Biblia Todo Logo
Bìoball air-loidhne

- Sanasan -




लोमा छ्‍येतिवी लाका 1:13 - कोन्छ्‌योककी सुङ

13 तिवा यरूशलेम लेप्‍सिमा खोप्‍राङ देतुप खाङ्‍बी तेङाङ तेला गाल। तिवा ति पत्रुस ताङ यूहन्‍ना ताङ याकूब ताङ अन्‍द्रियास ताङ फिलिप ताङ थोमा ताङ बारथोलोमाइ ताङ मत्ती ताङ अल्‍फयसकी पुज्‍युङ याकूब ताङ जिलोट सिनी ङो शेवु सिमोन ताङ याकूबकी पुज्‍युङ यहूदा यिनोक।

Faic an caibideil Dèan lethbhreac




लोमा छ्‍येतिवी लाका 1:13
45 Iomraidhean Croise  

तेसुर येशू फेपिन कितुप पेला मत्ती सिरुप से दुतुप मी यी से दुतुप लेखुङला देन वोतुप थोङ्‍सुङ। तमा खोकी तीला “ङे तिङ्‍ला तिङ्‍यो।” सिनी सुङ्‍सुङ। खोकी तुक सुङ्‍सिमा ती खोक लानी खोकी तिङ्‍ला तिङ्‍यासुङ।


तमा तीकी ख्‍यिराङला येर तेला टडिक क्‍या वोतुप जे ग्‍येर्पु यी छ्‍या देन्‍गिवी। ते राङ दाक्‍पी थोक्‍ला डेन टडिक की।”


तमा खोकी लोमातिवी नाङ ने पत्रुस ताङ याकूब ताङ यूहन्‍नाला खोरो मुला राङ टिनी फेप्‍सुङ। ती पेला खोकी सेम छासे सेम्‍दुक लानी छप्‍छुपा कितुप छाल्‍सुङ।


तमा तेसुर येशू फेप्‍सालेन्‍सिन अल्‍फयसकी पुज्‍युङ लेवी ति से दुतुप लेखुङला देतुप थोङ्‍नी खोकी तीला “ख्‍युरुङ ङे तिङ्‍ला तिङ्‍यो।” सिनी सुङ्‍सुङ। तमा ती लेवी ति खोक लानी खोकी तिङ्‍ला तिङ्‍यासुङ।


तेसुर येशूकी खोरो लोमातिवी नाङ ने पत्रुस ताङ याकूब ताङ याकूबकी नुप यूहन्‍नाला मिसिन यम्‍बा सुला साङ खोरे तिङ्‍ला तिङ्‍योक माच्‍यी।


तेमी ङ्‍यिमा टुककी तिङ्‍ला येशूकी पत्रुस ताङ याकूब ताङ यूहन्‍नाला तिराङ खोरे मुला टिनी रीला फेप्‍सुङ। तमा ती पेला लोमातिवी ल्‍हयी ल्‍हयी येशूकी जुजम ति ग्‍युर्सुङ।


तुक सिक्‍यासिमा तीकी ख्‍यिराङला येर तेला टडिक क्‍या ज्‍यकुप पर्खाङ ग्‍येर्पु यी छ्‍या देन्‍गिवी। ख्‍यिराङ ते डेन टडिक की।”


तमा लोमातिवी पर्ला दिदुमस साङ सिरुप थोमा तीकी यम्‍बा लोमातिवाला “लो, दाक्‍पु साङ गेकेनकी मुला डोप, तमा खोकी मुला शिराङ गोसिनाङ शेप।” सिनी सिक्‍यासुङ।


येशूकी तुक सुङ्‍सिमा यहूदा इस्‍करियोत मिन्‍दुप यम्‍बा यहूदा तीकी खोला “चोवो, चोवोकी च्‍यिला खोरुङ ति ङ्‍यिराङला छ्‍या देन्‍गिवी, यिने जम्‍बुलिङकी मीतिवाला ति छ्‍या मेदेन्‍वी?” सिनी टिसुङ।


तमा ती पेला राङ गोला र्‍हेन्‍दुप ती पुम्‍पेजा तीकी पत्रुसला “काङ ख्‍युरुङ साङ तीकी लोमातिवी पर्ला मिरा च्‍यिक मिन?” सिनी टिसुङ। यिने पत्रुसकी “मिन, ङ याङ मिन।” सिनी सिक्‍यासुङ।


ते सिमोन पत्रुस, दिदुमस सिरुप थोमा, गालीलकी काना ग्‍येसाकी नथानेल, जब्‍दियाकी पुज्‍युङतिवा ताङ यम्‍बा येशूकी लोमा मिरा ङ्‍यी तेरी मुला राङ जोम नोक।


तमा पत्रुसकी तिवाला खरक्‍पा दे सिनी लाक्‍पी छ्‍याक के क्‍यानी कोन्‍छ्‍योककी खोरुङला चुक क्‍यानी चोन्‍खाङ नेमा तेन्‍सुङ सिरुप ताम्‍ङे ति तिवाला लाप्‍सुङ। तमा ती ताम्‍ङे ति याकूब ताङ यम्‍बा तेपा कितुपतिवाला साङ लोपा सिनी खोरुङ ति दासा यम्‍बाला गाल।


तिवी लाप्‍नी सिन्‍सिमा याकूबकी दुक सिक्‍यासुङ, “ओ अच्‍युनुपतिवा, ङे ताम्‍ङे ङ्‍येना!


तमा पत्रुसकी लोमा छ्‍ये मिरा च्‍युच्‍यिक ताङ मुला खोक लानी थोर ग्‍यकिन सिरा तिवाला सिक्‍यासुङ, “ओ यहूदिया ताङ यरूशलेमला देतुप मीतिवा, ङे सिक्‍यावु ताम्‍ङे ङ्‍येन्‍नी हाक्‍कोवा की!


तमा पत्रुसकी तिवाला सिक्‍यासुङ, “ख्‍यिराङ तेरीकी ख्‍यिरा क्‍यावु दिक्‍पा नेमा थरुपला सेम ग्‍युर्नी येशू ख्रीष्‍टकी मिङला बप्‍तिस्‍मा लो! तमा कोन्‍छ्‍योककी थु चाङ्‍माकी ङ्‍येम्‍बा ति ख्‍यिराङला थोप्‍कितो।


ते ङ्‍यिराङ देतुप खाङ्‍बी तेङगी कोठाला दिप्‍लीतिवा बङी चेनी नोक।


पत्रुस ताङ यूहन्‍ना काङ साङ मालापुप ताङ येन्‍देन मेतुप यिन्‍सिनाङ तुका ङाडेङ वोतुप थोङ्‍नी ते वावु मीतिवा हलेवा क्‍यासुङ। तमा पत्रुस ताङ यूहन्‍ना येशूकी मुला युकुप मी यिन सिरुप ति तिवी हाक्‍कोसुङ।


तमा पत्रुस ताङ यूहन्‍नाकी दुक सिक्‍यासुङ, “कोन्‍छ्‍योककी सुङ ङ्‍येन्‍दुप क्‍युर ज्‍याक्‍नी ख्‍यिरा ताम्‍ङे ङ्‍येन्‍दुप ति कोन्‍छ्‍योककी थोङ्‍दाङला ल्‍यामु यिनाङ मिन सिनी ख्‍यिराङ राङ नासाम तोङ!


येलुङ ती ज्‍युक्‍ला खो याकूब ताङ खोकी लोमातिवा तेरीकी चाला साङ छ्‍यार्सुङ।


यिने ते ङे चोवो येशूकी नुप याकूबला मिसिन यम्‍बा लोमा छ्‍ये सुला साङ माठे।


तुक क्‍यानी ते चर्चकी खक्‍छ्‍येवु याकूब ताङ पत्रुस ताङ यूहन्‍नातिवी कोन्‍छ्‍योककी ङला कटिन नङ्‍गुप थोङ्‍नी ङ ताङ बारनाबासला मुला थिन्‍नी लाका कितुप सिनी सिक्‍यासुङ। तमा ङ्‍यिराङ ति यहूदी मिन्‍दुप मिरिक यम्‍बाकी मीतिवी पर्ला, तिवा ति च्‍येतुप लुक्‍सु क्‍यावु यहूदीतिवी पर्ला लाका कितुपला ताम्‍ङे डिक्‍सुङ।


टसी देलेक! कोन्‍छ्‍योक ताङ चोवो येशू ख्रीष्‍टला शब्‍ज्‍यी बुलुप ङ याकूबकी छ्‍योक नेमा जम्‍बुलिङकी दासा दासाला टम्‍नी देतुप कोन्‍छ्‍योकला तेपा कितुप मीतिवा तेरीला दी यिकी ति टिवु यिनो।


ङ चर्चला गोमा कितुप मी छ्‍येकी छ्‍योक नेसुर कोन्‍छ्‍योककी पेन नङ्‍गुप आम्‍पुम ताङ तीकी पुज्‍युङपुमतिवाला दी यिकी ति टिवु यिनो। वुतुङ के ङ ख्‍यिराङला ङ्‍यिङ्‍ज्‍ये कितिन। ङ तिराङ मिन, यिने कोन्‍छ्‍योककी सुङ टेङ्‍बु काङ यिन सिनी हाक्‍कोवु मीतिवा तेरीकी साङ ङ्‍यिङ्‍ज्‍ये कितो।


टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।


Lean sinn:

Sanasan


Sanasan