लोमा छ्‍येतिवी लाका 13:51 - कोन्छ्‌योककी सुङ

⁵¹ यिने पावल ताङ बारनाबासकी खोप्‍राङ तेन्‍दोकला लङ्‍गुपतिवाला काङ्‍बी थला र्‍हुन ज्‍याक्‍नी आइकोनियनला गाल्‍सुङ।

लोमा छ्‍येतिवी लाका 13:51 Iomraidhean Croise

मत्ती 10:14

सी ख्‍यिराङला गासो मुशुवे याङ्‍ना ख्‍यिरा ख्‍याप्‍टाक क्‍यावु सुङ मेङ्‍येन्‍वे, ख्‍यिराङ ती खाङ्‍बा नेवा थेन डोप पेला ख्‍यिरा काङ्‍बाला कोवु थल्‍दुक ति र्‍हुनी ज्‍योक।

लोमा छ्‍येतिवी लाका 18:6

यिने यहूदीतिवा पावलकी तेन्‍दोकला लानी मर्च्या क्‍यासुङ। तमा पावलकी ख्‍युर ग्‍युर्नी तिवाला “ख्‍यिराङला कोन्‍छ्‍योक नेमा ख्‍येलुप पर्च्या ति ख्‍यिरा क्‍येन यिन, ङे ति मिन। त याङ ङ यहूदी मिन्‍दुप मिरिक यम्‍बाकी मीतिवी ते डोयी।” सिनी खोरो मज्‍यी लोकी थल्‍दुक र्‍हुन ज्‍याक्‍नी गाल्‍सुङ।

लूका 9:5

चुका दासाला मीतिवी ख्‍यिराङला गासो मुशुवे, ती ग्‍येसा नेवा थेन डोप पेला ख्‍यिरा काङ्‍बाला कोवु थल्‍दुक र्‍हुन ज्‍याक्‍नी तिवी तेन्‍दोकला पङ्‍बु बिन।”

लोमा छ्‍येतिवी लाका 14:21

तमा पावल ताङ बारनाबासकी डर्बीला साङ लेन ल्‍यामु ख्‍याप्‍टाक क्‍यानी येशूला तेपा कितुप लोमातिवा बङी जोसुङ। ती ज्‍युक्‍ला तिवा लुस्‍त्रा ताङ आइकोनियन ताङ एन्‍टिओखियाला लोक्‍सुङ।

लोमा छ्‍येतिवी लाका 14:19

ति ज्‍युक्‍ला ललाइ यहूदीतिवा एन्‍टिओखिया ताङ आइकोनियन नेसुर ते वानोक। तिवी मी माङ्‍छ्‍योकला चेन्‍नी पावलला दो थ्‍वोनी बेप च्‍यिसुङ, तमा पावल शिते यिन्‍दे नोनी ग्‍येसा ने पाङ्‍ला दररर टिनी गाल।

लोमा छ्‍येतिवी लाका 14:1

पावल ताङ बारनाबास नरी दोके क्‍यानी आइकोनियनला वोतुप यहूदी छ्‍योखाङला गल्‍नी कोन्‍छ्‍योककी सुङ ख्‍याप्‍टाक क्‍यासुङ। तिवी सुङ ख्‍याप्‍टाक क्‍यावु थोनी यहूदीतिवा ताङ यहूदी मिन्‍दुप मिरिक यम्‍बाकी मीतिवा बङीकी येशूला तेपा क्‍यासुङ।

मर्कूस 6:11

चुका युलला ख्‍यिराङला शासा मेतेर्वे, याङ्‍ना ख्‍यिरा सिक्‍यावु ताम्‍ङे मेङ्‍येन्‍सिन ती खाङ्‍बा नेसुर थेन डोप पेला तिवी ख्‍यिरा तेन्‍दोकला लावु पङ्‍बुकी थोक्‍ला ख्‍यिरे काङ्‍बी थला र्‍हु बिन।”

लोमा छ्‍येतिवी लाका 16:2

तमा लुस्‍त्रा ताङ आइकोनियनकी तेपा कितुपतिवी तिमोथीकी कोर्ला ताम्‍ङे ल्‍यामु किनोक।

२ तिमोथी 3:11

एन्‍टिओखिया ताङ आइकोनियन ताङ लुस्‍त्राला ङे चो छेटाङ ताङ दुक्‍पा खुर्सुङ सिरुप ति ख्‍युरुङला साङ छ्‍या वे। ङला चो छेटाङतिवा ख्‍येल्‍सिनाङ ती तेरी छेटाङ नेसुर कोन्‍छ्‍योककी ङला र्‍होक्‍सुङ।

लूका 10:11

‘ङ्‍यिरा काङ्‍बाला कोवु दी ग्‍येसाकी थल्‍दुक ति ख्‍यिरा तेन्‍दोकला र्‍हुनी ज्‍योकिन। यिने कोन्‍छ्‍योककी ग्‍येल्‍खाप चिप्‍ला राङ वा वे सिरुप ति ख्‍यिरा हाक्‍कोवा की।’ सिनी सी।