लोमा छ्‍येतिवी लाका 1:22 - कोन्छ्‌योककी सुङ

²² ती मी ति यूहन्‍नाकी बप्‍तिस्‍मा तेरुप पेला नेज्‍युनी चोवो येशू ङ्‍यिरे पर नेमा देवाच्‍येनला टि फेवु तुजे सेक ङ्‍यिरा मुला राङ वोतुप ति वुङ गोकिवी। च्‍यिलासिसिन ती मी तीकी येशू टुङ्‍नी ङोसु लावु ताम्‍ङेकी पङ्‍बु ति ङ्‍यिरा मुला राङ तेर गोकिवी।”

लोमा छ्‍येतिवी लाका 1:22 Iomraidhean Croise

मर्कूस 1:9

ती पेला येशू गालीलकी नासरत ने फेप्‍नी यर्दन चङ्‍बुला यूहन्‍ना नेसुर बप्‍तिस्‍मा लासुङ।

मर्कूस 16:19

चोवो येशूकी तिवाला तोजोयी सुङ्‍सिमा खो देवाच्‍येन ने तेक्‍नी फेप्सुङ, तमा कोन्‍छ्‍योककी यावी थाकाला ज्‍युसुङ।

लूका 24:48

ख्‍यिराङ ति ती तेरी ताम्‍ङेतिवी पङ्‍बु यिनो।

लूका 3:21

तमा तेरी मीतिवी बप्‍तिस्‍मा लासुङ। येशूकी साङ बप्‍तिस्‍मा लानी मोपोर कियी वोतुप पेला देवाच्‍येन सेसुङ।

यूहन्‍ना 15:27

तमा ख्‍यिराङ साङ ङे थोक्‍ला पङ्‍बु तेरुप डितो, च्‍यिलासिसिन थल्‍माला ङे लाका गो चुवु पेला नेज्‍युन ख्‍यिराङ ङे मुला वे।”

लोमा छ्‍येतिवी लाका 1:11

तिवाला सिक्‍यासुङ, “ओ गालीलकी मीतिवा, ख्‍यिराङ च्‍यिला दे लानी नामला ल्‍हानी देकिवी? तन्‍दा ख्‍यिरा पर नेमा येर देवाच्‍येनला टि फेवु येशू ति तन्‍दा चुक क्‍यानी ख्‍यिरा ल्‍हयी ल्‍हयी देवाच्‍येन ने टि फेप्‍वे, तुक राङ क्‍यानी खो येलुङ दी जम्‍बुलिङला लोक्‍नी फेप्‍किवी।”

लोमा छ्‍येतिवी लाका 1:2

ती थेप नाङ्ला खोकी पेन नङ्‍गुप लोमातिवाला कोन्‍छ्‍योककी थु चाङ्‍मा नेमा क नङ्सिमा खो देवाच्‍येनला तेङ फेवु छेर्मु सेककी ताम्‍ङे ति तेरी वे।

लोमा छ्‍येतिवी लाका 2:32

ती येशूला राङ कोन्‍छ्‍योककी ङोसु लाङ्‍सुङ। ती ताम्‍ङेकी कोर्ला दाक्‍पु तेरी पङ्‍बु वे।

लोमा छ्‍येतिवी लाका 4:33

ती लोमा छ्‍येतिवा छासे ङाडेङ क्‍यानी चोवो येशू टुङ्‍नी ङोसु लावुकी कोर्ला पङ्‍बु तेर्किनोक। तमा तिवा तेरीला कोन्‍छ्‍योककी ग्‍यक्‍चेकी कटिन ति थोप्‍नोक।

हिब्रू 2:3

दाक्‍पी तुका थर्वा ग्‍येर्पुला साङ ङ्‍याम माक्‍यासुङ सिसिन मङ चुक क्‍यानी ती पर्च्या नेसुर पिशोर थुप्‍किवी रो? दी थर्वा ति गोमाला चोवो येशूकी राङ ख्‍याप्‍टाक क्‍या नाङ्‍सुङ। खोकी ख्‍याप्‍टाक क्‍या नङ्‍गुप सुङ ङ्‍येन्‍दुपतिवी राङ ती सुङ ति टेङ्‍बु यिन सिनी ङ्‍यिराङला पङ्‍बु बिन्‍सुङ।