लोमा छ्‍येतिवी लाका 12:5 - कोन्छ्‌योककी सुङ

⁵ पत्रुस चोन्‍खाङला वोतुप पेला चर्चकी मीतिवा तेरीकी तीकी थोक्‍ला कोन्‍छ्‍योकला मोपोर क्‍यासुङ।

लोमा छ्‍येतिवी लाका 12:5 Iomraidhean Croise

मत्ती 18:19

येलुङ ङ ख्‍यिराङला सिरिन, जम्‍बुलिङला ख्‍यिराङ मिरा ङ्‍यी सेम थिन्‍नी काङ लाङ्‍सिनाङ देवाच्‍येनला ज्‍यु वोतुप ङे पपी ख्‍यिरा थोक्‍ला च्‍युङ ज्‍यिकिवी।

लूका 18:1

ती ज्‍युक्‍ला येशूकी खोरो लोमातिवाला नरी मोपोर कि गोकिवी, तमा यी छ्‍येता कितुप मेङ्‍गिवी सिरुप कोर्ला खोकी दुका पे यी सुङ्‍सुङ,

लोमा छ्‍येतिवी लाका 12:12

पत्रुसकी दी ताम्‍ङे हाक्‍कोसिमा मर्कूस सिरुप यूहन्‍नाकी आमा मरियमकी खाङ्‍बा गाल्‍नोक। ती पेला ते मी बङी मोपोर कियी नोक।

लोमा छ्‍येतिवी लाका 12:4

तीकी पत्रुसला जिम्‍नी चोन्‍खाङला उप्‍सिमा मक्‍मी मिरा ज्‍यी ज्‍यीकी छो ज्‍यी जोनी गोर्मा ताङ्‍नी र्‍हेन्‍दुपला ज्‍याक्‍सुङ, तमा खमीर मालुकुप शुब्‍ज्‍याङ साप तुछ्‍येन सिन्‍सिमा लुङ्‍बाकी मीतिवी चिप्‍ला टि वानी ठिम कितुप नो क्‍यानोक।

लोमा छ्‍येतिवी लाका 12:6

तमा ग्‍येल्‍वु हेरोदकी पत्रुसला ठिम तोङ्‍गुपला चोन्‍खाङ नेमा पाङ्‍ला टि वुङ्‍गुप गोमी नुपला पत्रुसला च्‍याटोक ङ्‍यी ग्‍यप्‍नी लाक्‍पा यावी थाकाला मक्‍मी मिरा च्‍यिक, येन्‍बी थाकाला मक्‍मी मिरा च्‍यिककी च्‍याटोकला जिम्‍सुङ। ती पेला पत्रुस ति ङ्‍यिलोक्‍नी नोक। तमा चोन्‍खाङकी गोला साङ मक्‍मीतिवी र्‍हेन्‍दुपला देनोक।

१ कोरिन्‍थी 12:26

दोजो जुकी येन्‍लक च्‍यिकला दुक्‍पा ख्‍येल्‍सिन यम्‍बा तेरी येन्‍लकतिवी साङ दुक्‍पा खुर गोकिवी। तमा येन्‍लक च्‍यिकला ताङ्‍देन च्‍युङ्‍सिन यम्‍बा येन्‍लकतिवा तेरीला गा लङ्‍गिवी।

२ कोरिन्थी 1:11

तीकी थोक्‍ला ख्‍यिरा ङ्‍यिराङला मोपोर क्‍यानी दाल्‍जा किटे किसा। तुक क्‍यासिन ख्‍यिराङ बङीकी क्‍यावु मोपोर नेसुर कोन्‍छ्‍योककी ङ्‍यिराङला मोलाम नङ्‍गुप तप्‍की मी बङीकी कोन्‍छ्‍योकला थुचिछे बुल्‍गिवी।

१ थेसलोनिकी 5:17

नरी मोपोर क्‍यानी देता।

हिब्रू 13:3

ख्‍यिराङ खुरुङ साङ चोन्‍खाङला वोतुप दोके नासाम तङ्‍नी चोन्‍खाङला शोरुप तिवाला ङ्‍याम किसा। तमा मीतिवी पाङ्‍शर तङ्‍गुपतिवाला साङ नासाम तोङ, च्‍यिलासिसिन ख्‍यिराङ साङ जुला राङ वे।

याकूब 5:16

ती तप्‍की ख्‍यिराङ च्‍यिककी च्‍यिकला ङे दिक्‍पा क्‍यावु यिन सिनी सेम ग्‍युर, तमा च्‍यिककी च्‍यिकला मोपोर की। तुक क्‍यासिन चोवोकी ख्‍यिराङला टेक ज्‍यिकिवी। च्‍यिलासिसिन कोन्‍छ्‍योककी थोङ्‍दाङला टेङ्‍बु वोतुप मीतिवी क्‍यावु मोपोर ति ङार छ्‍येवु गिवी।