लोमा छ्‍येतिवी लाका 1:8 - कोन्छ्‌योककी सुङ

⁸ यिने कोन्‍छ्‍योककी थु चाङ्‍मा ख्‍यिरा खला फेप्‍सिमा ख्‍यिरा ओङ ङ्‍येनी यरूशलेमला ताङ तेरी यहूदियाला ताङ सामरियाला ताङ जम्‍बुलिङकी दासा अन्‍तिम सेक्‍ला ख्‍यिरा ङे कोर्ला पङ्‍बु तेर्कितो।”

लोमा छ्‍येतिवी लाका 1:8 Iomraidhean Croise

मत्ती 24:14

तमा दी कोन्‍छ्‍योककी ग्‍येल्‍खापकी लेन ल्‍यामु ति तेरी जम्‍बुलिङला ख्‍याप्‍टाक क्‍यानी तेरी मिरिककी मीतिवाला पङ्‍बु तेर्किवी। ती ज्‍युक्‍ला दी जम्‍बुलिङकी तिङ्‍मी तुजे गिवी।”

मत्ती 28:19

ती तप्‍की ख्‍यिराङ गल्‍नी लुङ्‍बा तेरीकी मिरिकतिवाला ङे लोमा जो, तमा पपा कोन्‍छ्‍योक ताङ पुज्‍युङ ताङ खोकी थु चाङ्‍माकी मिङला तिवाला बप्‍तिस्‍मा बिन।

मर्कूस 16:15

येशूकी तिवाला सुङ्‍सुङ, “ख्‍यिराङ जम्‍बुलिङ तेरीला गल्‍नी मी तेरीला लेन ल्‍यामु ति ख्‍याप्‍टाक की।

लूका 1:35

देवाच्‍येनकी लेन क्‍योलुप थु तीकी तीला सिक्‍यासुङ, “कोन्‍छ्‍योककी थु चाङ्‍मा ख्‍योरो खला फेप्‍कितो, तमा चोछ्‍येवु कोन्‍छ्‍योककी ओङ ति ख्‍योरो खला ख्‍येल्‍गितो। तुक क्‍यानी क्‍येप आङा ति चाङ्‍मा वोतुप यिन, मीतिवी खोला कोन्‍छ्‍योककी सेवु सिनी सितो।

लूका 10:19

ङ्‍येना, ङे ख्‍यिराङला रुलतिवा ताङ बिच्‍छितिवाला लेपुप ताङ डेतिवी तेरी ङारकी खला ग्‍येलुप ओङ बिन वे। तुक क्‍यानी काङगी साङ ख्‍यिराङला मेलोक्‍पा कि मुथुपी।

लूका 24:29

यिने तिवी खोला “त याङ नाम ल्‍होसुङ, ङ्‍यिमा साङ गासुङ, ङ्‍यिरा मुला राङ ज्‍यु।” सिनी कार क्‍यानी सिक्‍यासुङ। तमा खो तिवी मुला ज्‍युवुला खाङ्‍बा शुसुङ।

यूहन्‍ना 15:27

तमा ख्‍यिराङ साङ ङे थोक्‍ला पङ्‍बु तेरुप डितो, च्‍यिलासिसिन थल्‍माला ङे लाका गो चुवु पेला नेज्‍युन ख्‍यिराङ ङे मुला वे।”

लोमा छ्‍येतिवी लाका 1:22

ती मी ति यूहन्‍नाकी बप्‍तिस्‍मा तेरुप पेला नेज्‍युनी चोवो येशू ङ्‍यिरे पर नेमा देवाच्‍येनला टि फेवु तुजे सेक ङ्‍यिरा मुला राङ वोतुप ति वुङ गोकिवी। च्‍यिलासिसिन ती मी तीकी येशू टुङ्‍नी ङोसु लावु ताम्‍ङेकी पङ्‍बु ति ङ्‍यिरा मुला राङ तेर गोकिवी।”

लोमा छ्‍येतिवी लाका 1:5

यूहन्‍नाकी याङ ख्‍यिराङला छ्‍युकी बप्‍तिस्‍मा बिन्‍सुङ, यिने त ङ्‍यिमा चेयी ज्‍युक्‍ला ख्‍यिराङला कोन्‍छ्‍योककी थु चाङ्‍माकी बप्‍तिस्‍मा थोप्‍कितो।”

लोमा छ्‍येतिवी लाका 13:31

ती ज्‍युक्‍ला खोकी मुला राङ गालील नेसुर यरूशलेमला वुङ्‍गुपतिवी चिप्‍ला खो ङ्‍यिमा अलायी सेक छ्‍यार्सुङ। तमा तिवा तन्‍दा साङ खोकी पङ्‍बु यिन।

लोमा छ्‍येतिवी लाका 2:32

ती येशूला राङ कोन्‍छ्‍योककी ङोसु लाङ्‍सुङ। ती ताम्‍ङेकी कोर्ला दाक्‍पु तेरी पङ्‍बु वे।

लोमा छ्‍येतिवी लाका 22:15

तुक क्‍यानी तेरी मीतिवी चिप्‍ला खोकी थोक्‍ला ख्‍योरो काङ थोङ्‍गुप ताङ हाक्‍कोवु ति ख्‍युरुङ राङ पङ्‍बु वे।

लोमा छ्‍येतिवी लाका 3:15

तमा मिजी नङ्‍गुप तीला सेसुङ। यिन्‍सिनाङ कोन्‍छ्‍योककी खोला शेप ने ङोसु लाङ्‍सुङ। दीकी पङ्‍बु ति ङ्‍यिराङ यिन।

लोमा छ्‍येतिवी लाका 4:33

ती लोमा छ्‍येतिवा छासे ङाडेङ क्‍यानी चोवो येशू टुङ्‍नी ङोसु लावुकी कोर्ला पङ्‍बु तेर्किनोक। तमा तिवा तेरीला कोन्‍छ्‍योककी ग्‍यक्‍चेकी कटिन ति थोप्‍नोक।

लोमा छ्‍येतिवी लाका 5:32

दीकी कोर्ला ङ्‍यिराङ तेरी पङ्‍बु वे। तमा कोन्‍छ्‍योककी सुङला युकुपतिवाला खोकी नङ्‍गुप थु चाङ्‍मा साङ दीकी कोर्ला पङ्‍बु वे।”

लोमा छ्‍येतिवी लाका 6:8

तमा कोन्‍छ्‍योक नेमा कटिन ताङ ओङ थोप्‍नी स्‍तिफनसकी मीतिवी पर्ला हलेवु लाका ताङ ततिवा छ्‍या तेन्‍सुङ।

लोमा छ्‍येतिवी लाका 8:1

स्‍तिफनसला सेतुप मीतिवी पर्ला शाऊल साङ ख च्‍यिक नोक। ती छेर्मु राङ यरूशलेमकी तेपा कितुप मीतिवाला यहूदी गोमा कितुपतिवी जिम्‍नी छेटाङ तेरुप छाल्‍सुङ। तमा लोमा छ्‍येतिवा मिसिन यम्‍बा तेपा कितुप मीतिवा तेरी यहूदिया ताङ सामरियाकी दासा दासा नेवा थरा थुरा गाल्‍सुङ।

रोमी 10:18

यिने ङ ख्‍यिराङला ताम्‍ङे यी टेयी, काङ यहूदीतिवी खोकी सुङ माथोवु यिन रो? वुतुङ के तिवी खोकी सुङ थो वे। च्‍यिलासिसिन “कोन्‍छ्‍योककी सुङ ति जम्‍बुलिङ तेरीला ख्‍याप्‍टाक क्‍या वे, खोकी सुङ ति जम्‍बुलिङकी अन्‍तिम सेक्‍ला टम वे।” सिनी कोन्‍छ्‍योककी सुङला टि वे।

रोमी 15:19

ततिवा ताङ हलेवु लाकाकी ओङ ताङ, कोन्‍छ्‍योककी थु चाङ्‍माकी ओङ नेसुर क्‍यावु यिन। तुक क्‍यानी येशू ख्रीष्‍टकी लेन ल्‍यामु ति यरूशलेम नेज्‍युनी इल्‍लुरिकन सेक तेरी दासाला ङे ख्‍याप्‍टाक क्‍यायी।

कलस्सी 1:23

तुक कितुपला वुतुङ के ख्‍यिराङ तेपाला येर मर माक्‍यानी नरी डेकला दे गोकिवी। तमा ख्‍यिरा थोवु लेन ल्‍यामुला रेवा क्‍यावु ति क्‍युर्नी माज्‍योक। ती लेन ल्‍यामु ति देवाच्‍येनकी वोक्‍ला वोतुप तेरी मीतिवाला ख्‍याप्‍टाक क्‍यावु यिन। ङ पावल साङ ती लेन ल्‍यामु ख्‍याप्‍टाक कितुप लावा च्‍युङ वे।