लोमा छ्‍येतिवी लाका 1:15 - कोन्छ्‌योककी सुङ

¹⁵ ती पेला ते तेपा कितुपतिवा मी मिरा सयी च्‍यिक ताङ खल ज्‍यिक चोयी जोम्‍नोक। तमा पत्रुसकी तिवी पर्ला टङी लानी सिक्‍यासुङ,

लोमा छ्‍येतिवी लाका 1:15 Iomraidhean Croise

मत्ती 13:31

येलुङ येशूकी तिवाला यम्‍बा पे यी शेन नाङ्‍सुङ। “कोन्‍छ्‍योककी ग्‍येल्‍खाप ति मी मिरा च्‍यिककी खोरो शिङ खला तपुप राय छेर्माङकी सेन दोके यिन।

लूका 22:32

यिने सिमोन, ख्‍योरो तेपा ति मोतोर्शी सिनी ङे मोपोर क्‍यायिन। ख्‍युरुङ येलुङ लोक्‍नी वुङ्‍गुप पेला ख्‍योरो तेपा कितुप अच्‍युनुपतिवाला रम्‍बु जोसा।”

यूहन्‍ना 14:12

वुतुङ के ङ ख्‍यिराङला सिरिन, सी ङला तेपा किवे, तीकी ङे क्‍यावु हलेवु लाकातिवा साङ किवी, तमा ती सिनाङ मङ लाका छ्‍ये साङ किवी, च्‍यिलासिसिन ङ पपी चाला डोयी वे।

यूहन्‍ना 21:23

येशूकी तुक सुङ्‍गुप ति खोकी ङ्‍यिङ्‍ज्‍येवु लोमा ति मिशिते सिनी खोला तेपा कितुपतिवी पर्ला टाम्‍सुङ। यिने येशूकी ती लोमा ति मिशिवी सिनी सुङ्‍गुप मिन, “ङ माङुवा सेक तीला सेन्‍बु देशी सिरुप ङे नो क्‍यासिनाङ ती ति ख्‍युरुङला काङ गोसुङ?” सिनी सुङ्‍गुप तिराङ यिन।

लोमा छ्‍येतिवी लाका 10:23

ती ताम्‍ङे थोनी पत्रुसकी ती मीतिवाला गासो शुनी खोरो खाङ्‍बाला शासा दे च्‍यिसुङ। ती सला तीला कर्नेलियसकी तङ्‍गुप मिरा सुमतिवा ताङ मुला पत्रुस गाल्‍सुङ। तिवी मुला योप्‍पाकी यम्‍बा तेपा कितुप मीतिवा साङ गाल्‍सुङ।

लोमा छ्‍येतिवी लाका 11:1

तमा यहूदी मिन्‍दुप मिरिक यम्‍बाकी मीतिवी साङ कोन्‍छ्‍योककी सुङ ङ्‍येन्‍नी तेपा क्‍यानोक सिरुप ताम्‍ङे ति लोमा छ्‍येतिवा ताङ यहूदियाला वोतुप तेपा कितुपतिवी थोनोक।

लोमा छ्‍येतिवी लाका 11:12

तमा कोन्‍छ्‍योककी थु चाङ्‍माकी ङला ‘नाम्‍दोक माक्‍यानी तिवी मुला ग्‍युक!’ सिनी सुङ्‍सुङ। तेसुर तन्‍दा ङे मुला वोतुप योप्‍पा नेसुर वावु तेपा कितुप मिरा टुक साङ ङे मुला राङ कैसरियाला गलिन। तमा ती ङ्‍यिराङला कतोङ तोङ्‍गुप मी तीकी खाङ्‍बा टिम्‍बु राङ लेप्‍सुङ।

लोमा छ्‍येतिवी लाका 11:26

शाऊलला ठेसिमा एन्‍टिओखियाला टिनी वासुङ। तमा तिवी मुला लो खोर्मा यी सेक देनी चर्चला वोतुप तेपा कितुप मीतिवा बङीला नरी ठेनी येन्‍देन बिन्‍सुङ। ती पेला नेज्‍युनी एन्‍टिओखियाला वोतुप लोमातिवाला थल्‍माला ख्रीष्‍टियान सिनी सिक्‍यावु यिन।

लोमा छ्‍येतिवी लाका 11:29

तुक क्‍यानी एन्‍टिओखियाला देतुप तेपा कितुप मीतिवी दाक दाक्‍पी काङ अछ्‍योवु ति टङ्‍गा दुनी यहूदियाला देतुप तेपा कितुपतिवी थोक्‍ला कल तोङ्‍गुप सिनी तेन्‍तेन क्‍यासुङ।

लोमा छ्‍येतिवी लाका 12:17

तमा पत्रुसकी तिवाला खरक्‍पा दे सिनी लाक्‍पी छ्‍याक के क्‍यानी कोन्‍छ्‍योककी खोरुङला चुक क्‍यानी चोन्‍खाङ नेमा तेन्‍सुङ सिरुप ताम्‍ङे ति तिवाला लाप्‍सुङ। तमा ती ताम्‍ङे ति याकूब ताङ यम्‍बा तेपा कितुपतिवाला साङ लोपा सिनी खोरुङ ति दासा यम्‍बाला गाल।

लोमा छ्‍येतिवी लाका 14:2

यिने तेपा मिकिवु यहूदीतिवी मिरिक यम्‍बातिवाला चेन्‍नी तेपा कितुपतिवाला सेम मेलोक्‍पा जोसुङ।

लोमा छ्‍येतिवी लाका 15:1

ती पेला यहूदिया नेसुर मी ललाइ एन्‍टिओखियाला वानी तेकी तेपा कितुप मीतिवाला “मोशाकी ठिमला सिक्‍यावु दोके यहूदीतिवी च्‍येतुप लुक्‍सु माक्‍यासुङ सिसिन कोन्‍छ्‍योककी ख्‍यिराङला दिक्‍पा ने थर मिज्‍यिवी।” सिनी येन्‍देन बिन्‍सुङ।

लोमा छ्‍येतिवी लाका 15:3

तोङ्‍गुप पेला चर्चकी मीतिवी तिवाला ल्‍यामो क्‍यानी ताङ्‍सुङ। तमा तिवा यरूशलेम डोप पेला फोनिके ताङ सामरियाला लेप्‍सुङ। लेप्‍सिमा ते वोतुप तेपा कितुप मीतिवाला यहूदी मिन्‍दुप मिरिक यम्‍बाकी मीतिवी सेम ग्‍युर्नी कोन्‍छ्‍योकला तेपा क्‍यासुङ सिरुप ताम्‍ङे ति लाप्‍सुङ। तमा तेकी मीतिवा तेरी गा क्‍यासुङ।

लोमा छ्‍येतिवी लाका 16:2

तमा लुस्‍त्रा ताङ आइकोनियनकी तेपा कितुपतिवी तिमोथीकी कोर्ला ताम्‍ङे ल्‍यामु किनोक।

लोमा छ्‍येतिवी लाका 16:40

तेसुर तिवा चोन्‍खाङ नेमा थेन गल्‍सिमा लिडियाकी खाङ्‍बा गाल। तमा तेकी तेपा कितुपतिवाला टोङ्‍गु बिन्‍नी तेसुर गाल्‍सुङ।

लोमा छ्‍येतिवी लाका 17:10

ती नुपला राङ तेपा कितुपतिवी पावल ताङ सिलासला बेरिया सिरुप दासाला ताङ्‍सुङ। तिवा ते लेप्‍सिमा यहूदी छ्‍योखाङ नाङ्‍ला गाल।

लोमा छ्‍येतिवी लाका 17:14

ती तप्‍की तेपा कितुपतिवी पावलला शार्क्येक ग्‍येम्‍छोकी गारीला ताङ्‍सुङ। यिने सिलास ताङ तिमोथी ति तेराङ देसुङ।

लोमा छ्‍येतिवी लाका 17:6

यिने पावल ताङ सिलासला माङ्‍येसिमा यासोन ताङ यम्‍बा तेपा कितुप मीतिवा ललाइला जिम्‍नी ग्‍येसाकी छ्‍येतिवी चिप्‍ला टि गाल। तमा वोरु देनिन सिरा “दी जम्‍बुलिङला ठका ठुका जोप मीतिवा दे साङ वानोक।

लोमा छ्‍येतिवी लाका 18:18

ती ज्‍युक्‍ला पावल ङ्‍यिमा अलायी सेक ते राङ देसुङ। तमा कोन्‍छ्‍योकला तेपा कितुप मीतिवी मुला क्‍येनी प्रिस्‍किला ताङ अकिलास साङ मुला राङ टिनी टुला जेनी सिरिया लुङ्‍बाला डोप छाल्‍सुङ। यिने गोमाला कोन्‍छ्‍योकला थाक्‍छ्‍येनी लावा लावु ति नासाम शर्नी किंक्रियाला गल्‍नी खोरो र्‍ह टेसुङ।

लोमा छ्‍येतिवी लाका 18:27

तमा ती ज्‍युक्‍ला अपोल्‍लोस अखैयाकी दासाला डोप नो क्‍यासिमा तेपा कितुप मीतिवी तीला ते डोपला टोङ्‍गु बिन्‍सुङ। तमा अखैयाला वोतुप लोमातिवाला “अपोल्‍लोसला ल्‍यामो क्‍यान दाल्‍जा किटे की।” सिनी तिवी यिकी टिनी ताङ्‍सुङ। तेसुर अपोल्‍लोस अखैयाला लेप्‍सिमा कोन्‍छ्‍योककी कटिन थोप्‍नी तेपा क्‍यावुतिवाला दाल्‍जा किटे क्‍यासुङ।

लोमा छ्‍येतिवी लाका 21:17

तेसुर ङि्‍यराङ यरूशलेमला लेप्‍सिमा तेकी तेपा कितुप मीतिवी ङ्‍यिराङला गा ताङ क्‍यानी गासो शुसुङ।

लोमा छ्‍येतिवी लाका 21:20

ती थोसिमा तिवी कोन्‍छ्‍योकला सोवा तेक्‍नी पावलला सिक्‍यासुङ, “ओ नुप, ङ्‍येना! यहूदीतिवी पर्ला तेपा कितुपतिवा तोङ्‍डा च्‍यिथम्‍बा चोयी वे। तमा तिवा तेरी मोशाकी ठिम तेन्‍दुपला छासे ङाडेङ वे।

लोमा छ्‍येतिवी लाका 21:7

तेसुर ङ्‍यिराङ टुरोस नेसुर गल्‍सिमा टोलेमाइसला लेप्‍नी टु नेसुर पापिन। तमा तेकी तेपा कितुप मीतिवाला ठेनी तिवी मुला ङ्‍यिम्‍ज्‍यिक देतिन।

लोमा छ्‍येतिवी लाका 22:5

तीकी कोर्ला कोङ्‍यार छ्‍येतिवा ताङ यम्‍बा मी छ्‍येतिवी साङ ङे कोर्ला पङ्‍बु तेर्किवी। तिवी राङ दमस्‍कसला वोतुप खोरो यहूदी मीतिवाला जिम्‍बुप यिकी ङला बिन्‍दुप तप्‍की येशूला तेपा कितुपतिवाला टानी यरूशलेम टि वानी छ्‍येर्पा तेरुपला ङ दमस्‍कसला गलिन।

लोमा छ्‍येतिवी लाका 28:14

ते ङ्‍यिरा ललाइ तेपा कितुप मीतिवा ताङ मुला ठेसुङ। तमा तिवी ङ्‍यिराङला ते राङ दे सिनी गोङ्‍बा शुवु तप्‍की ङ्‍यिराङ ङ्‍यिमा दिन सेक ते राङ देतिन, तमा तेसुर रोमला गलिन।

१ कोरिन्‍थी 15:6

तमा ती ज्‍युक्‍ला खो थेङ्‍मा च्‍यिकला राङ तेपा कितुप मी सयी ङ सिनाङ मङ्‍मुकी चाला छ्‍यार्सुङ। तिवी पर्ला ललाइ ति शिसुङ, यिने माङ्‍शोक ति तन्‍दा सेक साङ सेन्‍बु वे।

ज्‍यल्‍का 11:13

ती पेला राङ सयी ग्‍यिर्पो यी ग्‍यप्‍सुङ, तमा ग्‍येसा छो च्‍यिथम्बाला छो च्‍यिक ति तला ग्‍यप्‍नी मी तोङ्‍डा दिन शिसुङ। तमा यम्‍बा सेन्‍बु लुवु मीतिवा छासे ज्‍यिवा क्‍यानी देवाच्‍येनकी कोन्‍छ्‍योकला मोवा क्‍यासुङ।

ज्‍यल्‍का 3:4

यिने सार्डिसला वोतुप ख्‍यिरा पर्ला तेपा कितुपतिवा ललाइ ललाइ ति मज्‍याला टेमा माछ्‍यावु दोके खोप्‍राङ मिजी ति मेटेङ्‍बु माजो वे। तिवा ङे मुला राङ मज्‍या कर्मु कोन्‍नी युकिवी, च्‍यिलासिसिन तिवा तुक कि छ्‍योवु वे।