लोमा छ्‍येतिवी लाका 1:11 - कोन्छ्‌योककी सुङ

¹¹ तिवाला सिक्‍यासुङ, “ओ गालीलकी मीतिवा, ख्‍यिराङ च्‍यिला दे लानी नामला ल्‍हानी देकिवी? तन्‍दा ख्‍यिरा पर नेमा येर देवाच्‍येनला टि फेवु येशू ति तन्‍दा चुक क्‍यानी ख्‍यिरा ल्‍हयी ल्‍हयी देवाच्‍येन ने टि फेप्‍वे, तुक राङ क्‍यानी खो येलुङ दी जम्‍बुलिङला लोक्‍नी फेप्‍किवी।”

लोमा छ्‍येतिवी लाका 1:11 Iomraidhean Croise

मत्ती 16:27

ङ मी पुज्‍युङ ङे पपी मोवा थोप्‍नी देवाच्‍येनकी लेन क्‍योलुप थुतिवी मुला लोक्‍नी वुङ्‍गिवी, ती पेला तेरी मीतिवा रे रेकी काङ क्‍यावे, तीकी क्‍यावु दोके राङ ङ छ्‍यक्‍तक तेर्किवी।

मत्ती 16:28

वुतुङ के ङ ख्‍यिराङला सिरिन, दे लानी वोतुपतिवी पर्ला ललाइकी ङ मी पुज्‍युङ खोरो ग्‍येल्‍खापला ग्‍येला कितुपला वुङ्‍गुप माथोङ्‍वा सेक्‍ला मिशिवी।”

मत्ती 24:30

ती पेला राङ ङ मी पुज्‍युङ वुङ्‍गुप त ति नामला छ्‍या देन्‍गिवी, तमा जम्‍बुलिङकी तेरी मिरिककी मीतिवा ज्‍यिवा लानी ङुप्‍राङ कियी सिरा ङ मी पुज्‍युङ ओङ ताङ छासे मोवा थोप्‍नी मुक्‍पी खला वुङ्‍गुप ति थोङ्‍गिवी।

मत्ती 25:31

“ङ मी पुज्‍युङ तेरी देवाच्‍येनकी लेन क्‍योलुप थुतिवी मुला खोरो मोवाला वुङ्‍गुप पेला ङ ति खोरो ग्‍येल्‍ठिकला देकितो।

मर्कूस 13:26

ती पेला मीतिवी ङ मी पुज्‍युङला ओङ ग्‍येर्पु ताङ मोवा थोप्‍नी नामगी मुक्‍पी खला वुङ्‍गुप थोङ्‍गिवी।

मर्कूस 14:70

यिने पत्रुसकी लोङ “ङ मिन।” सिनी सिक्‍यासुङ। चेयी ज्‍युक्‍ला ते लानी देतुप मीतिवी लोङ पत्रुसला “वुतुङ के ख्‍युरुङ ति तिवी परकी मिरा च्‍यिक यिन, च्‍यिलासिसिन ख्‍युरुङ गालीलकी मी यिन।” सिनी सिक्‍यासुङ।

मर्कूस 16:19

चोवो येशूकी तिवाला तोजोयी सुङ्‍सिमा खो देवाच्‍येन ने तेक्‍नी फेप्सुङ, तमा कोन्‍छ्‍योककी यावी थाकाला ज्‍युसुङ।

लूका 21:27

ती पेला ङ मी पुज्‍युङ ति ओङ छ्‍येवु ताङ मोवा क्‍यानी मुक्‍पी खला वुङ्‍गुप ति मीतिवी थोङ्‍गिवी।

लूका 24:5

ती थोङ्‍सिमा पुम्‍पेजातिवा कशेन ज्‍यिवा लानी सला खवुतुङ्‍मा देसुङ। तमा ती ख्‍योक्‍पेजातिवी तिवाला सिक्‍यासुङ, “ख्‍यिराङ च्‍यिला ङोसु वोतुप तीला शेपतिवी पर्ला छोलिन वे?

यूहन्‍ना 14:3

ङ गल्‍नी ख्‍यिरा थोक्‍ला दासा टडिक क्‍यासिमा लोङ वानी ख्‍यिराङला ङे ते टिनी डोयिनो, तमा ङ देतुप ते ख्‍यिराङला साङ देतुप ङ्‍येकितो।

लोमा छ्‍येतिवी लाका 1:2

ती थेप नाङ्ला खोकी पेन नङ्‍गुप लोमातिवाला कोन्‍छ्‍योककी थु चाङ्‍मा नेमा क नङ्सिमा खो देवाच्‍येनला तेङ फेवु छेर्मु सेककी ताम्‍ङे ति तेरी वे।

लोमा छ्‍येतिवी लाका 1:22

ती मी ति यूहन्‍नाकी बप्‍तिस्‍मा तेरुप पेला नेज्‍युनी चोवो येशू ङ्‍यिरे पर नेमा देवाच्‍येनला टि फेवु तुजे सेक ङ्‍यिरा मुला राङ वोतुप ति वुङ गोकिवी। च्‍यिलासिसिन ती मी तीकी येशू टुङ्‍नी ङोसु लावु ताम्‍ङेकी पङ्‍बु ति ङ्‍यिरा मुला राङ तेर गोकिवी।”

लोमा छ्‍येतिवी लाका 1:9

खोकी तुक सुङ्‍सिमा लोमातिवी ल्‍हयी ल्‍हयी राङ कोन्‍छ्‍योककी खोला येर देवाच्‍येन ने टि फेप्‍सुङ। तमा मुक्‍पी पर्ने तोक तोर्सुङ।

लोमा छ्‍येतिवी लाका 13:31

ती ज्‍युक्‍ला खोकी मुला राङ गालील नेसुर यरूशलेमला वुङ्‍गुपतिवी चिप्‍ला खो ङ्‍यिमा अलायी सेक छ्‍यार्सुङ। तमा तिवा तन्‍दा साङ खोकी पङ्‍बु यिन।

लोमा छ्‍येतिवी लाका 2:7

तमा तिवा हलेवा लानी च्‍यिककी च्‍यिकला सिक्‍यासुङ, “काङ दी दाक्‍पी ग्‍येतामला ताम्‍ङे लपुपतिवा याङ गालीलकी मीतिवा मिन?

लोमा छ्‍येतिवी लाका 3:12

ती थोङ्‍नी पत्रुसकी मीतिवाला सिक्‍यासुङ, “ओ इस्राएलकी मीतिवा, ख्‍यिराङ च्‍यिला हलेवा किवी? काङ दी मीला युक थुपुप जोवु ति ङ्‍यिराङला खक्‍छ्‍येवु ङार वोतुप तप्‍की यिन सिनी ख्‍यिराङ हलेवा क्‍यानी ल्‍हानी देकिवी? याङ्‍ना ङ्‍यिरा कोन्‍छ्‍योककी थोङ्‍दाङला क्‍यावु लाका ल्‍यामुकी यिन्‍दे सिनी नासाम तोङ्‍गिवी?

लोमा छ्‍येतिवी लाका 3:21

ती येशू ति कोन्‍छ्‍योककी तोङ्‍ला नेज्‍युनी पेतुप खोरे लुङ्‍तेम्‍बा टेङ्‍बुतिवी ख नेमा सुङ्‍गुप तेरी च्‍यालकतिवा सम्‍बा जोप तुजे माङुवा सेक्‍ला देवाच्‍येनला राङ ज्‍यु गोकिवी।

१ थेसलोनिकी 1:10

तोजो तिराङ मिन, टुङ्‍गुप ने ङोसु लानी दाक्‍पुला त ख्‍येल वुङ्‍गुप छ्‍येर्पा नेसुर र्‍होक ज्‍यितुप कोन्‍छ्‍योककी सेवु ति देवाच्‍येन नेमा फेवुला ख्‍यिराङ गुन देतुप ताम्‍ङे साङ तिवी खोप्‍रे राङ लप्‍किवी।

१ थेसलोनिकी 4:16

च्‍यिलासिसिन चोवो फेपुप पेला क नङ्‍गुप थोर ग्‍येर्पु ताङ देवाच्‍येनकी लेन क्‍योलुप थु छ्‍येकी वोरु ताङ कोन्‍छ्‍योककी ग्‍यङ्‍डा तोङ्‍गुप वोरु ताङ मुला देवाच्‍येन नेमा पाप्‍नी फेप्‍किवी। तमा ख्रीष्‍टला तेपा क्‍यानी शेपतिवा ति गोमाला के सेन्‍बु लङ्‍गिवी।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।