लोमा छ्‍येतिवी लाका 12:3 - कोन्छ्‌योककी सुङ

³ तुक क्‍यासिमा यहूदीतिवा गा क्‍यावु थोङ्‍नी तीकी पत्रुसला साङ जिम्‍सुङ। ती पेला ति खमीर मालुकुप शुब्‍ज्‍याङ साप तुछ्‍येनला यिन्‍नोक।

लोमा छ्‍येतिवी लाका 12:3 Iomraidhean Croise

मत्ती 26:17

खमीर मालुकुप शुब्‍ज्‍याङ साप तुछ्‍येनकी ङ्‍यिमा तोङ्‍ला लोमातिवा येशूकी चाला वानी, “चोवोकी थोक्‍ला यहूदी थरुप तुछ्‍येनकी डेन सापला ङ्‍यिराङ कनी टडिक कितुप?” सिनी खोला टिसुङ।

यूहन्‍ना 12:43

तिवा कोन्‍छ्‍योक नेमा वुङ्‍गुप मोवा छोलुप सिनाङ मीतिवी खोप्‍राङला ताङ्देन क्‍यावु ति मङ गा किनोक।

यूहन्‍ना 19:11

तमा येशूकी पिलातसला “दोजो कोन्‍छ्‍योककी दुक कितुप ओङ ख्‍युरुङला मानाङ्‍सुङ सिसिन ख्‍योरो ङला काङ साङ कि मुथुपुप्‍जा। तुक क्‍यानी ङला ख्‍योरो लकला चेक तेतुप मी तीला मङ दिक्‍पाकी क्‍येन फोकिवी।” सिनी सुङ्‍सुङ।

यूहन्‍ना 21:18

वुतुङ के ङ ख्‍युरुङला सिरिन, ख्‍युरुङ ज्‍येन्‍दा वोतुप पेला याङ ख्‍योरो करा ख्‍योरो राङ च्‍यिनी ख्‍युरुङ कनी डोयी दे लङ्‍गिवे, ते राङ गाल्‍सुङ। यिने ख्‍युरुङ गावा गल्‍सिमा ख्‍योरो लाक्‍पा क्‍योङ्‍गितो, तमा मी यम्‍बी राङ ख्‍योरो करा च्‍यि बिन्‍नी ख्‍युरुङ डोयी मेदेवु दासाला टिनी डितो।”

लोमा छ्‍येतिवी लाका 12:4

तीकी पत्रुसला जिम्‍नी चोन्‍खाङला उप्‍सिमा मक्‍मी मिरा ज्‍यी ज्‍यीकी छो ज्‍यी जोनी गोर्मा ताङ्‍नी र्‍हेन्‍दुपला ज्‍याक्‍सुङ, तमा खमीर मालुकुप शुब्‍ज्‍याङ साप तुछ्‍येन सिन्‍सिमा लुङ्‍बाकी मीतिवी चिप्‍ला टि वानी ठिम कितुप नो क्‍यानोक।

लोमा छ्‍येतिवी लाका 2:14

तमा पत्रुसकी लोमा छ्‍ये मिरा च्‍युच्‍यिक ताङ मुला खोक लानी थोर ग्‍यकिन सिरा तिवाला सिक्‍यासुङ, “ओ यहूदिया ताङ यरूशलेमला देतुप मीतिवा, ङे सिक्‍यावु ताम्‍ङे ङ्‍येन्‍नी हाक्‍कोवा की!

लोमा छ्‍येतिवी लाका 20:6

ङ्‍यिराङ ति खमीर मालुकुप शुब्‍ज्‍याङ साप तुछ्‍येन सिन्‍सिमा फिलिप्‍पी नेवा टुला जेनी गलिन। तमा ङ्‍यिमा ङकी छेर्मु त्रोआसला तिवी चाला लेप्‍सुङ। ते लेप्‍सिमा ङ्‍यिमा दिन सेक तिवी मुला राङ देतिन।

लोमा छ्‍येतिवी लाका 24:27

यिने लो ङ्‍यी ज्‍युक्‍ला फेलिक्‍सकी छापला पर्किअस फेस्‍तस ओङ्‍ज्‍येन कितुपला वासुङ। ती पेला फेलिक्‍सकी यहूदीतिवाला गा लोङ्‍गुपला पावलला चोन्‍खाङला राङ उम ज्‍याक्‍नी गाल्‍सुङ।

लोमा छ्‍येतिवी लाका 25:9

यिने फेस्‍तसकी यहूदीतिवाला गा लोङ्‍गुपला पावलला दुक सिक्‍यासुङ, “काङ ख्‍युरुङ यरूशलेमला गल्‍नी ते ङे चिप्‍ला दी ताम्‍ङेकी कोर्ला ठिम किशी सिनी नोकिवी?”

लोमा छ्‍येतिवी लाका 4:13

पत्रुस ताङ यूहन्‍ना काङ साङ मालापुप ताङ येन्‍देन मेतुप यिन्‍सिनाङ तुका ङाडेङ वोतुप थोङ्‍नी ते वावु मीतिवा हलेवा क्‍यासुङ। तमा पत्रुस ताङ यूहन्‍ना येशूकी मुला युकुप मी यिन सिरुप ति तिवी हाक्‍कोसुङ।

गलाती 1:10

त ङे सिक्‍यावु ताम्‍ङे ति मीला गा लोङ्‍गुपला यिनाङ की, कोन्‍छ्‍योकला गा लोङ्‍गुपला यिन? याङ्‍ना ङ मीतिवा नेसुर ताङ्‍देन छोलुपला यिन? ङे तरोङ साङ मीतिवा नेसुर ताङ्‍देन छोलुप लाका क्‍यासुङ सिसिन ङ ख्रीष्‍टला शब्‍ज्‍यी कितुप लावा मिन।

१ थेसलोनिकी 2:4

यिने कोन्‍छ्‍योककी ङ्‍यिराङला लो तेन्‍नी लेन ल्‍यामु ख्‍याप्‍टाक कि च्‍यिसुङ। ङ्‍यिरा ख्‍याप्‍टाक क्‍यावु लेन ल्‍यामु ति मीला गा लोङ्‍गुपला मिन, यिने दाक्‍पी सेम ल्‍हाप कोन्‍छ्‍योकला गा लोङ्‍गुपला यिन।