लोमा छ्‍येतिवी लाका 12:4 - कोन्छ्‌योककी सुङ

⁴ तीकी पत्रुसला जिम्‍नी चोन्‍खाङला उप्‍सिमा मक्‍मी मिरा ज्‍यी ज्‍यीकी छो ज्‍यी जोनी गोर्मा ताङ्‍नी र्‍हेन्‍दुपला ज्‍याक्‍सुङ, तमा खमीर मालुकुप शुब्‍ज्‍याङ साप तुछ्‍येन सिन्‍सिमा लुङ्‍बाकी मीतिवी चिप्‍ला टि वानी ठिम कितुप नो क्‍यानोक।

लोमा छ्‍येतिवी लाका 12:4 Iomraidhean Croise

मत्ती 24:9

ती पेला मीतिवी ख्‍यिराङला जिम्‍नी छेटाङ तेरुपतिवी लकला चेक तेनी सेकितो। तमा ख्‍यिरा ङला तेपा क्‍यावु तप्‍की तेरी मिरिककी मीतिवी ख्‍यिराङला ङ्‍यिङ्‍मर किवितो।

मत्ती 26:5

यिने तिवी “ती तुछ्‍येनला ति माकी, तुक क्‍यासिन मीतिवा हराङ हुरुङ किते यिन्‍दे।” सिनी सिक्‍यासुङ।

मर्कूस 14:1

तमा यहूदी थरुप तुछ्‍येन ताङ खमीर मालुकुप शुब्‍ज्‍याङ साप तुछ्‍येन वुङ्‍गुपला ङ्‍यिमा ङ्‍यी लुनी नोक। ती पेला कोङ्‍यार छ्‍येतिवा ताङ यहूदी छ्‍योकी गेकेनतिवी चुक क्‍यानी येशूला जिम्‍नी सेतुप सिनी खोप्‍रे नाङ्‍ला च्‍यु ल्‍हयी नोक।

लूका 21:12

यिने दी तेरी ताम्‍ङेतिवा च्‍युङ्‍गुप सिनाङ गोमाला मीतिवी ख्‍यिराङला जिम्‍गितो, छेटाङ तेर्कितो, तमा ख्‍यिराङला यहूदी छ्‍योखाङ ताङ चोन्‍खाङला चेक तेकितो। तमा ख्‍यिरा ङला तेपा क्‍यावु तप्‍की तिवी ख्‍यिराङला ग्‍येल्‍वुतिवा ताङ रोमी ग्‍येला कितुप मी छ्‍येतिवी चिप्‍ला क्‍योल्‍गितो।

लूका 22:33

तमा पत्रुसकी सिक्‍यासुङ, “ओ चोवो, ङ याङ चोन्‍खाङला डो गोसिनाङ, शेप ते डो गोसिनाङ, चोवो ताङ मुला डोप टडिक वे।”

यूहन्‍ना 19:23

मक्‍मीतिवी येशूला ग्‍यङ्‍शिङ लोला कल्‍सिमा खोकी नम्‍सा ति छो ज्‍यी जोनी रे रेला गोसुङ। खोकी नुम्‍बुप यम्‍बा नम्‍सा रिङ्‍बु ति यायु नेमा ज्‍युनी मामु सेक माचेम्‍बा क्‍यानी ल्‍हावु नोक।

यूहन्‍ना 21:18

वुतुङ के ङ ख्‍युरुङला सिरिन, ख्‍युरुङ ज्‍येन्‍दा वोतुप पेला याङ ख्‍योरो करा ख्‍योरो राङ च्‍यिनी ख्‍युरुङ कनी डोयी दे लङ्‍गिवे, ते राङ गाल्‍सुङ। यिने ख्‍युरुङ गावा गल्‍सिमा ख्‍योरो लाक्‍पा क्‍योङ्‍गितो, तमा मी यम्‍बी राङ ख्‍योरो करा च्‍यि बिन्‍नी ख्‍युरुङ डोयी मेदेवु दासाला टिनी डितो।”

लोमा छ्‍येतिवी लाका 12:3

तुक क्‍यासिमा यहूदीतिवा गा क्‍यावु थोङ्‍नी तीकी पत्रुसला साङ जिम्‍सुङ। ती पेला ति खमीर मालुकुप शुब्‍ज्‍याङ साप तुछ्‍येनला यिन्‍नोक।

लोमा छ्‍येतिवी लाका 12:5

पत्रुस चोन्‍खाङला वोतुप पेला चर्चकी मीतिवा तेरीकी तीकी थोक्‍ला कोन्‍छ्‍योकला मोपोर क्‍यासुङ।

लोमा छ्‍येतिवी लाका 4:28

तिवी काङ क्‍यावु ति कोन्‍छ्‍योककी तोङ नेज्‍युनी वोतुप नोवाला राङ तेरी क्‍यावु यिन।

लोमा छ्‍येतिवी लाका 4:3

तमा तिवी पत्रुस ताङ यूहन्‍नाला जिम्‍नी ती सला टोपला सेक चोन्‍खाङला उम ज्‍याक्‍सुङ। च्‍यिलासिसिन ती छेर्मु नाम ल्‍होनोक।

लोमा छ्‍येतिवी लाका 5:18

तमा तिवाला जिम्‍नी चोन्‍खाङला उप्‍सुङ।

लोमा छ्‍येतिवी लाका 8:3

यिने शाऊलकी ते वोतुप चर्चतिवा ना तोङ्‍गुप छाल्‍सुङ। तमा खाङ्‍बा खाङ्‍बाला शुनी तेपा कितुप ख्‍योक्‍पेजा ताङ पुम्‍पेजातिवा तेरीला टिनी वुङ्‍यिन ताङ चोन्‍खाङला उपिन क्‍यासुङ।