लोमा छ्‍येतिवी लाका 13:12 - कोन्छ्‌योककी सुङ

¹² ती थोङ्‍सिमा ती लुङ्‍बी ग्‍येला कितुप सर्गियस पौलस तीकी कोन्‍छ्‍योकला तेपा क्‍यासुङ। च्‍यिलासिसिन चोवो येशूकी येन्‍देन हाक्‍कोनी ती ति हलेवा लानोक।

लोमा छ्‍येतिवी लाका 13:12 Iomraidhean Croise

मत्ती 27:54

ती पेला रोमी मक्‍मी सयी च्‍यिककी खकी छ्‍ये ताङ तीकी मुला येशूला र्‍हेन्‍दुप मक्‍मीतिवी सयी ग्‍यकुप ताङ ते च्‍युङ्‍गुप ताम्‍ङेतिवा थोङ्‍सिमा छासे ज्‍यिवा कियी सिरा “वुतुङ के दी याङ कोन्‍छ्‍योककी सेवु राङ यिनोक।” सिनी सिक्‍यासुङ।

लूका 4:22

तमा मीतिवा तेरीकी खोला चिताङ क्‍यानी खोकी सुङ्‍गुप कटिन वोतुप सुङ थोनी हलेवा क्‍यानी, “दी याङ योसेफकी पुज्‍युङ मिन?” सिनी टिसुङ।

लूका 7:16

तमा मीतिवा तेरी ज्‍यिवा लानी कोन्‍छ्‍योकला सोवा देकिन सिरा “कोन्‍छ्‍योककी लुङ्‍तेम्‍बा छ्‍ये यी दाक्‍पी पर्ला छ्‍यार्सुङ। तमा कोन्‍छ्‍योक ति खोरो मीतिवाला र्‍होकुपला फेवु यिन।” सिनी सिक्‍यासुङ।

यूहन्‍ना 7:46

तमा तिवी “ती मी दोके ताम्‍ङे लपुप ति त सेक सु साङ मिन्‍दुक।” सिनी सिक्‍यासुङ।

लोमा छ्‍येतिवी लाका 13:48

ती थोसिमा यहूदी मिन्‍दुप मिरिक यम्‍बाकी मीतिवा गा लानी कोन्‍छ्‍योककी सुङगी थोक्‍ला सोवा तेक्‍सुङ। तमा नाम्‍साङ मिशिवु मिजी थोपुपला कोन्‍छ्‍योककी पेतुप मीतिवा तेरीकी तेपा क्‍यासुङ।

लोमा छ्‍येतिवी लाका 13:49

तुक क्‍यानी येशूकी सुङ ति फेलिन ताङ ओङ छ्‍येवु डोयी गाल्‍सुङ।

लोमा छ्‍येतिवी लाका 13:7

ती ति ती लुङ्‍बाला ग्‍येला कितुप सर्गियास पौलुस सिरुप मी छ्‍ये यीकी मुला देनी तीला शब्‍ज्‍यी किनोक। ती सर्गियास पौलस ति रिक्‍पा वोतुप मी यिनोक। तुक क्‍यानी तीकी बारनाबास ताङ शाऊलला कताङ्‍नी कोन्‍छ्‍योककी सुङ ङ्‍येन्‍दुप नो क्‍यानोक।

लोमा छ्‍येतिवी लाका 13:8

यिने एलुमास सिरुप ती जिम्‍डुल छ्‍या देन्‍दुप मी ति बारनाबास ताङ शाऊलकी तेन्‍दोकला लानी सर्गियस पौलसला कोन्‍छ्‍योकला तेपा कि मिज्‍यिवु छाल्‍सुङ। एलुमासकी तेन्‍दोक ति ग्रीक ताम्‍ङेला जिम्‍डुल छ्‍या देन्‍दुप मी यिन।

लोमा छ्‍येतिवी लाका 15:35

यिने पावल ताङ बारनाबास ति एन्‍टिओखियाला देनी मी यम्‍बा बङीकी मुला कोन्‍छ्‍योककी सुङ ख्‍याप्‍टाक कितुप ताङ मीतिवाला येन्‍देन बिन्‍सुङ।

लोमा छ्‍येतिवी लाका 15:36

ङ्‍यिमा चेयी ज्‍युक्‍ला पावलकी बारनाबासला “दाक्‍पी गोमाला कोन्‍छ्‍योककी सुङ ख्‍याप्‍टाक क्‍यावु ग्‍येसातिवाला गल्‍नी ते वोतुप तेपा कितुप मीतिवा चुकै वोते ल्‍हा डोप।” सिनी सिक्‍यासुङ।

लोमा छ्‍येतिवी लाका 18:12

तमा गलियोन ति अखैया लुङ्‍बा ओङ्‍ज्‍येन कितुप मी छ्‍ये वोतुप पेला यहूदीतिवा ख च्‍यिक क्‍यानी पावलकी तेन्‍दोकला लानी पावलला ठिम्‍खाङला टिन गल्‍सिमा

लोमा छ्‍येतिवी लाका 19:10

पावलकी तिवाला लो ङ्‍यी सेक लाप्‍सिमा ते एशियाला देतुप यहूदी ताङ ग्रीककी मीतिवा तेरीकी येशूकी सुङ ङ्‍येन्‍सुङ।

लोमा छ्‍येतिवी लाका 19:20

तुक क्‍यानी येशूकी सुङ ति मङ मङ टमिन ताङ ओङ छ्‍येवु डोयी गाल।

लोमा छ्‍येतिवी लाका 19:38

ती तप्‍की डेमेत्रियस ताङ तीकी कु जोप लाका कितुप मीतिवी सी तेन्‍दोकला सि गोवु ताम्‍ङे रे काङ रे वोसिन ठिम्‍खाङ साङ पेनी वे, ठिम कितुप मी साङ वे। ते गल्‍नी च्‍यिककी च्‍यिकला क्‍येन तेर थुप्‍किवी।

लोमा छ्‍येतिवी लाका 19:7

ते तिवा तो मिसिन मिरा च्‍यिङ्‍ङी चोयी नोक।

लोमा छ्‍येतिवी लाका 28:7

ते गारी गुरीला पब्‍लियस सिरुप ती ग्‍येम्‍छो परकी स कम्‍बुकी मी छ्‍येकी शिङ नोक। तीकी ङ्‍यिराङला गासो शुनी ङ्‍यिमा सुम सेक तीकी खाङ्‍बा समा बिन्‍सुङ।

लोमा छ्‍येतिवी लाका 6:10

यिने कोन्‍छ्‍योककी थु चाङ्‍माकी च्‍यु ताङ रिक्‍पा नेमा स्‍तिफनसकी ताम्‍ङे लापुप थोङ्‍सिमा तिवा सी साङ काङ सि माथुप।

लोमा छ्‍येतिवी लाका 8:25

तमा पत्रुस ताङ यूहन्‍ना कोन्‍छ्‍योककी सुङ ख्‍याप्‍टाक कियी ताङ पङ्‍बु तेरिन सिरा यरूशलेमला लोक्‍सुङ। लोकुप पेला तिवी सामरियाकी युल बङीला लेन ल्‍यामु ख्‍याप्‍टाक क्‍यासुङ।