लोमा छ्‍येतिवी लाका 11:6 - कोन्छ्‌योककी सुङ

⁶ तमा ती नाङ्‍ला ङे ल्‍यामो क्‍यान ल्‍हासिन के ते याङ जम्‍बुलिङकी ठेक्‍पा ज्‍यी चुनी युकुप सेम्‍ज्‍येनतिवा ताङ जु टिनी युकुप बु ताङ नामगी च्‍यच्‍युमतिवा नोक।

लोमा छ्‍येतिवी लाका 11:6 Iomraidhean Croise

मर्कूस 8:25

येलुङ येशूकी तीकी मिकला छ्‍याक ज्‍याक्‍सुङ। तमा तीकी ल्‍यामु क्‍यानी ल्‍हाप छाल्‍सिमा तीकी मिक ति येलुङ थोङ थुपुप गल्‍नी तेरी च्‍यालकतिवा ठछ्‍येली थोङ्‍गुप गाल्‍सुङ।

लूका 4:20

ती ज्‍युक्‍ला येशूकी ती थेप ति टिल्‍नी ते शब्‍ज्‍यी कितुप मीला तेनी खो ति ज्‍युसुङ। तमा यहूदी छ्‍योखाङ नाङ्‍ला वोतुपतिवा तेरीकी खोला छ्‍योर छ्‍योर्मे ल्‍हासुङ।

लोमा छ्‍येतिवी लाका 10:12

ती च्‍यादार खला जम्‍बुलिङकी नम्‍बा कुतुक कुतुक ठेक्‍पा ज्‍यी चुनी युकुप सेम्‍ज्‍येन ताङ जु टिनी युकुप बु ताङ नामला फुरुप च्‍यच्‍युमतिवा तेरी नोक।

लोमा छ्‍येतिवी लाका 11:5

“ङ योप्‍पा ग्‍येसाला मोपोर कियी वोतुप पेला ज्‍यल्‍का थोप्‍नी सुर सुरला टावु च्‍यादार दोके नाम नेमा ङे चाला पापिन वोतुप ति ङे थोङ्‍सुङ।

लोमा छ्‍येतिवी लाका 11:7

तमा ङला ‘ओ पत्रुस, दिवाला सेनी सो!’ सिरुप वोरु यी ङे थोसुङ।

लोमा छ्‍येतिवी लाका 3:4

तमा पत्रुस ताङ यूहन्‍नाकी तीला ल्‍यामो क्‍या ल्‍हानी पत्रुसकी “ङ्‍यिरा थाकाला ल्हो ताङ!” सिनी सिक्‍यासुङ।