लोमा छ्‍येतिवी लाका 13:5 - कोन्छ्‌योककी सुङ

⁵ गल्‍सिमा तिवा सलामिस सिरुप ग्‍येसाला लेप्‍नी यहूदी छ्‍योखाङतिवी नाङ्‍ला कोन्‍छ्‍योककी सुङ ख्‍याप्‍टाक क्‍यासुङ। ती पेला तिवाला दाल्‍जा कितुपला यूहन्‍ना साङ तिवी मुला राङ नोक।

लोमा छ्‍येतिवी लाका 13:5 Iomraidhean Croise

मत्ती 20:26

यिने ख्‍यिरा पर्ला याङ तुकै मेङ्‍गिवी। बोरु सु ख्‍यिरा पर्ला छ्‍ये डोप नो किवे, ती ति ख्‍यिराङ तेरीला शब्‍ज्‍यी कितुप मी च्‍युङ गोकिवी।

लोमा छ्‍येतिवी लाका 12:12

पत्रुसकी दी ताम्‍ङे हाक्‍कोसिमा मर्कूस सिरुप यूहन्‍नाकी आमा मरियमकी खाङ्‍बा गाल्‍नोक। ती पेला ते मी बङी मोपोर कियी नोक।

लोमा छ्‍येतिवी लाका 12:25

तमा बारनाबास ताङ शाऊलकी कोन्‍छ्‍योककी क नङ्‍गुप लाकातिवा तेरी क्‍या सिन्‍सिमा मर्कूस सिरुप यूहन्‍नाला साङ मुला राङ टिनी यरूशलेम नेमा एन्‍टिओखियाला लोक्‍सुङ।

लोमा छ्‍येतिवी लाका 13:14

तिवा पर्गा नेसुर थेन्‍नी पिसिदियाकी एन्‍टिओखियाला वासुङ। तमा ङासोप ङ्‍यिमाला यहूदी छ्‍योखाङला गल्‍नी देसुङ।

लोमा छ्‍येतिवी लाका 13:46

यिने पावल ताङ बारनाबासकी ङाडेङ क्‍यानी सिक्‍यासुङ, “कोन्‍छ्‍योककी सुङ ति थल्‍माला ख्‍यिराङ यहूदीतिवाला राङ ख्‍याप्‍टाक कि गोवु ति यिन्‍जा। यिने ख्‍यिरा दी सुङला माङ्‍येन्‍नी नाम्‍साङ मिशिवु मिजी ङ्‍ये छ्‍योवु मेतुप तप्‍की ङ्‍यिराङ यहूदी मिन्‍दुप मिरिक यम्‍बाकी मीतिवी ते डिवी।

लोमा छ्‍येतिवी लाका 14:1

पावल ताङ बारनाबास नरी दोके क्‍यानी आइकोनियनला वोतुप यहूदी छ्‍योखाङला गल्‍नी कोन्‍छ्‍योककी सुङ ख्‍याप्‍टाक क्‍यासुङ। तिवी सुङ ख्‍याप्‍टाक क्‍यावु थोनी यहूदीतिवा ताङ यहूदी मिन्‍दुप मिरिक यम्‍बाकी मीतिवा बङीकी येशूला तेपा क्‍यासुङ।

लोमा छ्‍येतिवी लाका 15:37

ती पेला बारनाबासकी मर्कूस सिरुप यूहन्‍नाला साङ मुला राङ टिनी डोप नो क्‍यासुङ।

लोमा छ्‍येतिवी लाका 17:17

ती तप्‍की पावलकी यहूदीतिवा ताङ कोन्‍छ्‍योकला शब्‍ज्‍यी बुलुप यहूदी मिन्‍दुप मिरिक यम्‍बातिवी मुला छ्‍योखाङ नाङ्‍ला येशूकी कोर्ला केवुल क्‍यासुङ। तमा यम्‍बा मीतिवाला साङ हाला ठेनी ङ्‍यिमी टेङ केवुल क्‍यासुङ।

लोमा छ्‍येतिवी लाका 18:4

ङासोप ङ्‍यिमाला नरी पावल यहूदी छ्‍योखाङला गल्‍नी केवुल किनोक, तमा यहूदी ताङ ग्रीककी मीतिवाला ल्‍यामो क्‍यानी हाक्‍को ज्‍यितुप छाल्‍सुङ।

लोमा छ्‍येतिवी लाका 19:22

तमा खोरुङला दाल्‍जा कितुप तिमोथी ताङ इरास्‍तसला ति माकेडोनियाला ताङ्‍नी खोरुङ ति ङ्‍यिमा चेयी पर सेक एशिया लुङ्‍बाला देसुङ।

लोमा छ्‍येतिवी लाका 19:29

तुक क्‍यानी ती ग्‍येसा तेरीला छासे हराङ हुरुङ क्‍यासुङ। तेसुर तिवा ख च्‍यिक क्‍यानी माकेडोनिया नेसुर पावलकी मुला वावु पावलकी दाल्‍जा गायस ताङ अरिस्‍तार्खसला जिम्‍नी टियी सिरा मी बङी ल्‍हेर्मु ल्‍हाप दिङ्‍माला गाल्‍सुङ।

लोमा छ्‍येतिवी लाका 19:8

ती ज्‍युक्‍ला पावल यहूदी छ्‍योखाङला गल्‍नी ल सुम सेक ङाडेङ क्‍यानी मीतिवाला कोन्‍छ्‍योककी ग्‍येल्‍खापकी कोर्ला लाप्‍नी तिवाला तेपा कि ज्‍यितुप छाल्‍सुङ।

लोमा छ्‍येतिवी लाका 9:20

ते शार्क्येक तीकी येशू ति कोन्‍छ्‍योककी सेवु राङ यिन सिनी यहूदी छ्‍योखाङतिवी नाङ्‍ला ख्‍याप्‍टाक कितुप छाल्‍सुङ।

कलस्सी 4:10

ङ ताङ मुला राङ चोन्‍खाङला वोतुप अरिस्‍तार्खसकी साङ ख्‍यिराङला टसी देलेक सिनी तङ वोतो। तमा बारनाबासकी नुप मर्कूसकी साङ ख्‍यिराङला टसी देलेक सिनी तङ वोतो। ती मर्कूसकी कोर्ला गोमाला साङ ङे ख्‍यिराङला सिक्‍यायिनो। ती ख्‍यिरा ते वासिमा तीला ल्‍यामो क्‍यानी गासो शुसा।

२ तिमोथी 4:11

तसाम ङे मुला लूका तिराङ वोतो। ख्‍युरुङ वुङ्‍गुप पेला मर्कूसला छल्‍नी ख्‍योरो मुला राङ टिनी शोक। च्‍यिलासिसिन ती ति ङला दाल्‍जा कितुपला छासे फेन थोवु वोतो।