतुप कोन्‍छ्‍योककी तेन्‍दोकला लङ्‍गिवी। तमा तिवी सेम ति मेलोक्‍पा गलुप ताङ तिवी क्‍यावु तेपा ति टेङ्‍बु मेतुप गिवी।

१ यूहन्‍ना 4:1

ङे ङ्‍यिङ्‍ज्‍येवुतिवा, थु चाङ्‍मा नेमा वावु ताम्‍ङे क्‍यासिन ख्‍यिराङ तिवा तेरीला तेपा माकी, यिने ती ति कोन्‍छ्‍योक नेमा वावु थु चाङ्‍मा यिनोक मिनोक सिनी हाक्‍कोवा की। च्‍यिलासिसिन लुङ्‍तेम्‍बा मेटेङ्‍बुतिवा बङी दी जम्‍बुलिङला थेन वोतो।

ज्‍यल्‍का 19:20

ते ती सेम्‍ज्‍येन ताङ तीकी दोङ्‍ला हलेवु ततिवा छ्‍या देन्‍दुप लुङ्‍तेम्‍बा मेटेङ्‍बु ङ्‍यिकरला जिम्‍सुङ। ती लुङ्‍तेम्‍बा तीकी हलेवु ततिवा छ्‍या तेन्‍नी मीतिवाला ती सेम्‍ज्‍येनकी लज्‍युर ग्‍यक ज्‍यितुप ताङ कुला तेन ज्‍यितुपला लुनोक। तुक क्‍यानी तिवा ङ्‍यिकरला सेन्‍बु राङ मे कशेन बरुप तुसोककी चो दोके वोतुप ते क्‍युर्सुङ।