लोमा छ्‍येतिवी लाका 13:4 - कोन्छ्‌योककी सुङ

⁴ तमा कोन्‍छ्‍योककी थु चाङ्‍माकी तङ्‍गुप तप्‍की बारनाबास ताङ शाऊल ति मर सिलुकियाला गल्‍नी तेसुर टु जेनी ग्‍येम्‍छोकी पर्ला वोतुप साइप्रस सिरुप ग्‍येम्‍छो परकी स कम्‍बु च्‍यिकला गाल।

लोमा छ्‍येतिवी लाका 13:4 Iomraidhean Croise

लोमा छ्‍येतिवी लाका 11:19

तमा मीतिवी स्‍तिफनसला सेसिमा तेपा कितुप मीतिवाला साङ छेटाङ बिन्‍दुप तप्‍की तेपा कितुप मीतिवा यरूशलेम नेवा थरा थुरा गल्‍नी फोनिके ताङ साइप्रस ताङ सिरियाकी एन्‍टिओखिया लुङ्‍बा सेक लेप्‍सुङ। तमा तिवा ते राङ देनी यहूदीतिवाला तिराङ येशूकी कोर्ला सुङ ख्‍याप्‍टाक क्‍यासुङ।

लोमा छ्‍येतिवी लाका 13:2

तिवा कोन्‍छ्‍योकला सोवा तेक्‍नी ङ्‍युङ्‍ने र्‍हुङ्‍यिन कितुप पेला कोन्‍छ्‍योककी थु चाङ्‍माकी तिवाला सुङ्‍सुङ, “बारनाबास ताङ शाऊलला पेनी ज्‍योक! तिवा ति ङे थोक्‍ला लाका कितुपला कतङ्‍गुप यिन।”

लोमा छ्‍येतिवी लाका 13:3

ती तप्‍की तिवा येलुङ ङ्‍युङ्‍ने र्‍हुङ्‍गुप ताङ मोपोर क्‍यासिमा बारनाबास ताङ शाऊलकी खला लाक्‍पा ज्‍याक्‍नी मोपोर क्‍यानी ताङ्‍सुङ।

लोमा छ्‍येतिवी लाका 15:36

ङ्‍यिमा चेयी ज्‍युक्‍ला पावलकी बारनाबासला “दाक्‍पी गोमाला कोन्‍छ्‍योककी सुङ ख्‍याप्‍टाक क्‍यावु ग्‍येसातिवाला गल्‍नी ते वोतुप तेपा कितुप मीतिवा चुकै वोते ल्‍हा डोप।” सिनी सिक्‍यासुङ।

लोमा छ्‍येतिवी लाका 20:23

यिने ङला दोजो तिराङ छ्‍या वे, ङ चुका ग्‍येसाला गल्‍सिनाङ तिवी ङला छेटाङ दुङल बिन्‍नी चोन्‍खाङला उप्‍किवी सिनी कोन्‍छ्‍योककी थु चाङ्‍माकी ङला हाक्‍को च्‍यिसुङ।

लोमा छ्‍येतिवी लाका 27:4

तेसुर ङ्‍यिराङ येलुङ टुला जेनी गलिन। यिने लुङ कशेन ग्‍यपुप तप्‍की ग्‍येम्‍छो परकी स कम्‍बु वोतुप साइप्रसकी ग्‍यप ने क्‍यानी गलिन।

लोमा छ्‍येतिवी लाका 4:36

तिवी पर्ला साइप्रस लुङ्‍बाला क्‍येवु लेवी गिपाकी योसेफ सिरुप मी यी साङ नोक। तीला लोमातिवी बारनाबास साङ सिनोक। (बारनाबासकी तेन्‍दोक ति यम्‍बाला टोङ्‍गु तेरुप यिन।)