लोमा छ्‍येतिवी लाका 1:3 - कोन्छ्‌योककी सुङ

³ खोकी दुक्‍पा खुर्नी ङोसु लासिमा तिवाला खो ङोसु लावु ति हाक्‍को ज्‍यितुपला पङ्‍बु बङी छ्‍या तेन्‍सुङ। तमा ङ्‍यिमा खल ङ्‍यी सेक थेङ्‍मा अलायी खोरो लोमा छ्‍येतिवी पर्ला राङ छ्‍यर्नी तिवाला कोन्‍छ्‍योककी ग्‍येल्‍खापकी कोर्ला सुङ्‍सुङ।

लोमा छ्‍येतिवी लाका 1:3 Iomraidhean Croise

मत्ती 21:43

तुक क्‍यानी ङ ख्‍यिराङला सिरिन। कोन्‍छ्‍योककी ग्‍येल्‍खाप ति ख्‍यिरा नेसुर ठोनी खोकी कला ङ्‍येन्‍दुप यम्‍बा मिरिककी मीतिवाला तेर्किवी।

मत्ती 28:9

तिवा डोयी कितुप पेला येशू शार्क्येक लामला तिवाला ठेनी, “ख्‍यिराङला लोदिमु वुङ्‍शी!” सिनी सुङ्‍सुङ। तमा तिवा खोकी चाला गल्‍नी खोकी शापला जिमिन सिरा खोला शावा क्‍यासुङ।

मत्ती 3:2

“ख्‍यिराङ दिक्‍पा ने सेम ग्‍युर, च्‍यिलासिसिन कोन्‍छ्‍योककी ग्‍येल्‍खाप चिप्‍ला राङ वा वे।”

मत्ती 4:2

ते येशू ङ्‍यिमा खल ङ्‍यी सेक ङ्‍यी ताङ नुप्‍ज्‍या ङ्‍युङ्‍ने ज्‍युसिमा खोला ल्‍होवा लानोक।

मर्कूस 16:19

चोवो येशूकी तिवाला तोजोयी सुङ्‍सिमा खो देवाच्‍येन ने तेक्‍नी फेप्सुङ, तमा कोन्‍छ्‍योककी यावी थाकाला ज्‍युसुङ।

यूहन्‍ना 20:26

दिन्‍जा च्‍यिक तिङ्‍ला येलुङ लोमातिवा खाङ्‍बी नाङ्‍ला जोम्‍नोक, ती पेला थोमा साङ तिवी मुला राङ नोक। तिवा गो च्‍येनी देन्‍नोक, यिने येशू फेप्‍नी तिवी पर्ला शेङ्‍नी तिवाला “ख्‍यिराङला लोदिमु वुङ्‍शी।” सिनी सुङ्‍सुङ।

यूहन्‍ना 21:1

ती ज्‍युक्‍ला येलुङ येशू तिबेरियास ग्‍येम्‍छोकी गारीला लोमातिवी चाला छ्‍यार्सुङ। खो दुकै क्‍यानी छ्‍यरुप यिन।

यूहन्‍ना 21:14

दी ति येशू टुङ्‍नी येलुङ ङोसु लासिमा लोमातिवाला छ्‍यरुप थेङ्‍मा सुम्‍बा यिन।

लोमा छ्‍येतिवी लाका 13:31

ती ज्‍युक्‍ला खोकी मुला राङ गालील नेसुर यरूशलेमला वुङ्‍गुपतिवी चिप्‍ला खो ङ्‍यिमा अलायी सेक छ्‍यार्सुङ। तमा तिवा तन्‍दा साङ खोकी पङ्‍बु यिन।

लोमा छ्‍येतिवी लाका 19:8

ती ज्‍युक्‍ला पावल यहूदी छ्‍योखाङला गल्‍नी ल सुम सेक ङाडेङ क्‍यानी मीतिवाला कोन्‍छ्‍योककी ग्‍येल्‍खापकी कोर्ला लाप्‍नी तिवाला तेपा कि ज्‍यितुप छाल्‍सुङ।

लोमा छ्‍येतिवी लाका 28:23

तुक क्‍यानी तिवी ङ्‍यिमा च्‍यिक पावलला ठेतुप तुजे जोसुङ। तमा मीतिवा बङी पावल देतुप खाङ्‍बा वासुङ। पावलकी टोप नेज्‍युनी सोर्‍हिप सेक तिवाला कोन्‍छ्‍योककी ग्‍येल्‍खापकी कोर्ला लाप्‍सुङ। तमा मोशाकी ठिम ताङ कोन्‍छ्‍योककी लुङ्‍तेम्‍बाकी थेप नेसुर येशूकी कोर्ला तिवाला पङ्‍बु बिन्‍सुङ।

लोमा छ्‍येतिवी लाका 28:31

तमा सी साङ पावलला माक्‍येक। तुक क्‍यानी पावलकी ज्‍यिवा माक्‍यावा क्‍यानी कोन्‍छ्‍योककी ग्‍येल्‍खापकी कोर्ला ख्‍याप्‍टाक कियी ताङ चोवो येशू ख्रीष्‍टकी कोर्ला येन्‍देन बिन्‍सुङ।

लोमा छ्‍येतिवी लाका 8:12

यिने फिलिपकी कोन्‍छ्‍योककी ग्‍येल्‍खापकी कोर्ला ताङ येशू ख्रीष्‍ट मिङकी कोर्ला ख्‍याप्‍टाक क्‍यावु ताम्‍ङेला ख्‍योक्‍पेजा ताङ पुम्‍पेजातिवा तेरीकी तेपा क्‍यानी बप्‍तिस्‍मा लासुङ।

रोमी 14:17

च्‍यिलासिसिन कोन्‍छ्‍योककी ग्‍येल्‍खाप ति साप ताङ थुङ्‍गुपकी थोक्‍ला मिन, खोकी थु चाङ्‍माकी ओङला खोकी थोङ्‍दाङला टेङ्‍बु वोतुप ताङ लोदिमु ताङ सेम किर्मुकी थोक्‍ला यिन।

कलस्सी 1:13

खोकी दाक्‍पुला नक्‍तोमीकी ओङ्‍ज्‍येन ने थर्वा नाङ्‍नी खोरे ङ्‍यिङ्‍ज्‍येवु सेवुकी ग्‍येल्‍खापला ल्‍यामो क्‍यानी क्‍यल नङ वे।

१ यूहन्‍ना 1:1

दी ताम्‍ङेतिवा ति मिजी तेरुप सुङगी कोर्ला टिवु यिन। दी मिजी तेरुप सुङ ति थल्‍माला जम्‍बुलिङ ज्‍येङ्‍गुप पेला राङ वोतुप यिन, तमा ती ति ङ्‍यिरा थोवु ताङ मिककी थोङ्‍गुप साङ यिन, ङ्‍यिरा ल्‍हावु ताङ थोवा तङ्‍गुप साङ यिन।