लोमा छ्‍येतिवी लाका 12:10 - कोन्छ्‌योककी सुङ

¹⁰ तिवा र्‍हेन्‍दुपला देतुप दासा तङ्‍बु ताङ ङ्‍यिवाकी मक्‍मीतिवी हाक्‍माकोवा क्‍यानी थेन्‍नी चोन्‍खाङ नेसुर ग्‍येसाला डोप च्‍याकी गोला लेप्‍सिमा ती गो ति खोरुङ राङ पेसुङ। तिवा तेसुर थेन्‍नी लाम यम्‍बाला डोयी कितुप पेला ती देवाच्‍येनकी लेन क्‍योलुप थु तीकी पत्रुसला क्‍युर्नी ज्‍याक्‍सुङ।

लोमा छ्‍येतिवी लाका 12:10 Iomraidhean Croise

यूहन्‍ना 20:19

ती जा ङ्‍यिमी गोमु राङ लोमातिवा मुला जोम्‍नी गो च्‍येनी देनोक, च्‍यिलासिसिन तिवा यहूदी गोमा कितुप छ्‍येतिवाला ज्‍यिवा क्‍यासुङ। ती पेला राङ येशू फेप्‍नी तिवी पर्ला शेङ्‍नी, “ख्‍यिराङला लोदिमु वुङ्‍शी।” सिनी सुङ्‍सुङ।

यूहन्‍ना 20:26

दिन्‍जा च्‍यिक तिङ्‍ला येलुङ लोमातिवा खाङ्‍बी नाङ्‍ला जोम्‍नोक, ती पेला थोमा साङ तिवी मुला राङ नोक। तिवा गो च्‍येनी देन्‍नोक, यिने येशू फेप्‍नी तिवी पर्ला शेङ्‍नी तिवाला “ख्‍यिराङला लोदिमु वुङ्‍शी।” सिनी सुङ्‍सुङ।

लोमा छ्‍येतिवी लाका 12:4

तीकी पत्रुसला जिम्‍नी चोन्‍खाङला उप्‍सिमा मक्‍मी मिरा ज्‍यी ज्‍यीकी छो ज्‍यी जोनी गोर्मा ताङ्‍नी र्‍हेन्‍दुपला ज्‍याक्‍सुङ, तमा खमीर मालुकुप शुब्‍ज्‍याङ साप तुछ्‍येन सिन्‍सिमा लुङ्‍बाकी मीतिवी चिप्‍ला टि वानी ठिम कितुप नो क्‍यानोक।

लोमा छ्‍येतिवी लाका 16:26

ती पेला राङ शार्क्येक सयी ग्‍येर्पु यी ग्‍यप्‍सिमा चोन्‍खाङकी डम्‍ज्‍यीतिवा योसुङ। तमा चोन्‍खाङकी गोतिवा पेनी तिवाला ग्‍यपुप च्‍याटोकतिवा टोल्‍सुङ।

लोमा छ्‍येतिवी लाका 5:19

यिने नुपला कोन्‍छ्‍योककी लेन क्‍योलुप थु यी वानी चोन्‍खाङकी गो ति पेसिमा तिवाला पाङ्‍ला टि वानी सिक्‍यासुङ,

ज्‍यल्‍का 3:7

“फिलाडेल्‍फियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘चाङ्‍मा ताङ टेङ्‍बु वोतुप तीकी सुङ्‍गुप यिन। तीकी लोला दाऊदकी ग्‍येसाकी गो बेतुप लिमी वे। सी साङ तीकी पेतुप गो ति च्‍ये मुथुपी, याङ्‍ना सी साङ तीकी च्‍येतुप गो ति बे मुथुपी।