लोमा छ्‍येतिवी लाका 1:25 - कोन्छ्‌योककी सुङ

²⁵ तमा ती पेतुप मी ति लोमा छ्‍येकी छापला देनी शब्‍ज्‍यी कितुप लाका कि थुप्‍शी। च्‍यिलासिसिन ती शब्‍ज्‍यी बुलुप लाका ति यहूदाकी क्‍युर ज्‍याक्‍नी ती ति ङ्‍येलाला गाल।”

लोमा छ्‍येतिवी लाका 1:25 Iomraidhean Croise

मत्ती 25:41

ती ज्‍युक्‍ला ङे येन्‍बी थाकाला वोतुपतिवाला दुक सिवी, ‘ख्‍यिराङ मोताप सुकुप मीतिवा! ङे चा नेमा थेन गल्‍नी शैतान ताङ तीकी डेतिवी थोक्‍ला टडिक क्‍यावु नाम्‍साङ मिशिवु मे नाङ्‍ला ग्‍युक।

मत्ती 25:46

तुक क्‍यानी तिवा नाम्‍साङ मिसिन्‍दुप ङ्‍येलाला लुम्‍गिवी, तमा कोन्‍छ्‍योककी थोङ्‍दाङला टेङ्‍बु वोतुपतिवाला ति नाम्‍साङ मिशिवु मिजी थोप्‍किवी।”

मत्ती 26:24

ङ मी पुज्‍युङ याङ खोरो थोक्‍ला कोन्‍छ्‍योककी सुङला टि वोतुप दोके शि राङ गोकिवी, यिने ङ मी पुज्‍युङला जिम तेरुप तीला याङ मोताप सुकिवी। ती याङ क्‍येप तिरुङ माक्‍येसिन तीकी थोक्‍ला मङ ल्‍यामु वुङ्‍गुप्‍जा।”

यूहन्‍ना 13:27

ती शुब्‍ज्‍याङ लालुङ्‍मे यहूदाकी सेमला शैतान शुसुङ। तमा येशूकी तीला “ख्‍योरो काङ कितुप छल वे, ती ति शार्क्येक की।” सिनी सुङ्‍सुङ।

यूहन्‍ना 17:12

ङ तिवी मुला वोता सेक याङ पपी ङला नङ्‍गुप ङार वोतुप मिङला तिवाला ङे र्‍होक्‍नी ज्‍याकिन। तुक क्‍यानी तिवी पर्ला ङ्‍येलाला डो गोवु तीला मिसिन यम्‍बा सु साङ ङ्‍येलाला माख्‍येल वे। ती ति कोन्‍छ्‍योककी सुङला टिवु ति तेरी छेवुला यिन।

रोमी 1:5

यहूदी मिन्‍दुप मिरिक यम्‍बाकी मीतिवी येशूला तेपा क्‍यानी खोकी सुङला ङ्‍येन्‍शी सिनी ङला खो नेमा कटिन ङ्‍येनी खोला शब्‍ज्‍यी कितुपला खोकी लोमा छ्‍ये च्‍युङ्‍गुप यिन।

१ कोरिन्‍थी 9:2

मी यम्‍बी ङला लोमा छ्‍ये मिन सिक्‍यासिनाङ ख्‍यिरा थोक्‍ला ति ङ लोमा छ्‍ये यिन, च्‍यिलासिसिन ङे ख्‍यिराङला चोवो येशूकी कोर्ला लेन ल्‍यामु ख्‍याप्‍टाक क्‍यासिमा ख्‍यिरा खोला तेपा क्‍यावु तप्‍की ख्‍यिरा ङला लोमा छ्‍ये यिन सिनी पङ्‍बु तेर्किवी।

गलाती 2:8

च्‍यिलासिसिन कोन्‍छ्‍योककी पत्रुसला यहूदीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जो नङ्‍गुप दोके ङला ति यहूदी मिन्‍दुप मिरिक यम्‍बाकी मीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जोनी ताङ्‍सुङ।