लोमा छ्‍येतिवी लाका 12:9 - कोन्छ्‌योककी सुङ

⁹ तमा पत्रुस मज्‍या कोन्‍नी ती देवाच्‍येनकी थु तीकी तिङ तिङ्‍ला गाल्‍सुङ। यिने देवाच्‍येनकी थु तीकी क्‍यावु ति टेङ्‍बु यिन सिरुप ति तीकी हाक्‍माकोनी मिलाम दोके यिन सिनी नोक्‍यानोक।

लोमा छ्‍येतिवी लाका 12:9 Iomraidhean Croise

हिब्रू 11:8

तेपा नेसुर राङ अब्राहामला कोन्‍छ्‍योककी कताङ नङ्‍गुप पेला तीकी खोकी सुङला ङ्‍येन्‍नी खुरुङ कनी डोयी वे सिरुप ति छ्‍या मेसिनाङ खोकी ग्‍युक सिनी सुङ्‍गुप दासाला गाल्‍सुङ। ती दासा ति कोन्‍छ्‍योककी ज्‍युक्‍ला तीला तेरिन सिनी थाक्‍छ्‍येतुप दासा यिन।

लोमा छ्‍येतिवी लाका 26:19

ती तप्‍की ओ ग्‍येल्‍वु अग्रिपास, देवाच्‍येन नेमा सुङ्‍गुप ताम्‍ङेला ङे ङ्‍येनिन।

लोमा छ्‍येतिवी लाका 10:3

ङ्‍यिम्‍ज्‍यिक गोसे छ्‍युजी सुम चोयीला ज्‍यल्‍काला कोन्‍छ्‍योककी लेन क्‍योलुप थु यी खोरो चाला वुङ्‍गुप ति कर्नेलियसकी ल्‍यामो क्‍यानी थोङ्‍सुङ। तमा ती लेन क्‍योलुप थु तीकी कर्नेलियसला “ओ कर्नेलियस!” सिनी कताङ्‍सुङ।

लोमा छ्‍येतिवी लाका 11:5

“ङ योप्‍पा ग्‍येसाला मोपोर कियी वोतुप पेला ज्‍यल्‍का थोप्‍नी सुर सुरला टावु च्‍यादार दोके नाम नेमा ङे चाला पापिन वोतुप ति ङे थोङ्‍सुङ।

लोमा छ्‍येतिवी लाका 10:17

तमा खोरो थोङ्‍गुप तेन्‍दोक ति काङ यिनाङ सिनी पत्रुसकी सेम ख्‍यला ख्‍यिला गाल। ती पेला राङ कर्नेलियसकी तङ्‍गुप मीतिवा सिमोन पत्रुस देतुप खाङ्‍बा च च्‍येयी सिरा ती खाङ्‍बी गोला थेन्‍सुङ।

लोमा छ्‍येतिवी लाका 9:10

ती पेला दमस्‍कसला हननिया सिरुप येशूला तेपा कितुप मी मिरा च्‍यिक नोक। चोवोकी तीला ज्‍यल्‍का थोप्‍नी “ओ हननिया!” सिनी कताङ्‍सुङ। तमा तीकी “ला चोवो, ङ दे राङ वे।” सिनी सिक्‍यासुङ।

यूहन्‍ना 2:5

ती ज्‍युक्‍ला येशूकी आमा तीकी तेकी लावातिवाला “खोकी ख्‍यिराङला काङ सुङ्‍गिवे, तुकै राङ किसा।” सिनी सिक्‍यासुङ।

लोमा छ्‍येतिवी लाका 12:8

तमा ती देवाच्‍येनकी लेन क्‍योलुप थु तीकी पत्रुसला “मज्‍या ताङ काचा कोन!” सिनी सिक्‍यासुङ। तीकी सिक्‍यावु दोके पत्रुसकी क्‍यासुङ। लोङ देवाच्‍येनकी थु तीकी पत्रुसला “खयिटो यालुक ग्‍यप्‍नी ङे तिङ्‍ला शोक!” सिनी सिक्‍यासुङ।