लोमा छ्‍येतिवी लाका 1:9 - कोन्छ्‌योककी सुङ

⁹ खोकी तुक सुङ्‍सिमा लोमातिवी ल्‍हयी ल्‍हयी राङ कोन्‍छ्‍योककी खोला येर देवाच्‍येन ने टि फेप्‍सुङ। तमा मुक्‍पी पर्ने तोक तोर्सुङ।

लोमा छ्‍येतिवी लाका 1:9 Iomraidhean Croise

मर्कूस 16:19

चोवो येशूकी तिवाला तोजोयी सुङ्‍सिमा खो देवाच्‍येन ने तेक्‍नी फेप्सुङ, तमा कोन्‍छ्‍योककी यावी थाकाला ज्‍युसुङ।

लूका 21:27

ती पेला ङ मी पुज्‍युङ ति ओङ छ्‍येवु ताङ मोवा क्‍यानी मुक्‍पी खला वुङ्‍गुप ति मीतिवी थोङ्‍गिवी।

यूहन्‍ना 6:62

तुकै यिन्‍सिन ङ मी पुज्‍युङ ति गोमाला खुरुङ वोतुप ते राङ तेक्‍नी डोप थोङ्‍सिन ख्‍यिराङ काङ किवी?

लोमा छ्‍येतिवी लाका 1:11

तिवाला सिक्‍यासुङ, “ओ गालीलकी मीतिवा, ख्‍यिराङ च्‍यिला दे लानी नामला ल्‍हानी देकिवी? तन्‍दा ख्‍यिरा पर नेमा येर देवाच्‍येनला टि फेवु येशू ति तन्‍दा चुक क्‍यानी ख्‍यिरा ल्‍हयी ल्‍हयी देवाच्‍येन ने टि फेप्‍वे, तुक राङ क्‍यानी खो येलुङ दी जम्‍बुलिङला लोक्‍नी फेप्‍किवी।”

लोमा छ्‍येतिवी लाका 1:2

ती थेप नाङ्ला खोकी पेन नङ्‍गुप लोमातिवाला कोन्‍छ्‍योककी थु चाङ्‍मा नेमा क नङ्सिमा खो देवाच्‍येनला तेङ फेवु छेर्मु सेककी ताम्‍ङे ति तेरी वे।

१ थेसलोनिकी 4:17

ती ज्‍युक्‍ला दाक्‍पु तेपा क्‍यानी ती पेला सेक सेन्‍बु लुवुतिवा तिवा ताङ मुला राङ नाम ने केला मुक्‍पी पर्ने चोवोला ठेतुपला तेक्‍नी डिवी। तमा दाक्‍पु नरी खोकी मुला राङ देतुप ङ्‍येकिवी।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।

ज्‍यल्‍का 11:12

तमा देवाच्‍येन नेमा कशेन थोर ग्‍यप्‍नी “दे केला शोक।” सिक्‍यावु ति ती पङ्‍बु तेरुप मिरा ङ्‍यीतिवी थोसुङ। तमा तिवी डतिवी ल्‍हयी ल्‍हयी तिवा मुक्‍पी पर्ने केला देवाच्‍येन ने गाल्‍सुङ।

ज्‍यल्‍का 14:4

ती मीतिवा नाम्‍साङ पुम्‍पेजी मुला शम्‍डेन कितुप लाका माक्‍यानी चाङ्‍मा देतुपतिवा यिनोक। तिवा लुक रुक कनी डिवे, तीकी तिङ्‍ला तिङ्‍योकुपतिवा यिनोक। तिवा ति मीतिवी नाङ ने थर्वा ङ्‍येनी कोन्‍छ्‍योक ताङ लुक रुककी थोक्‍ला थल्‍माकी डेलु दोके च्‍युङ्‍गुप मीतिवा यिनोक।