लोमा छ्‍येतिवी लाका 1:7 - कोन्छ्‌योककी सुङ

⁷ तमा खोकी लोमातिवाला सुङ्‍सुङ, “दी तुजे ति कोन्‍छ्‍योककी ओङ्‍ज्‍येन नेमा राङ खोकी तेन्‍तेन क्‍यानी वे। ती ति ख्‍यिरा हाक्‍को गोवु लाका मिन।

लोमा छ्‍येतिवी लाका 1:7 Iomraidhean Croise

मत्ती 20:23

तमा येशूकी तिवाला सुङ्‍सुङ, “ङे थुङ्‍गुप कोरा ति वुतुङ के ख्‍यिरा थुङ्‍गिवी। यिने ङे यावा ताङ येन्‍बाला देतुप ति ङे कि ज्‍यितुप मिन, ङे पपी सी थोक्‍ला टडिक क्‍यावे, तिवाला राङ देतुप ङ्‍येकिवी।”

मत्ती 24:36

“यिने ती ङ्‍यिमा ताङ तुजे ति नम गिते सिनी सुला साङ छ्‍या मे, देवाच्‍येनकी लेन क्‍योलुप थुतिवाला साङ छ्‍या मे, पुज्‍युङला साङ छ्‍या मे, ती ति पपाला तिराङ छ्‍या वे।

मर्कूस 10:40

यिने ङे यावी थाका ताङ येन्‍बी थाकाला देतुप ति ङे कि ज्‍यितुप मिन। ती ति कोन्‍छ्‍योककी सी थोक्‍ला टडिक क्‍यावे, तीला राङ देतुप ङ्‍येकिवी।”

मर्कूस 13:32

“यिने ती ङ्‍यिमा ताङ तुजे ति नम गिते सिनी सुला साङ छ्‍या मे। देवाच्‍येनकी लेन क्‍योलुप थुतिवाला साङ छ्‍या मे, पुज्‍युङला साङ छ्‍या मे, ती ति पपाला तिराङ छ्‍या वे।

लूका 21:24

ललाइला खुर्पा थ्‍वोनी सेकिवी, ललाइला ति जिम्‍नी लुङ्‍बा लुङ्‍बाला टिनी डिवी। तमा यहूदी मिन्‍दुप मिरिक यम्‍बातिवी यरूशलेमला खोरो ओङ्‍ज्‍येनला ज्‍याक्‍नी खोप्‍रे तुजे माछेवा सेक मेलोक्‍पा किवी।”

लोमा छ्‍येतिवी लाका 17:26

खोकी मी च्‍यिक नेमा राङ दी जम्‍बुलिङ तेरीकी खला देतुप मी रुजेनतिवा तेरी जो नाङ्‍सुङ। तमा मीतिवा ती जम्‍बुलिङला वासिमा चो सेक दे गोवु छे ताङ देतुप दासा साङ जो नाङ्‍सुङ।

एफिसी 1:10

कोन्‍छ्‌योककी नोवा ति काङ यिन सिसिन तुजे छेसिमा देवाच्‍येन ताङ जम्‍बुलिङला वोतुप तेरी ख्रीष्‍टकी मुला खोकी ओङला च्‍युङ्‍शी।

१ तिमोथी 6:15

कोन्‍छ्‍योककी तुजे छेसिमा चोवो येशू ख्रीष्‍ट ति येलुङ फेप्‍किवी। कोन्‍छ्‍योक ति च्‍यिक राङ वोतुप ताङ ग्‍येल्‍वी खकी ग्‍येल्‍वु ताङ चोवी खकी चोवो यिन। खोला दाक्‍पी सोवा बुल्‍गिवी।

२ तिमोथी 3:1

आङ तिमोथी, दी ताम्‍ङे ति ल्‍यामो हाक्‍कोवा किसा, कोन्‍छ्‍योककी ठिमकी तुजे मालेपा सेक्‍ला छासे दुक्‍पाकी तुजेतिवा गितो।