लोमा छ्‍येतिवी लाका 1:16 - कोन्छ्‌योककी सुङ

¹⁶ “ओ अच्‍युनुपतिवा, यहूदाकी येशूला जिम तेरुपकी कोर्ला याङ दाऊदकी ख नेमा कोन्‍छ्‍योककी थु चाङ्‍माकी गोमाला के सुङ्‍गुप यिन। कोन्‍छ्‍योककी सुङगी नाङ्‍ला वोतुप ती सुङ ति तेरी छेसुङ।

लोमा छ्‍येतिवी लाका 1:16 Iomraidhean Croise

मत्ती 26:14

तमा येशूकी लोमा च्‍यिङ्‍ङी पर्ला यहूदा इस्‍करियोत सिरुप ति यहूदी कोङ्‍यार छ्‍येतिवी चाला गल्‍नी

मत्ती 26:47

येशूकी तुक सुङ्‍यिन वोतुप पेला खोकी लोमा मिरा च्‍यिङ्‍ङी नाङ ने यहूदा इस्‍करियोत ति ते लेसुङ। तमा तीकी मुला कोङ्‍यार छ्‍येतिवा ताङ यहूदी छ्‍येतिवी तङ्‍गुप मीतिवा बङी खुर्पा ताङ लकाम खुर्नी लेसुङ।

मत्ती 26:54

यिने तुक क्‍यासिन दुकै च्‍युङ गोकिवी सिरुप कोन्‍छ्‍योककी सुङ ति चुक क्‍यानी छेकिवी रो?”

मत्ती 26:56

यिने दी तेरी च्‍युङ्‍गुप ति कोन्‍छ्‍योककी लुङ्‍तेम्‍बातिवी टिवु खोकी सुङ ति तेरी छेवुला यिन।” ती पेला येशूकी लोमातिवा तेरीकी खोला क्‍युर ज्‍याक्‍नी टोनी गाल्‍सुङ।

मर्कूस 12:36

दाऊदकी कोन्‍छ्‍योककी थु चाङ्‍मा नेमा ख्रीष्‍टकी कोर्ला दुक सिक्‍यासुङ, ‘कोन्‍छ्‍योककी ङे चोवोला, “ङे ख्‍योरो डतिवाला ख्‍योरे काङ्‍बी वोक्‍ला मालेपा सेक्‍ला ख्‍युरुङ ति ङे यावी थाकाला देता।” सिनी सुङ्‍सुङ।’

मर्कूस 14:43

येशूकी तुक सुङ्‍यिन वोतुप पेला लोमा च्‍यिङ्‍ङी नाङ ने यहूदा सिरुप लोमा ति ते लेसुङ। ती पेला कोङ्‍यार छ्‍येतिवा ताङ यहूदी छ्‍योकी गेकेनतिवा ताङ यहूदी गोमा कितुप मी छ्‍येतिवी तङ्‍गुप मीतिवा खुर्पा ताङ लकाम खुर्नी यहूदा ताङ मुला ते लेसुङ।

लूका 22:47

येशूकी तुक सुङ्‍यिन वोतुप पेला मी माङ्‍छ्‍योक ते लेसुङ। तमा लोमा मिरा च्‍यिङ्‍ङी पर नेमा यहूदा सिरुप ति तिवाला गोमा क्‍यानी वासुङ। ती ति खोला पुका कितुपला खोकी चिप्‍ला वासुङ।

यूहन्‍ना 10:35

कोन्‍छ्‍योककी सुङ थोपुपतिवाला खोकी ल्‍हा यिन सिनी सुङ्‍सुङ, तमा कोन्‍छ्‍योककी सुङ ति टेङ्‍बु वे।

यूहन्‍ना 13:18

ङे ख्‍यिराङ तेरीकी कोर्ला सिक्‍यावु मिन, ङे पेतुप मीतिवा चुका पारकी यिन सिनी ङ ङो शेकिवी। यिने ‘ङ ताङ मुला देनी शुब्‍ज्‍याङ साप तीकी राङ ङला क्‍येन तेर्किवी।’ सिनी टिवु कोन्‍छ्‍योककी सुङ ति तेरी छेकिवी।

यूहन्‍ना 17:12

ङ तिवी मुला वोता सेक याङ पपी ङला नङ्‍गुप ङार वोतुप मिङला तिवाला ङे र्‍होक्‍नी ज्‍याकिन। तुक क्‍यानी तिवी पर्ला ङ्‍येलाला डो गोवु तीला मिसिन यम्‍बा सु साङ ङ्‍येलाला माख्‍येल वे। ती ति कोन्‍छ्‍योककी सुङला टिवु ति तेरी छेवुला यिन।

यूहन्‍ना 19:36

तुकै च्‍युङ्‍गुप ति “खोकी रुकक च्‍यिक साङ मछ्‍याकिवी।” सिनी कोन्‍छ्‍योककी सुङला टिवु ति तेरी छेवुला यिन।

लोमा छ्‍येतिवी लाका 1:20

येलुङ पत्रुसकी सिक्‍यासुङ, “भजनसंग्रहला दुक सिनी टि वे, ‘तीकी खाङ्‍बा ति तोङ्‍बा सिङी डोशी। तमा ते सु साङ मेदेशी। तीकी ओङ साङ मी यम्‍बी राङ ठोक्‍शी।’

लोमा छ्‍येतिवी लाका 13:15

ते यहूदी छ्‍योखाङकी छ्‍येतिवी मोशाकी ठिम ताङ कोन्‍छ्‍योककी लुङ्‍तेम्‍बाकी थेप नेसुर लाप्‍सिमा पावल ताङ बारनाबासला दुक सिनी कताङ्‍सुङ, “ओ नुपतिवा, ख्‍यिरा मुला मीतिवाला टोङ्‍गु नङ गोवु सुङतिवा वोसिन सुङा!”

लोमा छ्‍येतिवी लाका 13:38

ती तप्‍की अच्‍युनुपतिवा, कोन्‍छ्‍योककी शेप ने ङोसु लङ्‍गुप ती येशूकी क्‍या नङ्‍गुप लाका नेसुर कोन्‍छ्‍योककी ख्‍यिराङला दिक्‍पा ने थर ज्‍यितुप ताम्‍ङे ति ख्‍यिराङला हाक्‍कोशी।

लोमा छ्‍येतिवी लाका 15:13

तिवी लाप्‍नी सिन्‍सिमा याकूबकी दुक सिक्‍यासुङ, “ओ अच्‍युनुपतिवा, ङे ताम्‍ङे ङ्‍येना!

लोमा छ्‍येतिवी लाका 15:7

तिवा अलायी केवुल क्‍यासिमा पत्रुस लानी तिवाला सिक्‍यासुङ। “ओ अच्‍युनुपतिवा, गलुप ङ्‍यिमाला कोन्‍छ्‍योककी ङला ख्‍यिरा पर नेमा ख्‍याप्‍टाक कितुपला पेतुप ताङ यहूदी मिन्‍दुप मिरिक यम्‍बाकी मीतिवी ङे ख्‍याप्‍टाक क्‍यावु लेन ल्‍यामु थोसिमा तेपा क्‍यासुङ सिरुप ति ख्‍यिराङला छ्‍या राङ वे।

लोमा छ्‍येतिवी लाका 2:23

येशूला ख्‍यिरा कोन्‍छ्‍योककी सुङला मुयुकुपतिवी लकला चेक तेनी ग्‍यङ्‍शिङ लोला कल्‍नी से च्‍यिसुङ। दी ति कोन्‍छ्‍योककी नोवा ताङ दीकी कोर्ला ति तोङ्‍ला राङ खोला छ्‍या नोक।

लोमा छ्‍येतिवी लाका 2:37

पत्रुसकी सुङ ख्‍याप्‍टाक क्‍यावु थोसिमा ते वोतुप मीतिवी सेमला छासे दुङल लानी पत्रुस ताङ यम्‍बा लोमा छ्‍येतिवाला दुक सिक्‍यासुङ, “ओ अच्‍युनुपतिवा, त ङ्‍यिरा काङ कि गोकिवी?”

लोमा छ्‍येतिवी लाका 22:1

पावलकी “ओ अच्‍युनुपतिवा, ख्‍यिरा दोङ्‍ला ङे कोर्ला ताम्‍ङे यी सि गोवु वे। ती ति तेरीकी ङ्‍येना!” सिनी सिक्‍यासुङ।

लोमा छ्‍येतिवी लाका 23:1

तमा पावलकी ते जोम्‍बुप यहूदी छ्‍योकी ठिम्‍खाङकी मीतिवी थाकाला ल्‍हानी दुक सिक्‍यासुङ, “ओ अच्‍युनुपतिवा, हारिङ ङ्‍यिमा सेक कोन्‍छ्‍योककी थोङ्‍दाङला ङे सेम टेङ्‍बु क्‍यानी मिजी क्‍याङ्‍यिन।”

लोमा छ्‍येतिवी लाका 23:6

तमा ते जोम्‍बुप मीतिवी नाङ ने छो च्‍यिक ति सदुकी ताङ छो यम्‍बा ति फरिसीतिवा नोक सिरुप ति हाक्‍कोनी पावलकी थोर ग्‍यप्‍नी दुक सिक्‍यासुङ, “ओ अच्‍युनुपतिवा, ङ फरिसी यिन, ङे पपाआमा साङ फरिसी यिन। कोन्‍छ्‍योककी शेपतिवा सेन्‍बु लङ्‍गुप रेवाकी थोक्‍ला राङ ख्‍यिरा ङला दे ठिम कियी वे।”

लोमा छ्‍येतिवी लाका 28:17

तेमी ङ्‍यिमा सुम तिङ्‍ला पावलकी ते देतुप यहूदी गोमा कितुप मीतिवाला कतोङ ताङ्‍सुङ। यहूदीतिवा ते जोम्‍सिमा पावलकी तिवाला सिक्‍यासुङ, “ओ अच्‍युनुपतिवा, ङे याङ ङरा लुङ्‍बी मीतिवा ताङ पगावा हङ्‍गावी लुक्‍सुकी तेन्‍दोकला काङ लाका माक्‍यासिनाङ यहूदीतिवी ङला जिम्‍नी यरूशलेमला वोतुप रोमीतिवी लकला चेक तेन ताङ्‍सुङ।

लोमा छ्‍येतिवी लाका 28:25

तमा तिवा खोप्‍रे पर्ला साङ ताम्‍ङे माडिक्‍नोक। तुक क्‍यानी केन डोप पेला पावलकी दुक सिनी लाप्‍सुङ, “ख्‍यिरा पगावा हङ्‍गावाला कोन्‍छ्‍योककी थु चाङ्‍माकी यशैया लुङ्‍तेम्‍बा नेमा सुङ्‍गुप सुङ ति टेके राङ नोक। ती सुङ ति दी यिन,

लोमा छ्‍येतिवी लाका 7:2

तमा स्‍तिफनसकी सिक्‍यासुङ, “ओ अच्‍युनुपतिवा ताङ पालुतिवा, ङे ताम्‍ङे ल्‍यामो क्‍यानी ङ्‍येना! दाक्‍पी हङ्‍गावा अब्राहाम हारानला डोप सिनाङ गोमाला मेसोपोटामियाला वोतुप पेला मोवा वोतुप कोन्‍छ्‍योककी ज्‍यल्‍का नाङ्‍नी

१ पत्रुस 1:11

तिवी ती थर्वा ति नम पेला गिवी, चुक क्‍यानी गिवी सिनी हाक्‍कोवु छाल्‍सुङ। तमा तिवी सेमला वोतुप ख्रीष्‍टकी थु चाङ्‍मा नेसुर ख्रीष्‍टकी खुर गोवु छेटाङ ताङ ती ज्‍युक्‍ला वुङ्‍गुप मोवाकी थोक्‍ला गोमाला के पङ्‍बु छ्‍या तेन्‍सुङ।

२ पत्रुस 1:21

च्‍यिलासिसिन लुङ्‍तेम्‍बातिवी नम्‍दर शेतुप ति मी नोवा नेमा मिन, कोन्‍छ्‍योककी थु चाङ्‍मा नेमा कोन्‍छ्‍योककी सुङ्‍गुप ताम्ङे ति लुङ्‍तेम्‍बातिवी शेतुप यिन।

२ पत्रुस 2:21

ती तप्‍की तिवाला बिन्‍दुप कोन्‍छ्‍योककी सुङ टेङ्‍बु ति तिवी हाक्‍कोनी साङ ती सुङला मुयुकुप सिसियाङ, बोरु तिवाला कोन्‍छ्‍योककी थोङ्‍दाङला टेङ्‍बु वोतुप सुङगी कोर्ला हाक्‍माकोवु राङ ल्‍यामु यिन्‍दुप्‍जा।