लोमा छ्‍येतिवी लाका 11:5 - कोन्छ्‌योककी सुङ

⁵ “ङ योप्‍पा ग्‍येसाला मोपोर कियी वोतुप पेला ज्‍यल्‍का थोप्‍नी सुर सुरला टावु च्‍यादार दोके नाम नेमा ङे चाला पापिन वोतुप ति ङे थोङ्‍सुङ।

लोमा छ्‍येतिवी लाका 11:5 Iomraidhean Croise

लोमा छ्‍येतिवी लाका 22:17

ती तिङ्‍ला ङ यरूशलेमला लोङ वासिमा ङ ल्‍हङाङ नाङ्‍ला मोपोर क्‍यान देतुप पेला चोवोकी ङला ‘ङमु क्‍यानी यरूशलेम नेसुर थेन्‍नी ग्‍युक। च्‍यिलासिसिन ङे थोक्‍ला ख्‍योरो पङ्‍बु बिन्‍दुप ति तिवी मेङ्‍येन्‍वी।’ सिनी सुङ्‍गुप ति ङे ज्‍यल्‍का थोङ्‍सुङ।

लोमा छ्‍येतिवी लाका 9:10

ती पेला दमस्‍कसला हननिया सिरुप येशूला तेपा कितुप मी मिरा च्‍यिक नोक। चोवोकी तीला ज्‍यल्‍का थोप्‍नी “ओ हननिया!” सिनी कताङ्‍सुङ। तमा तीकी “ला चोवो, ङ दे राङ वे।” सिनी सिक्‍यासुङ।

लोमा छ्‍येतिवी लाका 9:36

योप्‍पा ग्‍येसाला तबीता सिरुप पुम्‍पेजा यी देकिनोक। तीकी मिङ ति ग्रीक ताम्‍ङेला डोरकास सिनोक। तीकी नरी लाका टेङ्‍बु तिराङ कितुप ताङ पेराङ्‍बुतिवाला साङ दाल्‍जा किनोक।

लोमा छ्‍येतिवी लाका 9:38

पत्रुस ति लुड्‍डाला वे सिरुप ति लोमातिवी थोनी मी मिरा ङ्‍यीला “ङ्‍यिरा ते ङमु फेप।” सिनी गोङ्‍बा शु ताङ्‍सुङ। च्‍यिलासिसिन लुड्‍डा ति योप्‍पा नेवा थाक्‍ङ्‍यिमु राङ ख्‍येल्‍गिनोक।

लोमा छ्‍येतिवी लाका 9:42

ती ताम्‍ङे थोनी योप्‍पाला देतुप मीतिवा माङ्‍शोककी येशूला तेपा क्‍यासुङ।