लोमा छ्‍येतिवी लाका 1:5 - कोन्छ्‌योककी सुङ

⁵ यूहन्‍नाकी याङ ख्‍यिराङला छ्‍युकी बप्‍तिस्‍मा बिन्‍सुङ, यिने त ङ्‍यिमा चेयी ज्‍युक्‍ला ख्‍यिराङला कोन्‍छ्‍योककी थु चाङ्‍माकी बप्‍तिस्‍मा थोप्‍कितो।”

लोमा छ्‍येतिवी लाका 1:5 Iomraidhean Croise

मत्ती 3:11

ङ याङ ख्‍यिराङला दिक्‍पा ने सेम ग्‍युरुपकी थोक्‍ला छ्‍यु थ्‍वोनी बप्‍तिस्‍मा तेरिन, यिने ङे तिङ्‍ला फेपुप ति ङ सिनाङ ओङ छ्‍येवु वे। तुक क्‍यानी ङ याङ खोकी शप्‍चे साङ खुर छ्‍योवु मे। खोकी ख्‍यिराङला चाङ्‍मा जोपला कोन्‍छ्‍योककी थु चाङ्‍मा ताङ मे थ्‍वोनी बप्‍तिस्‍मा नङ्‍गिवी।

मत्ती 3:6

ते तिवी खोप्‍राङ दिक्छेन यिन सिनी सेम ग्‍युर्सालेन्‍सिन यूहन्‍नाकी तिवाला यर्दन चङ्‍बी नाङ्‍ला बप्‍तिस्‍मा बिन्‍सुङ।

मर्कूस 1:8

ङे ख्‍यिराङला छ्‍यु थ्‍वोनी बप्‍तिस्‍मा बिनिन, यिने खोकी ख्‍यिराङला कोन्‍छ्‍योककी थु चाङ्‍मा नेसुर बप्‍तिस्‍मा नङ्‍गितो।”

लूका 3:16

तिवी नोवा हाक्‍कोनी यूहन्‍नाकी तिवा तेरीला सिक्‍यासुङ, “ङ ख्‍यिराङला छ्‍यु थ्‍वोनी बप्‍तिस्‍मा तेरिन, यिने ङ सिनाङ मङ ओङ छ्‍येवु वोतुप मी यी फेपिन वे। ङ याङ खोकी शप्‍चेकी र्‍हाम्‍डोक डोलुप साङ पोमु मे। खोकी ख्‍यिराङला कोन्‍छ्‍योककी थु चाङ्‍मा ताङ मे नेसुर बप्‍तिस्‍मा नङ्‍गिवी।

यूहन्‍ना 1:26

तमा यूहन्‍नाकी “ङ याङ छ्‍यु थ्‍वोनी बप्‍तिस्‍मा तेरुप यिन। यिने ख्‍यिरा पर्ला मी मिरा च्‍यिक टङी लानी वे, खो सु यिन सिनी ख्‍यिरा ङो राङ मेशेवी।

यूहन्‍ना 1:31

खो सु यिन सिनी ङे साङ ङो माशे, यिने ङ छ्‍यु थ्‍वोनी मीतिवाला बप्‍तिस्‍मा तेरुप ति इस्राएलकी मीतिवाला खो सु यिन सिनी ङो शे ज्‍यितुपला यिन।” सिनी सिक्‍यासुङ।

यूहन्‍ना 1:33

ङे साङ खोला ङो माशे, यिने छ्‍यु थ्‍वोनी बप्‍तिस्‍मा तेरुपला ङला तङ्‍गुप तीकी ‘चुका मी तीकी खला कोन्‍छ्‍योककी थु चाङ्‍मा पाप्‍नी ज्‍यु वोतुप ख्‍योरो थोङ्‍गिवे, ती ति कोन्‍छ्‍योककी थु चाङ्‍मा नेमा बप्‍तिस्‍मा नङ्‍गुप मी यिन सिनी ख्‍योरो हाक्‍कोकितो।’ सिनी ङला सुङ्‍सुङ।

लोमा छ्‍येतिवी लाका 10:45

तमा यहूदी मिन्‍दुप मिरिक यम्‍बाकी मीतिवाला साङ कोन्‍छ्‍योककी थु चाङ्‍मा फेवु थोङ्‍सिमा पत्रुसकी मुला वावु तेपा कितुप यहूदीतिवा हलेवा क्‍यासुङ।

लोमा छ्‍येतिवी लाका 19:4

येलुङ पावलकी तिवाला सिक्‍यासुङ, “यूहन्‍नाकी बप्‍तिस्‍मा याङ मीतिवाला सेम ग्‍युरुप थोक्‍ला तिराङ बिन्‍दुप यिन। यूहन्‍नाकी ‘ङे तिङ्‍ला मी यी फेप्‍किवी, ख्‍यिरा खोला तेपा की!’ सिनी सिक्‍यावु ती मी ति येशू यिन।”

१ कोरिन्‍थी 12:13

च्‍यिलासिसिन दाक्‍पु यहूदीतिवा यिन्‍सिनाङ ग्रीकतिवा यिन्‍सिनाङ योक्‍पुतिवा यिन्‍सिनाङ योक्‍पुतिवा मिन्‍सिनाङ कोन्‍छ्‍योककी थु चाङ्‍मा च्‍यिककी ओङला राङ दाक्‍पी बप्‍तिस्‍मा लानी जु च्‍यिक राङ च्‍युङ्‍गुप यिन। तमा दाक्‍पु तेरीला खोकी थु चाङ्‍मा साङ च्‍यिक राङ नङ्‍नी वे।

तीतस 3:5

दाक्‍पुला थर च्‍यिसुङ। ती ति दाक्‍पी लाका टेङ्‍बु क्‍यावु तप्‍की मिन, खोला च्‍यम्‍बा वोतुप तप्‍की यिन। खोकी दाक्‍पुला चाङ्‍मा जोनी मिजी सम्‍बा नङ्‍गुप ताङ खोकी थु चाङ्‍मा नेसुर दाक्‍पुला सम्‍बा फोनी थर च्‍यितुप यिन।