लोमा छ्‍येतिवी लाका 11:1 - कोन्छ्‌योककी सुङ

¹ तमा यहूदी मिन्‍दुप मिरिक यम्‍बाकी मीतिवी साङ कोन्‍छ्‍योककी सुङ ङ्‍येन्‍नी तेपा क्‍यानोक सिरुप ताम्‍ङे ति लोमा छ्‍येतिवा ताङ यहूदियाला वोतुप तेपा कितुपतिवी थोनोक।

लोमा छ्‍येतिवी लाका 11:1 Iomraidhean Croise

मत्ती 2:1

ग्‍येल्‍वु हेरोदकी ग्‍येला कितुप पेला येशू यहूदिया लुङ्‍बाकी बेथलेहेम युलला क्‍येनोक। ती पेला शरकी थाका नेमा कर्मा ल्‍हानी ची कोरुपतिवा यरूशलेमला वानी मीतिवाला दुक सिनी टिसुङ,

मत्ती 8:11

तुक क्‍यानी ङ ख्‍यिराङला टेङ्‍बो सिरिन, तेरी जम्‍बुलिङकी मीतिवा शरकी थाका नेसुर ताङ नुपकी थाका नेसुर वानी अब्राहाम ताङ इसहाक ताङ याकूबकी मुला देवाच्‍येनकी ग्‍येल्‍खापकी डेनला देतुप ङ्‍येकितो।

मर्कूस 16:5

तिवा ती टककी फुककी नाङ्‍ला शुनी ल्‍हासालेन्‍सिन ते मज्‍या कर्मु कोन्‍दुप मी नाज्‍युङ यी ति यावी थाकाला देन वोतुप थोङ्‍नी तिवा छासे ज्‍यिवा क्‍यासुङ।

लूका 2:32

दी ति यहूदी मिन्‍दुप मिरिक यम्‍बातिवाला ति चोवोकी लाम छ्‍या देन्‍दुप वोसिर यिन, तमा इस्राएलकी मीतिवाला ति मोवा ङ्‍ये ज्‍यितुप यिन।”

लोमा छ्‍येतिवी लाका 1:15

ती पेला ते तेपा कितुपतिवा मी मिरा सयी च्‍यिक ताङ खल ज्‍यिक चोयी जोम्‍नोक। तमा पत्रुसकी तिवी पर्ला टङी लानी सिक्‍यासुङ,

लोमा छ्‍येतिवी लाका 11:29

तुक क्‍यानी एन्‍टिओखियाला देतुप तेपा कितुप मीतिवी दाक दाक्‍पी काङ अछ्‍योवु ति टङ्‍गा दुनी यहूदियाला देतुप तेपा कितुपतिवी थोक्‍ला कल तोङ्‍गुप सिनी तेन्‍तेन क्‍यासुङ।

लोमा छ्‍येतिवी लाका 14:27

तिवा एन्‍टिओखिया लेप्‍सिमा तेकी चर्चकी मीतिवाला मुला राङ कताङ्‍नी कोन्‍छ्‍योककी तिवा नेसुर क्‍या नङ्‍गुप तेरी लाका ताङ कोन्‍छ्‍योककी यहूदी मिन्‍दुप मिरिक यम्‍बाकी मीतिवा चुक क्‍यानी खोला तेपा कि थुपुप जो नाङ्‍सुङ सिरुप ताम्‍ङे ति तिवाला शेसुङ।

लोमा छ्‍येतिवी लाका 15:3

तोङ्‍गुप पेला चर्चकी मीतिवी तिवाला ल्‍यामो क्‍यानी ताङ्‍सुङ। तमा तिवा यरूशलेम डोप पेला फोनिके ताङ सामरियाला लेप्‍सुङ। लेप्‍सिमा ते वोतुप तेपा कितुप मीतिवाला यहूदी मिन्‍दुप मिरिक यम्‍बाकी मीतिवी सेम ग्‍युर्नी कोन्‍छ्‍योकला तेपा क्‍यासुङ सिरुप ताम्‍ङे ति लाप्‍सुङ। तमा तेकी मीतिवा तेरी गा क्‍यासुङ।

लोमा छ्‍येतिवी लाका 28:15

ङ्‍यिराङ वुङ्‍गुप लेन थोनी रोमला वोतुप तेपा कितुपतिवा अप्‍पियसकी हाला ताङ डोखाङ सुम सिरुप दासा सेक ङ्‍यिराङला ठेतुपला वानोक। तिवाला थोङ्‍सिमा पावलकी ङाडेङ ङ्‍येनी कोन्‍छ्‍योकला थुचिछे पुल्‍सुङ।